九巴APP新版好似無得睇確實幾點到站，呢樣幾唔方便
利申一直用緊舊版，方便睇確實到站時間
流星☆雨 發表於 2016-11-14 05:11
九巴APP新版好似無得睇確實幾點到站，呢樣幾唔方便
利申一直用緊舊版，方便睇確實到站時間
Ching你呢個版本應該都好舊下wor
直到APP 1933出之前KMB&LW已經係倒數
非全線ETA公司啲邏輯，我地普羅大眾係唔會明白。
佢地間公司嘅人事部就唔識勞工法例，IT部就唔識整ETA。
傳媒問起，就話香港好多高樓大廈定位技術有困難，唔通九巴就唔會行經高樓大廈中間？
而家咩年代，我用手機開個Google Map，鬧市定位都有九成準啦。十年前高定位困難，十年後仲講緊定位困難，呢個藉口老唔老土啲？
Mueller 發表於 2016-11-14 04:47
其實點解新創建唔直接將現時設有實時數據傳輸功能既Telargo擴展至餘下車隊?點解要重新建造一個新既實時系統 ...
但呢版同隔離壇都有版友講過 Flyer 個 next bus 功能唔係咁準 wo
PB602 發表於 2016-11-14 19:16
非全線ETA公司啲邏輯，我地普羅大眾係唔會明白。
佢地間公司嘅人事部就唔識勞工法例，IT部就唔識整ETA。
真係唔明, 某公司已經招標邀請承辦商提供樣版機, 同埋已經有幾條市區路線測試緊, 某啲人都重係不斷抽水, 話某公司唔識整ETA.
如果價錢技術硬件所有配套上可以直接將現有Telargo提供既機場線ETA擴展至全線, 某公司一早已經做左. 佢唔做即係有啲問題未能夠解決.
某公司依家要做既, 就係要提供一個可靠程度不下於現有Telargo既實時系統. 要建造一個可靠程度滿意既系統, 難免要用多啲時間.
就正如當初自動報站都試左好多年, 先有依家Telargo準確度咁高既自動報站系統.
某公司同九巴對於報站系統實時系統準確度既要求, 可以話係截然不同.
某公司要求準確度極高既報站系統及實時系統.
但係九巴只係採用純GPS報站系統, 同埋定位邏輯無咁可靠既ETA系統, 只務求提供約略的到站時間.
可能有人話九巴路線網絡大咁多都已經全線ETA.
但係有無考慮過, 九巴既Openmatics定位準確度有幾高? 預計抵站時間既更新頻率有幾高?
唔塞車既情況下都算幾準, 但係一塞車或者行經隧道, 系統就好似唔太清楚架巴士既實際位置, 要幾分鐘先更新一次抵站時間,
經常連續幾個站都係 "到達/離開", 但其實架巴士根本未到.
準確度較低, 反應較慢既系統, 自然容易啲建造.
又有人話不如某公司直接採用九巴現有ETA系統.
其實要喺建造時間同系統可靠度做取捨.
如果某公司直接採用九巴既Openmatics, 可能幾個月後就有ETA, 但係代價就係可靠程度較低, 明明巴士未到但係顯示 "到達/離開".
以九巴既Openmatics既ETA準確度, 相信某公司唔會接受.
如果某公司直接採用九巴Openmatics, 某啲人會唔會抽水, 話Openmatics無Telargo咁準/某公司懶得開發新系統/某公司放棄精準度云云?
另請問某公司曾以高樓大廈定位技術有困難作為未全面推行ETA既原因? 完全睇唔出某公司會以呢個原因作藉口, 因為Telargo報站系統早已克服多高樓大廈既問題, 甚至連收唔到GPS既隧道, 某公司已經同Telargo共同定出一個方案去增加隧道內既定位準確度.
相反九巴似乎未完全克服市區多高樓既定位問題, 睇下佢繁忙時間港島北岸既ETA就略知一二. 就連報站都只係用純GPS凱倫, 駛離站唔識報下一站一啲都唔罕見.
整個系統既可靠程度受咁多因素影響, 採用真係令人有保留.
利申: 希望某公司快啲全線ETA.
RobynnNKendyFan 發表於 2016-11-14 19:37
但呢版同隔離壇都有版友講過 Flyer 個 next bus 功能唔係咁準 wo
本人可能算係好彩, 幾乎每次搭Flyer查詢既Next Bus抵站時間都好準.
本人每次都係去佢個獨立抵站時間查詢網頁, 有剩餘距離既都好準.
所以強烈建議將來手機APP都可以顯示剩餘距離, 等乘客知道個抵站時間信唔信得過.
Mueller 發表於 2016-11-15 07:30
真係唔明, 某公司已經招標邀請承辦商提供樣版機, 同埋已經有幾條市區路線測試緊, 某啲人都重係不斷抽水,...
只能講係兩間公司睇野同發展方針南轅北轍，先會有咁嘅情況。雖則柴小公司科技方面做野的確係要求高，想有一套中央統一處理系統，原意係好嘅，想有準確度高嘅系統，原意亦係好嘅，而對面海就好似見一樣野行一步，實行一個modular design，整體黎講質素未必有咁好同方便。
問題在於站於乘客角度，你點樣整其實都唔及得有得用咁重要，話知你個系統準成點，最起碼要有得用。而最少我站乘客角度，有ETA嗰間可能有時失準，但講緊其他99次都準，點都好過連知道無得知先。
柴小死証有二，一係佢全套系統咁單一，一有野變就全套換，就要搞一段時間測試。二係佢短視，一開始完全無諗過要整ETA去全線，所以裝左依家套系統，一開始拍爛手掌好似好威咁，過幾年到依家套野投資左咁多要放棄又肉赤。兩樣野夾埋，加上為專營權要裝，搞到依家咁樣衰。
我覺得呢個短視問題，柴小唔可能無責任，然後走去怪何達文做乜咁早裝個ETA系統，然後唯有話佢ETA唔準去泄憤。
不如話九巴個logic同時間好彩咁遇著TD要巴士公司行ETA
九巴用緊個套好似砌機咁，左砌右砌，唔同廠0既砌埋又work wor. 出0左新0野，又買來試0下玩0下
我唔知九巴係咪一早已經有計劃行ETA，但以每個module出現0既時間，同成套system 0既logic，又唔似
nwfb23 發表於 2016-11-15 10:58
不如話九巴個logic同時間好彩咁遇著TD要巴士公司行ETA
九巴用緊個套好似砌機咁，左砌右砌，唔同廠0既砌埋 ...
其實似係九巴行ETA先，然後運豬先覺得要行。如果當初九巴無做估計新城結果都唔會比運豬迫佢做。