其實九巴可唔可以放棄使用凱倫自動報站?
九巴既凱倫自動報站由2012年開始使用以來已經用左4年,但係有唔少站都係報唔到,
就算架巴士一早離站, 已經行左幾百米, 因為收唔到GPS訊號/訊號唔清楚, 部機以為架巴士尚未到站而一直都唔報下一站.
例子真係有唔少, 就借站友PKD32最近既帖黎做例 (內有短片):
http://www.hkitalk.net/HKiTalk2/forum.php?mod=viewthread&tid=976073&extra=page%3D1
架車漏左報尖沙咀警署, 就算到左尖沙咀警署都唔報站.
有D就喺個站既外圍兜緊圈, 站都未埋就報下一站.
九巴車長無咁得閒每一個站都睇實部機有無漏報/早報, 路面有好多野更加需要留意.
事實上唔少車長都係過左幾個站先較返部啱機.
你要個車長無時無刻睇實部機有無報錯既話, 不如用返手動好過.
其實九巴用左4年呢部機, 有4年既實際表現, 都應該知道純GPS報站喺香港唔太可靠.
點解重要繼續為新車裝呢部所謂既自動報站機?
如果佢繼續用, 就有機會搞到乘客落錯車而招致投訴, 最終都係麻煩到自己.
希望九巴可以轉用一套適合香港使用既定位系統黎報站, Openmatics好咩都好, 總之唔好再用部上海佬機.
其實我搭咗4年，準確度都唔係差喎！
個人觀察，九巴應該唔係無做過嘢
譬如 238X 批 ATENU，之前回程去到海灣已經即刻報埋海濱同嗌「多謝乘搭」，但而家情況似乎有改善，已經有啲車識得去到總站先報總站嘢。就算唔係設備上改善，應該都有執行上嘅改動
其實講到尾，都係錢作怪
東隧英皇道線埋港運城個陣成日都已經報「下一站：美麗閣」，不過其實情況已經有所改善
238X 發表於 2016-8-14 14:03
個人觀察，九巴應該唔係無做過嘢
譬如 238X 批 ATENU，之前回程去到海灣已經即刻報埋海濱同嗌「多謝乘搭」 ...
無可否認, 部凱倫自動報站比當初開始用既時候改善左.
以前一入市區部機就唔識報; 依家就算入左市區唔少站都識得自己報.
但係仍然有唔少站報唔到, 一jam住左就係咁先, 要車長自己調較返.
如果個個站都唔識自動報既話問題反而無咁大, 車長站站按鍵就得喇.
但係間唔中有幾個站唔識自動報, 車長就要時時刻刻睇實部機有無漏.
九巴用自動報站原意都係想減輕車長負擔.
但係如果間唔中有幾個站jam左唔識報, 咁就失去左自動報站既原意.
不如用返手動好過.
CRH5 發表於 2016-8-14 15:58
其實講到尾，都係錢作怪
東隧英皇道線埋港運城個陣成日都已經報「下一站：美麗閣」，不過其實情況已經有 ...
其實九巴買Openmatics而且支援全線車隊實時數據傳輸, 價錢應該都唔平.
Openmatics可以俾九巴知道每一架巴士實時位置同埋提供ETA,
而且九巴個ETA準確度甚高,
照理推斷用Openmatics提供報站, 準確度應該唔成問題.
部凱倫只係用純GPS, 價錢應該唔會太貴.
但係對於某d比較特別既走線黎講, 純GPS係好難報啱站.
以九巴108線往寶馬山為例:
豪園巴士站位於大坑道天橋上既盡頭.
當架巴士經過天橋底, 部機就以為架巴士已經駛過豪園站, 然後就報 "下一站係光明台".
事實上架巴士連豪園站都未到.
就算九巴有做野改善部機, 總有巴士站會報錯,
如果只用純GPS唔加埋里程計同其他儀器, 呢個問題唔易解決.
九巴龍運大規模採用實令人費解.
Mueller 發表於 2016-8-14 17:49
其實九巴買Openmatics而且支援全線車隊實時數據傳輸, 價錢應該都唔平.
Openmatics可以俾九巴知道每一架巴 ...
Openmaties 係用做 ETA
至於點解報站唔用埋 ETA 就真係待高人解答
曾經坐過架118
個報站樹由我上車係北河街到我落車都係北河街
bennq 發表於 2016-8-15 02:29
曾經坐過架118
個報站樹由我上車係北河街到我落車都係北河街
請問係幾時既事?
如果係2013年既話都情有可原, 因為當時部機依然調較緊, 又或者部機未有站位既GPS座標, 所以車長唔禁掣就唔會報站.
呢兩三年部機都改善左唔少.
當然依然有唔少站好似GPS盲點咁報唔到, 又或者太早報.
其實太短距離凱倫都報唔到.
例如118線往小西灣方向有唔少巴士都無報鯉魚門公園, 因為離上一站亞公岩太近,
所以架巴士駛過左亞公岩站同埋鯉魚門公園站之後, 就直接報 "大潭道", 唔會報鯉魚門公園.
本帖最後由 Mueller 於 2016-8-15 04:44 編輯
CRH5 發表於 2016-8-14 18:38
Openmaties 係用做 ETA
至於點解報站唔用埋 ETA 就真係待高人解答
其實九巴用左Openmatics+凱倫呢個組合三年幾四年之後既今日, 似乎終於用Openmatics為龍運抽油煙機新車提供報站 (當然唔係百分百肯定).龍運抽油煙機新車既LCD屏幕設計上可以顯示下一站, 餘下行程途經既巴士站, 以及預計到站時間.
個預計到站時間都幾乎肯定係由Openmatics提供 (不過本人未見過有巴士載緊客既時候顯示到站時間).
所以, 個LCD報站由Openmatics提供呢個假設都未尚是不可能.
不過點解唔一開始就用Openmatics提供報站, 真係要搵高人解答.
而且, 有無人知點解淨係得龍運新車有LCD報站?
之前有幾架九巴裝左LCD報站, 但係九巴新車點解唔繼續裝?