joelty 發表於 2017-1-3 21:10
個ETA 有九成以上準,
點都好過完全無ETA吧
同意你所講, 有ETA總好過無, 起碼知道有無車黎緊, 準唔準就另一回事.
而我相信提升準確度就係九巴下一步要做既事.
九巴現時ETA系統應該非常合適無乜塞車既城市巴士系統.
但係每逢巴士遇上塞車並且途經GPS訊號接收不良既地方例如中上環同隧道, 九巴既ETA就成日放蕉皮, 俾假希望人.
例如地鐵南港島線通車前, 晚繁107P往紅磡方向, 香港仔隧道後既第一個站堅拿道西既到站時間誤差非常大, 架巴士明明重o係香隧裡面塞緊但係堅拿道西既到站時間已經係到達/離開, 隔左一陣又變返X分鐘.
又例如680X晚繁往新界方向, 當巴士塞住o係干諾道中, 金鐘道及軒尼詩道既分站既到站時間依然唔會延後, 並且繼續倒數至 到達/離開, 但係巴士根本尚未到站, 而且唔知點解佢唔出 行車受阻.
相反, 夜晚接近凌晨無乜塞車既時段, 就算係中上環既巴士站, 九巴ETA算係好準, 好似未見過上述情況出現.
所以, 一遇上塞車, 九巴個ETA就真係唔多可靠: 佢能夠話你知將會有車黎, 但係個抵站時間就未必會按實時巴士位置更新, 即係佢未必能夠話你知巴士塞緊車,
呢點就係放蕉皮同俾假希望人.