九巴ETA實際操作問題
想請問, 九巴班次開出之後, ETA系統如何得知該班次已經開出而因應實時資料更新到站時間?是否依靠站長 "啪卡" 或類似動作? 定還是ETA系統一detect到架巴士開左就即刻自動更新到站時間?
另外, 對於大多數聯營過海線, 由港島總站 (無九巴站長進駐) 開出既九巴班次,
班次開出前係寫安排中.
班次開出後, 車長/站長要做d咩動作, ETA系統先會顯示到站時間?
以下資料係綜合個人經驗同之前版友分享得出的估計：如果獨營線就好簡單，站長入左資料，包括邊部車，而開出後GPS send番自己車地點番server，server match番部車落條線度用距離計時間。咁所以有陣時站長修訂左班次無更新落server就會有“鬼班次”響中途站不斷倒數，然後連續幾個站都到達離開，因為server揾唔到架車預設佢開出左照用預定時間倒數。至於聯營線，明顯因為無站長data，部車send自己location番去server係唔知你部車係乜線做緊乜野，所以就算開左都一直show安排中，自於之後係人手定自動match番，就最好問下更資深版友。
順便一問
假設某班車照時間表，係11:00 由總站開，但一日未到11:00，個系統都唔肯定班車係咪真係做到準時11:00開，所以不論總站定分站都係「預定班次」，
假如到11:00都未由總站開，咁其他分站既「預定班次」自然唔準，咁會點處理？我記得好以只會繼續出個唔準既「預定班次」
其實我都唔知eta 點玩?
尋日搭85M出大隧, 部車行到富安就壞了。過了幾分鐘後九巴的eta 竟然話部車到了大隧。
本帖最後由 kei_hk 於 2016-8-21 13:03 編輯
drbean7218 發表於 2016-8-21 12:36
其實我都唔知eta 點玩?
尋日搭85M出大隧, 部車行到富安就壞了。過了幾分鐘後九巴的eta 竟然話部車到了大隧 ...
先唔好理過海聯營線的複雜問題﹐因為真係好多變數。
套野基本上係結合車務系統(即係站長輸入的開車時間及派出的車輛資料)﹐巴士的GPS位置﹐以及當初預計每個車站之間的正常行車時間。
當中巴士本身會不停地按時發送GPS位置返公司server。但我唔會信係無時無刻﹐我只會信半分鐘以上為一次﹐因為發送太密只會增加ETA數據處理量及根本無太大意思。
ETA 首先會由車務系統得知邊一部車行邊一條線﹐同埋這條線會幾多點有車(班次資料)。
基本上沒有巴士GPS 位置﹐都可根據當初預計的正常行車時間﹐提供到預報到站時間。
所以﹐部車未在總站開出﹐都可提供預到站資料﹐不過會加 "預定班次" 字眼。
現實係路面變化多端﹐行車時間隨時不同﹐所以巴士便會不定時傳送位置返公司。
ETA 便會收到巴士位置﹐再做資料配對﹐得知部車係行那一條線及那一個班次﹐再根據部車的實時位置﹐與下一車站的距離(即係行車所需的時間)﹐再去調整之後的車站預計抵達的時間。
當ETA 發現巴士長期停留在同一相約位置﹐便會出 "班次受阻@ xxx(位置)"。
由於ETA唔係無時無刻不停去處理這堆GPS 資料﹐即係當車有意外﹐都唔會即時可反映在ETA之上﹐即係有 「空窗期」。
至於這個「空窗期」(即係每次資料更新的時間相距)﹐真係由九巴自己調整了。
你的情況正正是在「空窗期」內。
至於過海聯營線﹐真係好睇有什麼方法把開車時間及相關車輛資料輸入到車務系統(ETA提取到資料)﹐對於對面海沒有九巴站長來講﹐有一點難度。
GK3258 發表於 2016-8-21 10:18
以下資料係綜合個人經驗同之前版友分享得出的估計：如果獨營線就好簡單，站長入左資料，包括邊部車，而開出 ...
連續幾個站都到達離開有時係因為塞車
mckhgc 發表於 2016-8-21 11:40
順便一問
假設某班車照時間表，係11:00 由總站開，但一日未到11:00，個系統都唔肯定班車係咪真係做到準時1 ...
係,只會繼續出個唔準既「預定班次」,不過有時過一陣就無左
kei_hk 發表於 2016-8-21 12:58
先唔好理過海聯營線的複雜問題﹐因為真係好多變數。
套野基本上係結合車務系統(即係站長輸入的開車時間及 ...
班次受阻個位置唔會係exactly塞o個個位
而係之前個站
上次搭277e北行粉嶺公路交通意外停左，睇清河村係寫＠大老山隧道
MT695 發表於 2016-8-21 14:14
連續幾個站都到達離開有時係因為塞車
亦都可以係佢唔知點解kick死左無update但班車係正常咁行
本帖最後由 ATE24 於 2016-8-21 15:54 編輯
drbean7218 發表於 2016-8-21 12:36
其實我都唔知eta 點玩?
尋日搭85M出大隧, 部車行到富安就壞了。過了幾分鐘後九巴的eta 竟然話部車到了大隧 ...
佢會假設部車一直行，類似部車o係隧道入面咁，直到覺得部車有事佢會轉行車受阻，或者放任不理o既話會出到達/離開 10 分鐘然後消失。