peterson 發表於 2016-7-17 19:17
反而哩個先係最大問題......
最曾啲極疏嘅車，明明有個『預定班次』，等等下突然間無左....
總站有入預定的開車時間,
但最終無開車,
個系統會當作是架車無上載GPS資料,
而全程出預定時間
現在九巴全部巴士都有GPS,
基本上, 見到一個會移動的預定班次,
都估到是假的
本帖最後由 rusf101001 於 2016-7-17 20:21 編輯
補充一句,ETA係支援到中途起載
有次見到一個N分鐘，一個N分鐘預定班次
一來係來兩部，一部係有人係車上直接走左，一部係冇人吉車但埋站
而前面既巴士站係冇N分鐘預定班次個部車
而呢班起載車係埋站之後係冇左預定班次呢4隻字
peterson 發表於 2016-7-17 19:17
反而哩個先係最大問題......
最曾啲極疏嘅車，明明有個『預定班次』，等等下突然間無左....
預定班次只係根據編定開車時間照本宣科，一日未變實際時間都可以話無參考價值。
尤其是疏車線，如果等車個站第一班已經顯示係預定時間，應該回溯到總站，
如都係見到預定時間（連到達／離開都冇），即係話架車都未返到，
要再睇對頭方向逐個站回溯，睇下架車大約去到邊，離得太遠就用自己方法走人喇。
例子：
迷你倉大火期間我要由西貢返鑽石山。我未到總站時睇，92只有預定時間。
行到總站唔見92，再追返入西貢方向，發現下班車當時在壁屋入緊西貢。小巴亦都大排長龍而好少車返。
於是我即刻轉plan B搭299X到沙田醫院轉286M，等299X都有大約15分鐘，佢開車架92都未返到。
講開部車遲到, 我又想知個ETA計幾耐先至出"行車受阻",
有時明明自己搭緊部車塞緊, 好耐都未顯示受阻,
就算出左"行車受阻", 但部車過左塞車位, ETA又好耐都未計返時間,
仲係逐個站話受阻, 好怪...
咁如果見到個app寫住部車黎緊，一路倒數到"到達/離開"直到個班次消失都從未見過部真車，背後會係咩情況？
cktse 發表於 2016-7-18 08:39
咁如果見到個app寫住部車黎緊，一路倒數到"到達/離開"直到個班次消失都從未見過部真車，背後會係咩情況？
...
有d車GPS特別唔準
不過我成日係掉轉
寫住1,2分鐘部車已經到左
你呢隻係比起預計遲到但唔加時就都試過
cktse 發表於 2016-7-18 08:39
咁如果見到個app寫住部車黎緊，一路倒數到"到達/離開"直到個班次消失都從未見過部真車，背後會係咩情況？
...
有機會係你一直開住倒數果版無離開過，個 app 不懂 update, 試過等 37，開住倒數果版直到約一分鐘出返去上一頁/close 左個 app，再返入去個時間變左做 4 分鐘 (真正到站時間)。
不過最令人不解就是部車個 ETA 好地地，但到左某點就突然成班車 (直到總站) 消失左，搞到出左後車既時間。
cktse 發表於 2016-7-18 08:39
咁如果見到個app寫住部車黎緊，一路倒數到"到達/離開"直到個班次消失都從未見過部真車，背後會係咩情況？
...
我自己曾經因為有巴士中途發生意外/因故停下，我打開了APP 睇便見到你所講的"到達/離開"(之後既站都出現同樣回應)
hkptb 發表於 2016-7-18 11:03
我自己曾經因為有巴士中途發生意外/因故停下，我打開了APP 睇便見到你所講的"到達/離開"(之後既站都出現 ...
有人推測係系統唔係個個站都係睇GPS去估時間﹐會係睇部車去到某個站﹐一口氣去估接下來的幾個站。
當部車行多幾個站﹐才到估再之後的幾個站。
當然﹐唔排除部車GPS位置資訊傳送唔到返公司﹐又或者公司server處理需時 / 有策略去編配一些重點路段(相關線路)會更新率更高﹐一些少塞車的路段更新率低一些去平衡番server workload。
本帖最後由 Mueller 於 2016-7-19 06:24 編輯
其實九巴車長或站長要做啲咩動作, 先會令聯營過海線由港島開出既班次出現喺ETA?
好多人都知道好多聯營過海線由港島總站開出後數分鐘 - 甚至係十分鐘 - ETA先會顯示該等班次既到站時間, 令到頭幾個站搭車既乘客不能享受ETA帶黎既好處.
其實唔止十分鐘, 有時架九巴由港島總站開出近半個鐘, ETA系統都未顯示該等班次.
以下有一例子:
904線尾班車夜晚23:00開出, 由九巴負責.
一過左23:00 過左服務時間, 總站同埋打後幾個站都顯示 "暫時沒有資料", 時間係23:09.
23:29, 堅尼地城總站, 西區海底隧道都係 "暫時沒有資料", 尾班車預報到站時間一直沒有出現.
23:46, 尾班車資料終於出現.
堅尼地城總站顯示 "尾班車已過本站". 荔枝角總站顯示 "2分鐘 九巴尾班車".
九巴尾班車應該不會中途起載吧? 所以應該唔會喺某個中途站打後先有ETA既情況出現吧?
相關人員係唔係做漏左某啲野, 搞到尾班車咁遲先出現?
其實九巴係咪應該加返個controller喺架巴士個駕駛席度, 等車長一開車就即刻入資料, ETA系統即刻顯示該等班次?