hkitalk.net 香港交通資訊網

標題: 九龍城區議員關注日後啟德體育園散場交通安排 [打印本頁]

作者: LN9267 時間: 2024-9-19 12:56
標題: 九龍城區議員關注日後啟德體育園散場交通安排
https://www.districtcouncils.gov ... 27040/5thTTC_44.pdf
https://www.districtcouncils.gov ... 27040/5thTTC_45.pdf

當中議員建議學博覽館散場車，就著九龍城碼頭為總站的巴士線增設啟德體育園散場班次。

如果只是九龍城碼頭那些路線作散場車，相信城巴未必滿足，可能從20系著手。

作者: JR5204@26M 時間: 2024-9-19 13:10
點都要好似紅館咁，開一大堆R線先至夠應付散場人流

作者: kay 時間: 2024-9-19 13:53
同早前吹水一樣打九碼路線主意

不過體育園有兩個港鐵站夾住
係咪唔夠做出年試過先知

作者: Quanta 時間: 2024-9-19 14:19
完善選舉制度之下,
而家啲議員連體育園有冇公共交通交滙處都唔知就出嚟嘈

作者: kay 時間: 2024-9-19 14:28

Quanta 發表於 2024-9-19 14:19
完善選舉制度之下,
而家啲議員連體育園有冇公共交通交滙處都唔知就出嚟嘈 ...

之前政府話搵左個地方改做PTI

作者: sunhoo 時間: 2024-9-19 15:00
啓德體育園嘅設計理念同紅館之類有分別。啓德有特登在行人路徑佈置大商場來食散場人流嘅消費潛力，而紅館無。紅舘開海量散場車無受害者，但係啓德開太多散場車嘅話，會少左人行經啓德體育大道商場去車站廣場，對商場租戶不利。

作者: Quanta 時間: 2024-9-19 15:35

sunhoo 發表於 2024-9-19 15:00
啓德體育園嘅設計理念同紅館之類有分別。啓德有特登在行人路徑佈置大商場來食散場人流嘅消費潛力，而紅館無 ...

夜晚11點12點散場有幾多人會留低食飯買嘢
大多數人都即刻搭車走啦

作者: HU6455 時間: 2024-9-19 15:41
一早就係隔離版討論過
https://www.hkitalk.net/HKiTalk2/thread-2196885-1-1.html
總結就係, 交通吾方便係刻意做出黎

作者: HV7025 時間: 2024-9-19 17:40

kay 發表於 2024-9-19 13:53
同早前吹水一樣打九碼路線主意

不過體育園有兩個港鐵站夾住

啟德呢個場可以坐5萬人，就算鐵路都要開十幾班吉車起載先清到咁多人
但兩個站都係同一條線，而且無備用月台，好難做到大量吉車起載，用本身屯馬線班次相信難以應付

類似超大型場地，例如倫敦Wembley，係有幾條鐵路線喺附近，加數以百計coach載走遠距離觀眾

作者: kay 時間: 2024-9-19 18:38

HV7025 發表於 2024-9-19 17:40
啟德呢個場可以坐5萬人，就算鐵路都要開十幾班吉車起載先清到咁多人
但兩個站都係同一條線，而且無備用月 ...

不過政府都唔似好擔心
唯一原因係人潮可控

同埋屯馬非繁載客率高都唔係呢段路

作者: 天空之神 時間: 2024-9-19 18:42

HV7025 發表於 2024-9-19 17:40
啟德呢個場可以坐5萬人，就算鐵路都要開十幾班吉車起載先清到咁多人
但兩個站都係同一條線，而且無備用月 ...

