601非繁都頂閘+超載？
點解呢條線好似無論咩時候搭，都會頂閘？而超載亦好常見？（梯位企滿+上層有人企）
就好似平日下午2-3點（往寶達），呢d非繁忙時段，
已經無脫班，都可以頂閘+企滿梯位+上層有5-6人企。
小弟都係間唔中先搭601，不過呢種情況都見過唔少次
http://i.imgur.com/hRMhCxK.jpg
又或者中午11:30-12:30（往金鐘），都會頂嗮閘，
在觀塘游泳池一般都飛站，站頭嘅人全部上唔到（小弟亦多次成爲受害者）。
埋站上車嘅時候已經見到上層有人企（不過影唔切）
http://i.imgur.com/ZpJebPN.jpg
在相入面，前方身穿粉紅色衫嘅仲要係孕婦，佢都一直企到清風街先有位坐。
（唔係無人讓，係根本行唔到入車中間）
原本以爲601淨係繁忙時間先至逼到癡綫，點知非繁都係咁。
就算坐清晨5-6點幾嘅601往金鐘，坐滿+幾個人企已經叫做比平時少人。
到底呢條線有咩魔力，無時無刻都咁吸客？
歡迎討論。
成個秀茂坪靠佢
協和街又佢獨市
返九龍啲人見車就上
堆爆唔出奇
不過601算係唔夠車嘅路線
尢其係新巴時段 唔奇架。夜晚十點半左右經過健威花園望對家......601、619 都係車頭企滿乘客咁過海既。。。當刻往順利的 619 係九巴鐘黎。
過海巴士收幾多錢? 垃圾鐵收幾多錢?
搭完垃圾鐵上山咪又要轉車等車,又比多程錢
咁點解唔搭過海巴士一程過
cx734 發表於 2016-12-8 21:58
過海巴士收幾多錢? 垃圾鐵收幾多錢?
搭完垃圾鐵上山咪又要轉車等車,又比多程錢
咁點解唔搭過海巴士一程過
樓主講嘅上午11:30-中午12:30往金鐘, 清晨頭班車至6:30往金鐘, 同埋上面講嘅晚上10點前後往寶達, 頂閘講緊起碼有10-15年或以上, 就算係假日早上8:00左右往金鐘都頂到癡線, 更不要講咩美食博覽 工展會呢啲師奶出動日子, 打風更加唔駛旨意秀明道上到車過海, 以前有同事試過頭兩站連續打爆七班車, 佢秀明道第一個站要等第八班先上到.
我自己響度都講到口臭, 由出嚟做嘢第一份工, 到宜家斷續幫襯左15年, 眼見客量高峯唔係單純講緊上繁和下繁集中兩三個鐘頭,一日係有幾個高峯, 形成全日班次拉勻係幾平均, 但高峯期又未必應付到需求, 註定冇客時段例如晚上8點後往金鐘, 基本上開20分鐘都冇所謂, 但同一時段相反方向, 就算開個位數字班次, 往往難以登車.
601先後經歷過秀茂坪重建, 地鐵將綫通車, 地鐵加價不斷等階段, 客量在上一個十年已有明顯上升, 低技能工種的上下班時間亦較傳統寫字樓不穩定, 造成每日有一批乘客需要在一般路線的非繁時乘車, 如與消遣的客量重疊, 例如晚上10點前後, 假日早上8時左右, 客量就會變得很可觀, 可是從來都被巴士公司忽視.
秀茂坪 觀塘搭巴士前往港島北, 與前往油尖旺比較, 時間上確實沒相差太大, 在隧道非繁時來講, 過海隨時快過出九龍城以西的地方, 在便捷度上, 既然過海路程較快, 就越來越多人選擇過海上班和消遣, 變相增加601的客源. EX-TL 發表於 2016-12-9 00:51
樓主講嘅上午11:30-中午12:30往金鐘, 清晨頭班車至6:30往金鐘, 同埋上面講嘅晚上10點前後往寶達, 頂閘講 ...
601 619呢PAIR已經係十年都做得咁差
北角夜晚黑見到頂閘十次有9次係呢兩線
可能兩個方向客量太懸殊
難得有客但兩巴一齊頹做既路線.
carson911 發表於 2016-12-8 21:51
成個秀茂坪靠佢
協和街又佢獨市
返九龍啲人見車就上
601 尢其係新巴時段
619 尢其係九巴時段
同時間親生仔603就車海坐唔滿 619咪一樣, 試過幾次中午下午非繁, 未到觀塘泳池都頂晒閘
本帖最後由 carson911 於 2016-12-9 06:53 編輯
Gary_B 發表於 2016-12-9 03:20
601 尢其係新巴時段
619 尢其係九巴時段
619就九巴派比較少車