幫乘客打傘??日式服務
幾時係埋街口幫carlo指揮交通
053h4 發表於 2016-5-27 22:50
咁就到左考驗香港普通乘客道德感的時候
希望班站助搵唔到位俾老人坐既時侯唔好俾九巴話失職
認真。4可以加速落雨時上車速度，係有用。
nwfb94A 發表於 2016-5-27 15:21
$32.5搾盡人, 抵到爛啦
九巴站助全職好似是而$7000人工
本帖最後由 ew5191 於 2016-5-28 13:50 編輯
如果關愛座坐哂老人家 或者坐左既人唔肯讓咁點處理? 有無指引 ?
而家做站助可能更容易遇上乘客爭吵問題
同埋寫到站助新增功能;P 用職責會好D
1)協助有需要乘客，例如長者等登車後入坐關愛座。
>> "協助有需要乘客登車" 會好D之後既動作視乎實際情況而做
2)呼籲乘客盡量行入車廂中間及切勿站於黃線外。
>> OK 不過大前提係唔好迫人上車上到行都行唔到, 呼籲乘客盡量行入車廂中間 其實企滿中間唔代表企入下層車尾位置
3)完成訓練後，協助輪椅乘客登車，包括操作低地台板及扣好輪椅位安全帶。
>> 協助車長, 唔知係咪有車長意見反映所以站助做埋?
4)為登車乘客於下雨時打傘。
>> 問題:站助自己都要用傘遮自己 為客連自己都可能濕哂 所以盡量好啦 開得傘 eg觀塘 連職員都露天 所以站助都要自己遮自己
把傘又會滴水 可能都係整濕個客 無投訴都好 有投訴又係要處理 如果站有頂 乘客都會等前面個個登了車先會盡快登車 作用唔大
做好形象都要顧及員工工作環境
horsedog83 發表於 2016-5-28 11:31
九巴站助全職好似是而$7000人工
邊有$7000...
得$6500
要人擔遮有冇提供埋把遮俾人先？唔係遮都要自備下嗎
wawawa 發表於 2016-5-28 14:40
如果環境唔容許我諗都未必會夾硬要佢地幫乘客擔遮既
呢個措施真係有機會可以加快落雨天上車時間，有時塞晒D ...
大雨上黎, 如果係露天站, 站助都要遮自己, 都冇乜多餘空位遮其他人, 乘客見到佢係站頭, 仲可能要早D收遮, 只係將乘客集中收遮個位向後移,
站助冇乜位遮其他人, 反而乘客淋雨到上車腳程仲遠左
九巴站助由本月(2016年5月)起，將需要增加以下工作類別：
1)協助有需要乘客，例如長者等登車後入坐關愛座。
>其實真好唔明點解要協助有需要乘客入坐關愛座，本身我自己唔贊成設立關愛座，一來讓座係公民意識，亦係自願性，關愛座出發點係好，但俾人感覺係"我唔坐關愛座就唔駛讓座"
及引起"四肢健全無有需要人士時可否坐關愛座"爭議。我覺得應取消關愛座，改為"協助有需要乘客就坐"。
2)呼籲乘客盡量行入車廂中間及切勿站於黃線外。
"呼籲乘客盡量行入車廂中間"一直都見有做無意見，但繁忙時間有幾可做到"切勿站於黃線外"？
叫人行入d塞多幾個甚至叫乘客企埋上層都見唔少！
3)完成訓練後，協助輪椅乘客登車，包括操作低地台板及扣好輪椅位安全帶。
4)為登車乘客於下雨時打傘。
真係好睇個站頭環境。對有瓦遮頭既站來講真係幾好，唔駛乘客擔心果幾步路整濕。
但對一d本身無遮無掩既站來講真唔好啦，乘客本身就開咗遮你仲隊把遮埋去結果仲唔方便。
不過都係果句：鼓勵性質我覺得ok，但硬性要求就真係唔好啦！
同埋個站助遮得個客，咁自己呢？唔係叫佢地著雨褸開工卦？！