其實人地都封哂路焗你行去鐵路站

開巴士線其實都未必好有用

作者: kei_hk 時間: 2024-9-19 19:20
本帖最後由 kei_hk 於 2024-9-19 19:21 編輯

Quanta 發表於 2024-9-19 15:35
夜晚11點12點散場有幾多人會留低食飯買嘢
大多數人都即刻搭車走啦

體育活動甚少去到夜深結束的。

當然，場地係可以有非體育節目，可以去到夜深時段的。
但唔好講到好似所有散場都係夜深時段。

作者: HV7025 時間: 2024-9-19 19:22

天空之神發表於 2024-9-19 18:42
其實人地都封哂路焗你行去鐵路站

開巴士線其實都未必好有用

就算5萬人去晒兩個站，但鐵路都係得一條
靠一條本身都有客喺車上嘅鐵路清幾萬額外人數，點計都唔易

作者: 天空之神 時間: 2024-9-19 19:38

HV7025 發表於 2024-9-19 19:22
就算5萬人去晒兩個站，但鐵路都係得一條
靠一條本身都有客喺車上嘅鐵路清幾萬額外人數，點計都唔易 ...

其實應該起個碼頭送客出中環北角

最少一船運到 400-500

紅館有東西鐵同紅隧完全無得比較

作者: HV7025 時間: 2024-9-19 19:45

天空之神發表於 2024-9-19 19:38
其實應該起個碼頭送客出中環北角

最少一船運到 400-500

紅隧最多先坐萬零人，兩條鐵喺度+一堆常規巴士路線，但散場線都養到10條，加埋至少十幾架雙層巴士
一個有成5萬人嘅超大場館，得一條鐵+唔多常規巴士（土瓜灣啟德啲巴士線班次係點大家知啦），理論上係需要+養到好多架散場巴士

作者: s3n370 時間: 2024-9-19 19:51
本帖最後由 s3n370 於 2024-9-19 12:51 編輯

HV7025 發表於 2024-9-19 09:40
啟德呢個場可以坐5萬人，就算鐵路都要開十幾班吉車起載先清到咁多人
但兩個站都係同一條線，而且無備用月 ...

倫敦Wembley Stadium坐成87,000人，多啟德一大截
Wembley Park Station係有兩條地鐵，不過運力計屯馬一條已經頂你兩條
計埋Chiltern Main Line嘅Wembley Stadium Station同WCML嘅Wembley Central Station先至啱比例。
但係行得去Wembley Central，擺番落啟德差不多去到彩虹站囉
只係計運力唔計網絡先至平手，計埋網絡其實啟德唔輸蝕，
雙向都轉到車去其他區。
而Wembley Stadium三站，剩係拎張Tube Map一睇就知，
幾條線市郊只係去倫敦西北角，去其他位係要出番Central London。

論清客能力，啟德同溫布萊算係唔錯。
其他英超球場都唔會有呢個水平之餘，搵個再大D嘅巴塞魯營球場，
容納十萬人都係靠兩條地鐵+一條輕鐵。Again每條嘅運力都係低屯馬一截。

香港舊日唔少人散場後係去宵夜，外地就去酒吧。醜陋舊香港乜都未完善，就梗係規劃D商舖等觀眾留低消費。
美麗新香港回復安寧，散場後梗係快快送走哂D觀眾繼續維持安寧啦

作者: LN9267 時間: 2024-9-19 20:05
本帖最後由 LN9267 於 2024-9-19 20:07 編輯

HV7025 發表於 2024-9-19 19:45
紅隧最多先坐萬零人，兩條鐵喺度+一堆常規巴士路線，但散場線都養到10條，加埋至少十幾架雙層巴士
一個有 ...

https://www.facebook.com/share/3uKR4uUSDqdyXXx7/?mibextid=WC7FNe

看回之前新加坡Taylor Swift演唱會，看當地媒體報道散場時人流非常強勁，地鐵要開2分鐘一班亦要加開兩條免費穿梭巴士線疏導人流，這個經驗值得香港兩間巴士公司參考。

當然新加坡地鐵環線三卡車，港鐵屯馬綫八卡車，情況應該好得多。

作者: tt777 時間: 2024-9-19 21:09
本帖最後由 tt777 於 2024-9-19 21:10 編輯

LN9267 發表於 2024-9-19 20:05
https://www.facebook.com/share/3uKR4uUSDqdyXXx7/?mibextid=WC7FNe

看回之前新加坡Taylor Swift演唱會 ...

