fleetline 發表於 2016-7-2 22:20
如果尚德有路行到地鐵站就唔駛要690, 咁景林直頭在地鐵站旁, 是否更加唔需要690?
另外, 是否每一個人在 ...
問題係,景林(連寶林)依家唔係冇客
尚德憑乜嘢搶走人哋資源先?
當年未有將鐵就自己撐住條693
一通車就連692都保唔住
(當然,某程度上係運吉要佢死
但客量大跌亦係事實)
694改入坑口之後客量冇大跌係因為將南根本就冇乜客
所以根本比較唔到
(將南搭鐵過海遠比巴士快夾平係事實,呢樣係冇得否定)
JX9097 發表於 2016-7-3 04:51
問題係,景林(連寶林)依家唔係冇客
尚德憑乜嘢搶走人哋資源先?
當年未有將鐵就自己撐住條693
首先唔好拉埋寶林落水, 唔行佳景路受影響只有景林.
690景林未去到完全0客量, 不過690係咪較景林養起成條線?
我知道佳景路個站非繁忙時間唔係成日有人上車.
如果運輸署/巴士公司要去到條線完全冇人使用先可以作出改動,
咁我恐怕以後都唔會有巴士路線重組這回事.
694將南客唔多, 不過慢左係事實, 客量冇影響又係事實,
694同690情況又非常相近, 唔通將南搭鐵過海又平又快,
只相隔5分鐘車程又價錢一樣的寶林就又貴又慢?
我都好想知有冇一個例子係一條線行慢5分鐘會令條線變成冇客例子?
kuro 發表於 2016-7-3 06:22
如果留692P星期一至五07:35,07:47行隧道
然後cut796Squota用嚟開690A上繁2(692P原班次)+2(796Squota)+1( ...
我自己唔贊成將將軍澳南和山上用一條線做晒,
而家有唔小巴士線由將南開經將軍澳其他地區/上山才出市區,
但你會發現果堆線將南段客量都係唔好睇,
原因係上山後定線已經變得唔吸引,
到時咪變左用692P資源去幫690加車?
不過690是否有需要加車?
所以我話將690改經唐明街, 咁692P果4架車變上騰空, 咁先有能力做到你想做既事.
fleetline 發表於 2016-7-3 06:29
首先唔好拉埋寶林落水, 唔行佳景路受影響只有景林.
690景林未去到完全0客量, 不過690係咪較景林養起成條 ...
尚德明明自己唔夠客
竟然惡到話你都唔夠客
所以可以搶人哋條線
請問呢個係咩理論
另外,694同690根本冇得直接比較
一個去東區,一個去香港中心
694本身客源窄好多,需求細好多
JX9097 發表於 2016-7-3 16:32
尚德明明自己唔夠客
竟然惡到話你都唔夠客
所以可以搶人哋條線
當年692在尚德的客量明顯地比690景林客量高得多.
景林在地鐵站旁, 而690改路後景林乘客可步行至新都城坐車,
步行距離同尚德行去地鐵站相約, 仲可以選擇經商場行, 全程有冷氣,
唔想行乘客可以用296M/798轉車, 行程同690一樣, 唔使兜大圈轉車.
694同690為何不能直接比較?
難道去東區的人唔怕兜, 去灣仔區和中區的人就怕兜?
更恐怖係694客源比690窄得多, 不過694總客量同690差唔多,
咁更顯示出690有需要增加客源.
當然啦, 唔係一定要用690解決問題, 將694改為寶林開再跟E22A行,
到東隧轉任何一條線都唔駛加錢, 咁都可以接受.
不過694寶林客變相慢20分鐘, 你會接受嗎?
fleetline 發表於 2016-7-3 18:45
當年692在尚德的客量明顯地比690景林客量高得多.
景林在地鐵站旁, 而690改路後景林乘客可步行至新都城坐 ...
290/798將南都嫌慢啦
(仲要對比地鐵都唔輸蝕)
咁690拉埋去尚德
山上/寶林就唔可以嫌慢?
尚德自己養唔掂693
同坑口夾692又養唔掂
同將南夾692P又冇客，越cut越少
依家仲好意思搞人哋條690?
尚德真係有客又如何?
巴士公司同運輸署都唔想做
港鐵又有兩蚊機喇
唔好咁貪心啦做人
JX9097 發表於 2016-7-3 21:24
290/798將南都嫌慢啦
(仲要對比地鐵都唔輸蝕)
咁690拉埋去尚德
690拉去尚德, 寶林佢地可以嫌慢,
不過而家690唔行尚德, 寶林人都嫌佢慢,
同694一樣, 嫌慢既人走晒去坐地鐵,
最後咪變左同694一樣, 慢果幾分鐘D人咪照坐.
有客既, 點解唔去做?
仲要而家港鐵將軍澳線overload兼將南將會有幾萬人口增長,
既然690有剩餘載客量, 用690去分流部份較遠離兼肯坐巴士乘客有何問題?
唔通好似而家690,694咁, 兩線都係寶林做尾站, 兩線繁時都坐唔滿出將軍澳,
咁是否應該要將兩線重組去增加載客量?
本來唔打算參與討論，有好多野都講左好多次
原則問題：
點解為左近鐵路站的尚德有過海車，就要遠離鐵路站的康盛翠林拖慢車程，甚至要其他區由有變無？咩道理？
我又可唔可以為左康盛翠林要有架合理的尖咀線，就要求 296D 行山走，或者 98P 全日、296D 坑口尾站？
仲要將軍澳站過海唔受康城拉走班次而影響
營運問題：
690 係聯營過海線，唔係話改就改，要兩邊同意先得。
要改聯營過海線就一定牽涉時段問題，而家 690 好地地做到定點班次，
一單拉長個幾字（唐明街情況就無乜可能五分鐘搞掂），就會唔能夠在時段長度內完成一單連休息，
結果就要好似其他唔少聯營過海線，包括紅隧、西隧、東隧線，
為左維持時段分配，而要投放不成比例的資源，每轉頭車要私過去做，尾車要私走，
結果兩間巴士公司各自要出多兩部車、即係非繁增加 50% 的資源，維持班次。
但保唔保證每日可以做多一千個客？又能唔能夠保證原有乘客唔會流失？你話慢五分鐘唔會失客就一定一個客都唔會少？
唔好同我講 692 以前客量幾多幾多，班客要走既都走晒，點樣去返以前條數？
一係就縮去金鐘，抵銷行車時間增加，但其他持份者又會同意為左尚德有過海車去港島中部而縮線唔入中環嗎？
而家 113 914 呢類過海線，除左客量低外，正正就係因為呢個問題，出六部車開四班車，搞到蝕到傻。
就算係其他聯營線，除非好似 101 咁把炮，否則條數都唔係特別標青。
明明必然遭到反對，巴士公司又完全無誘因倒蝕俾你，你死嗌爛嗌都無用，講完。
至於 692P，咁既客量，本身早就應該槍斃條線，但死唔到既話，我諗唯一方法係拉去清水灣半島開，再減到兩班車，
人地假假地要駁多程車先可以搭地鐵，試下執得幾多就執幾多。