其實巴士公司應該開設月票出來谷客
如果專利巴士有月票嘅話，常客搭車可以不用再理會價錢，見到途經地區適合就上車，鼓勵乘客以佔用巴士車廂時間最短的方式作通勤。以九巴為例，我會建議開設以下五款月票，可同時購買：
九龍市區
新界西近郊（荃灣區及葵青區）
新界東近郊（沙田區及西貢區）
新界西遠郊（屯門區及元朗區）
新界東遠郊（北區及大埔區）
若只使用一款月票，則只可免費乘搭區內線。同時購買多張月票的話，則可覆蓋範圍內的跨區線，以路線所有途經地區為準（不論其中途有否設站，例如249X須同時使用3款月票才能覆蓋，但49X則只須使用2款月票）。由覆蓋範圍內轉乘範圍外路線，可設有相關轉乘優惠（例如在只用新界西近郊及新界西遠郊月票情況下，可以由荃灣乘搭68M免費轉乘68X往洪水橋）。
舉例說，如果使用九龍市區月票由油塘來往旺角通勤，就可先選乘任一路線去到太子道東，再轉乘任一途經九龍路線前往旺角。這可大大減少通勤人士的候車時間，並避免在有比港鐵更直接的巴士轉乘下使用港鐵服務，舒緩港鐵市區線的客流。
收$14.8個D應該出月票！
照樓主意見，如果坐長途線咪好煩，一次過 show n咁多長飛，不如學倫敦咁，齊fare capping system咪仲方便，或者可以有埋 hopper fare。但係而家就係冇人肯做。
好似以前推即日來回折扣優惠咪得
不過巴士公司實會話一年少收好多錢...
簡單複雜化﹐學埋MTR的低B月票分類法。
只需用最簡單的車費做標準分級﹐得出不同的月費類別便可。
** 以下車費及月票收費﹐只供講解之用。
先把收費分類﹐再以50程做收費標準。
例如 :
$5.00 類別﹐月票為 $250﹐持有人便可任坐單程收費$5.0 以下的路線。
$10.00 類別﹐月票為 $500﹐持有人便可任坐單程收費$10.0 以下的路線 (即包埋$5.00 類別的路線)。
如此類推﹐根本不用攪什麼區域的複雜性﹐每個人都可以按自己需要去選擇不同類別的月票。
PS.話時話﹐巴士公司又有什麼誘因去做月票?
kei_hk 發表於 2016-10-11 21:51
簡單複雜化﹐學埋MTR的低B月票分類法。
只需用最簡單的車費做標準分級﹐得出不同的月費類別便可。
咁樣嘅話咪可以不斷透過短途車接駁來搭長途？！我就係唔想有咁嘅漏洞。
miklcct 發表於 2016-10-11 21:57
咁樣嘅話咪可以不斷透過短途車接駁來搭長途？！我就係唔想有咁嘅漏洞。
...
加一個限制﹐不可以連續坐同一路線相同方向便可。
唔好忘記﹐這樣轉車只會浪費時間﹐時間都係乘客成本之一。
究竟我要由葵青去東九龍﹐日日返工﹐我會一程38/42C/40...這些一線直達路線﹐定係33A去轉唔知幾多號﹐再轉唔知邊條線......。
巴士玩loyalty program真係唔夠鐵路黎
收少咗唔少錢但多咗嘅客同車費反而有限，分分鐘仲要用多啲車同人
巴士公司梗係無興趣搞
與其搞呢啲長蝕計劃，倒不如做場大龍鳳每星期六同日揀條廢線全日免費，睇下有無得令條線提升知名度吸下新客仲好。成本上應該同搞月票唔差得遠，但肯定宣傳效果十足。