免費巴兩間應該唔會開比你，
嗰邊交通差更加會學亞博紅館咁大開貴價散場R搶客搶$。

再加埋跑狗比同胞返上去差唔多。

作者: kei_hk 時間: 2024-9-19 21:53

HV7025 發表於 2024-9-19 17:40
啟德呢個場可以坐5萬人，就算鐵路都要開十幾班吉車起載先清到咁多人
但兩個站都係同一條線，而且無備用月 ...

這2個站﹐其實係位於2個車庫中間﹐分別係紅磡停泊處及大圍車廠。

只要適時放車出來﹐係可以發揮到很好的疏散效果。

作者: kay 時間: 2024-9-19 22:02

天空之神發表於 2024-9-19 18:42
其實人地都封哂路焗你行去鐵路站

開巴士線其實都未必好有用

或者咁講
大家關心5萬人體育園走人問題
但好似除夕煙花
或者上次多啦A夢無人機
聚集人數隨時唔只5萬

而且個個都係睇完走人

但又唔見大家講服務唔夠

究竟係咪睇少左清5萬人能力

大球場七欖都係一個銅鑼灣站解決

不過既然有兩個站
北上叫人去宋皇臺
南下叫人去啟德站
分流可能好過炒埋一碟

作者: AVBWU291 時間: 2024-9-19 22:04

s3n370 發表於 2024-9-19 19:51
倫敦Wembley Stadium坐成87,000人，多啟德一大截
Wembley Park Station係有兩條地鐵，不過運力計屯馬一條 ...

又咁講，外國球場車位都唔係少，加上當地球場唔少觀眾其實係外地人，完場就直接走人，攞頂級聯賽嚟比嘅話，作客球迷好多都係包車走。即係話對於公共交通嘅需求其實唔係 100%。

啟德嗰個場，我諗除咗旅行團，其餘觀眾都係要透過公共交通。

作者: s3n370 時間: 2024-9-19 22:23

kay 發表於 2024-9-19 14:02
或者咁講
大家關心5萬人體育園走人問題
但好似除夕煙花

Good point
你講呢D人潮已經全部响哂街上面，都唔見得大問題。

運動場館就算空無一人，由山頂位離開場館都要幾分鐘。
紅館萬零人都要十幾分鐘先至出到去，大型D場館半個鐘先至清到有乜奇。

當最後一個人踏出場館，第一個走嘅過佐海/返到新界囉。

作者: s3n370 時間: 2024-9-19 22:27
本帖最後由 s3n370 於 2024-9-19 14:37 編輯

AVBWU291 發表於 2024-9-19 14:04
又咁講，外國球場車位都唔係少，加上當地球場唔少觀眾其實係外地人，完場就直接走人，攞頂級聯賽嚟比嘅話 ...

美洲可能係，歐洲果D有千個車位已經係好誇張。場館响比賽日會封路封車位，要揸車嘅要泊到老遠再自己搭車/大會安排嘅穿梭巴士，
最終都係靠公共交通。

加上大把人會飲D酒，根本唔可以揸。

作者: 天空之神 時間: 2024-9-19 22:33

kay 發表於 2024-9-19 22:02
或者咁講
大家關心5萬人體育園走人問題
但好似除夕煙花

估計封路應該封到最少木廠街，另一邊承豐道

因為要讓路比人行出鐵站

同尖沙咀封路咁上下

宋皇台果邊近過啟德

Shuttle 去啟德同觀塘應該會有

但好似紅館咁開，難了

作者: HV7025 時間: 2024-9-20 01:30

kay 發表於 2024-9-19 22:02
或者咁講
大家關心5萬人體育園走人問題
但好似除夕煙花

其實都幾唔同情況

尖沙咀煙花
- 雖然係有數以十萬計嘅人喺尖沙咀，但有幾條路走，去到尖東紅隧口已經有一堆常規巴士同東鐵，佐敦又一批巴士，仲有部份會索性行去油麻地搭觀塘線，都係一條直路
- 鬧市就算深夜都仲有餐廳糖水舖，未必即刻走
- 有部份係遊客，酒店旅館就喺尖沙咀一帶
- 地鐵本身有晒機制去應付一年幾次大型活動，已經幾十年經驗

