hkitalk.net 香港交通資訊網

標題: [2023/07] 黑仔達之旅 CX507 KIX-HKG [打印本頁]
作者: Fuk19805    時間: 2023-7-8 23:22
標題: [2023/07] 黑仔達之旅 CX507 KIX-HKG
咁程機就係去完旅行返屋企啦，國泰缺人都唔係新聞嚟㗎啦，不過之後聽purser講話成隻econ嘅都係trainee嚟嘅，唔知係咪咁嘅原因，成程機嘅service都唔係好有條理

起飛就非常順暢，咁啱前面冇機要起飛，所以順位第一直接起飛，不過因為讓咗窗口位俾個同行者而冇夕陽相，之後就爬升到cruising altitude，開始提供service

派嘢飲嗰時，個空姐一問問晒3行FGHJK共15個位嘅人要飲咩；即係咁，如果你記得晒咁多人飲咩，一次過serve到晒絕對好好，但係佢記得嘅就serve咗先，唔記得嘅呢，好就問多次你，唔好就直接走咗去，要叫返佢返嚟

然後serve餐嗰陣，唔知佢係一車走天涯定點，總之我哋坐56HJK都可以係最後一組serve嘅人，連埋前面2行FGHJK位一共有11個客，不過就聽到成5-6個crew喺後面幾行喺度話唔夠tray，然後有個crew跑咗去前面攞咗幾個前艙嘅tray（？）先勉強夠用

最好笑係個pursar唔知係咪覺得後面搞極都搞唔完走咗過嚟，第一時間唔係問啲crew咩情況，而係問啲客“你食咗嘢未？”

大佬，你又未收嘢，你亦都見我張枱乜都冇，可摸耳用個腦諗下我哋食咗嘢未呢？呢個時候前面有個男人就講咗呢堆嘢尸吊個pursar，跟住佢好尷尬咁派餐俾我哋。食嘅係麵豉魚飯，另一個option係意粉，不過已經派晒冇得揀；用嘅係金屬餐具，唔知係咪因為用緊Business嘅餐具。味道就不過不失，始終香港上嘅回頭餐，都係一句：冇期望冇失望，有期望實失望

之後就平平安安咁飛返香港啦，不過短短3粒鐘都有至少1個鐘係氣流，成程機都唔係好定㗎啦，但係最後都可以順利descend；不過唔知係咪有windshear，成隻機去到荃灣附近開始一直左搖右擺，但係機頭決定繼續落，結果個landing hard到成隻機個個都要猛住前面張凳

land得喺北跑就預咗有排taxi啦，但係個機師又又又喺度碌機，碌咗成20分鐘先泊位，泊咗喺67號閘。咁隻機就要駁返ground power unit啦，但係無啦啦跳咗掣定係唔知咩事，總之成隻機所有嘢熄晒。成個客艙黑晒，但係個個驚得嚟又冇聲出，之後過咗2分鐘，個副機師開咪話個power有問題，燈短期內唔會着住，所以大家保持鎮定，跟crew嘅指示落機；於是啲crew就攞自己電話嘅閃光燈照住條走廊叫人慢慢落機（地下嘅緊急照明系統都冇着）

落咗機之後呢，咁泊到咁遠就預咗有APM坐去入境㗎啦，但係無啦啦架APM都壞埋，要自己行過去入境；不過之後就正常返晒，冇嘢特別report

冇咩事都係唔好坐國泰，尤其是係77P；仲要之後請埋啲祖國crew返嚟，服務質素真係不堪想像

(, 下載次數: 793)