ccicoltd 發表於 2016-8-17 00:05
應否將之移至 B22 吹水區？
個人認為唔係吹水咁簡單 已經昇華到自問自答既層次
S3BL470@98A 發表於 2016-8-16 10:36
如果講比較，一定是屯門與將軍澳的比較。
屯門是第1代新市鎮，在1973年發展。同期是有沙田及荃灣。
沙田及 ...
屯門唔單止係衛星，仲係外太空既一粒衛星，長年靠屯記一條公路，隨屯記擴建，西鐵通車，深圳灣口岸開通，先至為屯門注入動力。
有人話將軍澳係有錢人，冇窮人，其實誇張咗啲，事實係將軍澳係超多、超多中產，窮既人住晒係八條公共屋邨，當中有三條已經變成租者置其屋，係新落成既住宅當中，90%以上都係私人住宅，售價亦貼近市區價錢，特別係將南地區，而呢班中產亦有唔少買咗車，係車位短缺情況下，直接推高車位租金，亦令將軍澳主要幹道經常塞車。
可能就係遲咗個十年、二十年，將軍澳既發展先至比屯門好。
講返巴士，以前93A, 93K同93M總站就係迦密主恩中學對面，即今日既Esso油站同埋爛地場，我經常係寶仁樓巴士站睇住啲巴士出車，個陣仲係勝利二型、jubilee呢啲車款，我老豆話師傅由康盛花園落山時，係要企係度先剎到車。後來開始有MCW行93A同93K，係我既飛佛，行寶琳路好似多咗一對翼，超飛得，好爽，啲風係咁吹入黎。
不過未有地鐵同小巴競爭之前，將北最受歡迎路線係98A，我記得九十年代初，係繁忙時間裕民坊總站排晒長龍，係總站起碼有5,6架車等出車。