大球場
- 噪音原因甚少開音樂會，唔多活動真係坐足4萬人
- 七欖之類可以坐足4萬人，但遊客、餘興活動同尖沙咀情況類似
- 銅鑼灣雖然得一條鐵，但本身有去到大部分地區嘅巴士

啟德面對嘅情況係
- 應該有唔少大型音樂會真係坐得足5萬人
- 音樂會散場時間較夜，大部分人唔會搵餘興，想搵附近都未必有
- 附近甚少酒店，遊客都要搵車坐
- 只有一條鐵，而且本身班次都麻麻。就算想行去彩虹／鑽石山搭觀塘線，條路都唔易行
- 港鐵要應付呢種非定期出現嘅大型人潮，人手、列車、車站管理安排都同大型節日唔同
- 附近巴士線網絡比尖沙咀銅鑼灣差好遠

作者: leungky0528 時間: 2024-9-20 03:02
其實最可能出事相信都唔係巴士同港鐵，而係的士/Uber。如果政府睇唔實，咁到時巴士定鐵路搞好左都無咩用，剩係坐地起價、爭客、違例堵塞都夠煩。不過講番依度正題，散場巴估計都要RPP咁每區一個大會傾定，唔係到時一堆議員成堆意見只會煩倒運吉自己。

作者: s3n370 時間: 2024-9-20 03:26
本帖最後由 s3n370 於 2024-9-19 20:01 編輯

HV7025 發表於 2024-9-19 17:30
其實都幾唔同情況

尖沙咀煙花

演唱會一般係夜晚放工時間進場，疊正放工時間人潮。
大型球賽一般係週末日間。
放工+入場兩個人潮加埋都應付到，咁點解要擔心夜D反而清唔到？

全球設計大型場館、主題樂園嘅團隊，點樣去理順人流幾乎係最優先要諗嘅野。
香港政府以至運輸機構，自蘭桂坊慘劇後都極之重視人潮管制。
你擔心嘅野設計同operations嘅會諗唔到？
人潮就係人潮，點解香港其他地方嘅經驗應用唔到落啟德呢？
新機場、迪士尼樂園開幕前，搵佐過萬人做佐好多次演習，港鐵自己都成日做緊急逃生演習。

其餘同你之前引嘅溫布萊球場一樣，同樣係看似合理，但係完全cherry picking。

- 尖沙咀步程內係有更多鐵路及巴士線，不過倒數及睇煙花嘅人潮係啟德嘅數倍。
- 同樣步程計，鑽石山及彩虹站可以係啟德嘅散場車站（土瓜灣站同樣係，不過同屬屯馬線略去不計）。
- 啟德區內食肆唔多，但係附近嘅九龍城、新蒲崗同馬頭圍有大把。
- 亞博有活動，機鐵會有加班車，節日通宵服務一樣會開密D。
你何以認為屯馬唔會加？

作者: sunhoo 時間: 2024-9-20 08:45
呢個議題……應該揾返最初起啟德體育園嘅官方交通影響報告出來睇下吧？

作者: kay 時間: 2024-9-20 08:56

sunhoo 發表於 2024-9-20 08:45
呢個議題……應該揾返最初起啟德體育園嘅官方交通影響報告出來睇下吧？

結果咪依家連個PTI都無

不過去返問題起點
5萬人係一個咩概念
係人好多
定一山還有一山高

因為真係實質例子唔多

但如果以前維園一年一次晚會
唔少年份警方都話過5萬人
但交通又無特別去加強去應對
當然可能暗裡有加班車唔講
但都唔會話要開散場線

反而人數多寡未必重點
近幾次甩轆既地方
係GO PARK同郵輪碼頭呢D地方
共通點係無鐵到
而大家又以為幾千人巴士小巴的士搞得掂
原來係可以唔得

作者: tamabaron 時間: 2024-9-20 09:29

HV7025 發表於 2024-9-20 01:30
其實都幾唔同情況

尖沙咀煙花

其實你講左重點
同其他場地唔同，啟德體育園附近係0 facility，加上市區道路多可以分一分人流，但我睇怕體育園完show 個個只會衝去同一條路坐車走。

預計最後啟悅苑，啟欣苑附近行人路一有event 就逼滿人最後居民投訴。

作者: 天空之神 時間: 2024-9-20 09:38

s3n370 發表於 2024-9-20 03:26
演唱會一般係夜晚放工時間進場，疊正放工時間人潮。
大型球賽一般係週末日間。
放工+入場兩個人潮加埋都應 ...

