建議重整城巴77服務
去年城巴曾提出77重組方案，結果遭區議會反對而徹回。南港島線快將通車，預期香港仔一帶對外的路線，都會有客量流失，
現嘗試重整77服務。
新版77 華富南 <> 筲箕灣
往筲箕灣方向
華富南->田灣(繞山一圈)->香港仔->黃竹坑->東區走廊->北角消防局至筲箕灣(原77路線)
往田灣方向
筲箕灣至田灣後>離開田灣往華富南
班次、服務時間不變
考慮因素
由於新巴42已覆蓋至北角地方，故建議往筲箕灣方向直達港島東
回程方面，由於銅鑼灣往田灣需求甚殷，故決定不作任何改動，唯有原線延長至華富
讓港島東返回華富華貴的居民，有一個直達的選擇，亦都係一個無奈的決定
港島北岸流水問題，不在考慮之內，建議新巴加強2A服務作補償
其實將77延長至華富南作用不大,第一華富南已經冇位再擺車了;第二如果華富要落田灣既話有巴士48,94a,綠小69a,咁又何苦呢?
其實77都冇乜可以再點變ga la
本帖最後由 brianso198 於 2016-10-5 20:52 編輯
當年有人做過2A客量調查個結果係77個班次仲穩定過2A...
灣仔北一帶近年路面情況可以仲差過77沿線,
2A加班甚至加短棍都唔係理想...
同埋新巴會唔會為左2A加班都成問題,
睇下8H抽乜線車就知...
結果based on呢樣野東區太古/鰂魚涌成班議員係持反對意見...
本身個建議唔係差,
不過如果唔諗呢點其實好難通過...
要改77就一定要拉埋42落水。。。點解！？就係因為佢哋大幅重疊。。。非繁嘅時候，兩條同38一齊爭客，結果吉車遊街。。。
38因為車型限制唔可以載太多人，況且38比42更加好客，搞42明顯比搞38 明智。。。
但係繁時，如果合併又做唔曬啲客喎。。。69x又做到嘔泡，所以要分拆。。。
77好得意，除咗要非繁同埋繁時個需求真係差別好大，而且都有唔同嘅功能，包括耀東流水 (呢個好重要。。。)。同埋支援2A( 同樣重要 )
叫77唔做流水，除非你可以叫2x拉去耀東，咁北角有23 38 42車海，耀東有2x嘅關係，所以淨係得返鰂魚涌同埋太古呢兩個位，淨係畀2a做問題就會細好多。。。 不過你如果拉2x去耀東，2A 喺耀東尼講就冇乜價值( 只係英皇道流水) 到時係牽一髮而動全身， 即係話成個東區都會一齊拖埋落水。。。 諗起都覺得恐怖，但係我又覺得好刺激;P
我就主張非繁忙時間42，77合併( 77沿線再延長到華富)。繁忙時間各自分拆( 42+42X!?: 田灣-香港仔-東區走廊-渣華道-鰂魚涌-太古-西灣河-筲箕灣)
31061689 發表於 2016-10-5 17:31
其實將77延長至華富南作用不大,第一華富南已經冇位再擺車了;第二如果華富要落田灣既話有巴士48,94a,綠小69a ...
延長77至華富南原因有
華富華貴覆蓋，呢度加埋都有幾萬人口，衰極有個譜
如果77按現有定線轉特快，南區段有機會唔夠客
另一方面
點解來回都要行田灣山
係因為要陳富明支持方案
你要改佢d線，得，改完照兜上去
朝早70點解要兜上山都係因為以前70M都係兜上去
呢個重組係有好多無奈決定
2A問題，我真心想問係咪班班車都要灣仔北開出
係既話無野好講
kay 發表於 2016-10-6 00:51
延長77至華富南原因有
華富華貴覆蓋，呢度加埋都有幾萬人口，衰極有個譜
2A大開短棍同留條77無分別...
但灣仔而家已經去到可以一個站上到企人甚至頂閘都試過,
開短棍換來灣仔成堆客等好耐車都無既話一樣有問題...
2A加車唔洗講,
但加到幾多部先唔會出事真係好難講...
77如果南行咁樣行的話惟一問題其實華富係唔會坐...
既然kay兄呢個建議都嘗試盡量貼地，咁從現實角度睇，因為77往筲箕灣改上東廊，而要新巴加強2A，似乎又係另一種角度嘅離地。 :'(
認同brian兄所講，以今日新城營運流水線嘅能度來講，要做返好2A，似乎唔係咁易。
而家下繁係灣仔等2A，已經去到一個幾惡等嘅地步（隨時15分鐘都無車）。
單純嘅平價流水線，如2、2A、82，已經睇得出新巴係無乜心機做。
所以新城寧願23、77、99死碌爛碌，都要食埋流水客，一來平價流水線就可以hea做，另一方面呢堆線又可以用盡每一個位（當然咁係無視左回車效率以及本身條線嘅吸引力）
*******************
或者，開多幾班嘅77X、99X，已經係現實黎講（以新城對待流水線嘅態度），最可行嘅做法。
neoplan720p 發表於 2016-10-7 12:52
既然kay兄呢個建議都嘗試盡量貼地，咁從現實角度睇，因為77往筲箕灣改上東廊，而要新巴加強2A，似乎又係另 ...
要77/99浪費時間，其實都不乎效益
繁忙時間77/99一程車隨時碌你80-90分鐘
如果唔係行車時間長得過份，城巴都唔會建議77全日改快
就算2A問題解決唔到，77本身問題唔解決，都唔係一件好事
kay 發表於 2016-10-7 14:55
要77/99浪費時間，其實都不乎效益
繁忙時間77/99一程車隨時碌你80-90分鐘
個case難處係,就算有條線係度都唔一定夠運力,
如果呢個問題解決得到既話巴士公司就唔會直接將方案收回而係提供改善方案...
(呢幾年巴士公司肯做果堆方案都會提改善方案)
其實77X加班可能易處理過成條77改快...
係人都知77/99無效率同慢,
不過佢兩條線角色搞到好尷尬(特別77)
brianso198 發表於 2016-10-8 01:06
個case難處係,就算有條線係度都唔一定夠運力,
如果呢個問題解決得到既話巴士公司就唔會直接將方案收回而 ...
新巴有種策略就係
趕走班客，再做重組
2A趕到某個地步，應該就係出路
只係會唔會去到某個地步就另計
頁:
[1]
2