城巴車長為上廁所遲開車被炒？司機乘客互相拍片指摘
本帖最後由 RunningBus 於 2016-4-21 11:37 編輯http://www.hk01.com/%E7%86%B1%E8 ... 7%E6%8C%87%E6%91%98
網上流傳兩段巴士上乘客與司機爭執的短片，引起不少網民熱議。事件發生於4月8日晚上約9時50分，地點在屯門碼頭巴士總站，一部原定於9時45分開出的城巴B3巴士，由於巴士司機需要去洗手間，所以延至50分尚未開出，引起一名乘客不滿，高聲指摘司機故意拖延，指摘司機「我話你點解咁遲，你就話你有生理需要，搞笑你都」，更叫司機「唔好帶口罩」。司機聞言離開駕駛室與乘客理論爭執，「點樣叫慢，點樣叫快？」、「郁我囉」，最後更指乘客不滿可以向公司投訴，並留下自己的員工編號和公司聯絡電話。
爭執過程中司機及乘客都有拍片，今日兩段短片同時在網上快速流傳，網民大都認為乘客小題大做，批評他「搞到人無份工都好無品」、「你幾分鐘千萬上落呀？？幾分鐘影響你人生呀？？」。更有不少網民起底片中乘客，將他的個人資料散播網上。
面對網民批評，片中乘客則回應：「我只系（係）投訴！有無份工系（係）佢公司決定，比（俾）你地（哋）都會投訴，我都系（係）正常問個問題，相信你地（哋）系（係）我都會問同一個問題。」
在網民上載了城巴解僱司機的事件調查通知書，指司機由於「不必要地離開駕駛位與乘客爭吵，並說出不當言詞及不斷作出挑釁性舉動，構成嚴重行為失當」，所以「即時解僱而不給予代通知金及任何解僱補償」。
咸魚拍片
https://www.youtube.com/watch?v=kNlmjsL9MKI
司機拍片
https://www.youtube.com/watch?v=JkTVl-x__Zw
https://scontent-hkg3-1.xx.fbcdn.net/hphotos-xtf1/v/t1.0-9/13051544_1767201100179809_7497321715382151971_n.jpg?oh=a9558140d82ba454556f9de3db8cf5b9&oe=57AF1B0E
宜家啲咸魚真係好離譜！小個便都唔得！有無人性架？呢件Dick Wong抵比人起底！ 無理乘客﹐如果真係幾分鐘便發癲﹐的確係有問題。
但係城巴以「不必要地離開駕駛位與乘客爭吵，並說出不當言詞及不斷作出挑釁性舉動，構成嚴重行為失當」﹐這位司機又真係斷正﹐又係唔抵幫。
EQ 高少少﹐唔好理這位無理乘客便可﹐反正影片中未見到乘客影響到行車安全﹐由得他自己發癲便可。
除非引起行車安全﹐或有其他乘客投訴﹐否則可以唔理。
無理乘客一般都只無講多幾句便會自己收聲﹐之後去投訴便由得他﹐自己同公司講番因為去洗手間而遲開車便可。
如果無理乘客真係攪大﹐影響行車安全/有其他乘客投訴﹐才作出跟進處理﹐例如請他落車﹐或報警/報公司處理。
PS. 在司機位轉身同乘客講幾句﹐未必會被炒的。
比人無理取鬧喎，點忍呀？ RunningBus 發表於 2016-4-21 11:57
比人無理取鬧喎，點忍呀？
司機本身 EQ 問題。
輕輕講出遲開車的原因(去toilet)﹐再有問題便叫他自己向公司投訴﹐其他野唔好再理。
只要唔影響行車安全﹐無其他乘客投訴﹐便由得無理乘客發癲。
本帖最後由 ma212223 於 2016-4-21 12:37 編輯
定點30分鐘班嘅線
乘客對巴士遲到不滿好正常
當然車長亦需要去洗手間
而俾乘客投訴有情緒亦係正常
雖然處理方法不當
我反而想知到底城巴係咪無俾足夠行車時間
以致呢啲疏車定點線都唔能夠準時開出?
如果人地返深圳要趕尾班車，急少少燥少少都正常。(我指唔係b3尾班，係其他深圳交通既尾班)
有個大疑惑，已經遲左，司機仲以未開車為由去拍人片？
早多一分鐘開車，佢拍拍下你自然手攰就冇事啦。
RunningBus 發表於 2016-4-21 11:57
比人無理取鬧喎，點忍呀？
4樓所講十分認同
做得服務業預左係有好多無理取鬧既人
而且你著得制服就係代表緊間公司
言行舉止係要注意
而唔係小事化大咁去挑釁人
原本已經遲左開車仲要走去鬧多幾句咪遲上加遲
當然..我冇話條鹹魚岩
如廁呢個理由我認為好合理
可能條鹹魚冇生理需要先唔識體諒下人
lsc04d11 發表於 2016-4-21 12:40
如果人地返深圳要趕尾班車，急少少燥少少都正常。(我指唔係b3尾班，係其他深圳交通既尾班)
有個大疑惑，已 ...
都係個句..
趕車唔係大晒
唔識早出門口搭早一班或者搭的士?
ma212223 發表於 2016-4-21 12:36
定點30分鐘班嘅線
乘客對巴士遲到不滿好正常
據官網所講B3行車時間只需40分
睇番時間表就屯碼開15,45分
深圳灣開55,25分
照計深圳灣開出黎係有50分行連休息
再加上夜晚通常唔會太多人搭(我估計..未試過夜晚搭)
我又覺得應該唔似唔夠行車時間
PS.乘客對巴士遲到不滿好正常
但乘客知道點解巴士遲到既原因都不滿就好唔正常
ma212223 發表於 2016-4-21 12:36
定點30分鐘班嘅線
乘客對巴士遲到不滿好正常
呢個只有新城自己知了⋯⋯;P