呢個問題，海外既有經驗梗係無問題

但呢度係香港，每次有盛事都係總有野有問題，仲要單單都大鑊野

改道有問題，觀塘改一個迴旋處都塞到老遠

用一個etoll 到而家都未完全解決

屯碼線連市區段設計都有問題

所以，大家都唔會有期望，但願唔好爆大鑊就算

作者: sunhoo 時間: 2024-9-20 09:41
本帖最後由 sunhoo 於 2024-9-20 09:44 編輯

kay 發表於 2024-9-20 08:56
而大家又以為幾千人巴士小巴的士搞得掂
原來係可以唔得

GO PARK同郵碼，以巴士爲主係搞得掂嘅，只要班次足，同埋走綫同目的地符合乘客需要。

GO PARK有多樣野要留意，的士小巴唔好去霸占巴士灣。即使只有一個巴士灣，只要運作順暢，以15班巴士車走1500人係可行嘅。
而家GO PARK實際運作見到嘅問題就係兩個，城巴自己車務混亂而甩班，同埋其它車霸占巴士灣。呢D都唔係無解問題。

而郵碼見到嘅問題就係，即使城巴俾到足夠班次，游客都覺得目的地唔合心水，而死攬的士……呢度就要投入人力去溝通，同游客講只要去到附近大商場，就自然有更多的士等緊你。

作者: tommy14D 時間: 2024-9-20 09:49
咁咪同亞博一樣做法

作者: PF2802 時間: 2024-9-20 10:15

tommy14D 發表於 2024-9-20 09:49
咁咪同亞博一樣做法

亞博坐到5萬人?

作者: selfcloser 時間: 2024-9-20 10:31
最接近嘅例子係大球場

作者: kay 時間: 2024-9-20 10:43

selfcloser 發表於 2024-9-20 10:31
最接近嘅例子係大球場

大球場RUN左咁多年
唔出事好正常

不過新地方的確有新地方風險
但係咪用人數去睇風險幾大就另計

因為人少都可以甩轆

作者: Quanta 時間: 2024-9-20 10:52

天空之神發表於 2024-9-19 22:33
估計封路應該封到最少木廠街，另一邊承豐道

因為要讓路比人行出鐵站

要行去屯馬線係唔使過馬路
啟德中間冇路, 橫誇承啟道又有平台天橋
所以如果封路都係為咗其他原因, 而唔係被人行

作者: 魔雪巴士頻道 時間: 2024-9-20 12:16

tt777 發表於 2024-9-19 21:09
免費巴兩間應該唔會開比你，
嗰邊交通差更加會學亞博紅館咁大開貴價散場R搶客搶$。
再加埋跑狗比同 ...

免費唔一定冇錢收
揾正苦/主辦方sponsor咪得

作者: 魔雪巴士頻道 時間: 2024-9-20 12:16

kay 發表於 2024-9-20 08:56
結果咪依家連個PTI都無

不過去返問題起點

以前六四維園正門有堆起載車

作者: 00742603 時間: 2024-9-20 12:33
覺得最大問題係體育園附近真係冇其他嘢做
尖東睇煙花/大球場都叫做可以出返尖沙咀/銅鑼灣食下糖水咁
體育園附近一係地盤，一係住宅區，要出到九龍城先比較似樣

話時話，體育園好似淨係得有蓋通道去到啟德站？

作者: HV7025 時間: 2024-9-20 13:09

s3n370 發表於 2024-9-20 03:26
演唱會一般係夜晚放工時間進場，疊正放工時間人潮。
大型球賽一般係週末日間。
放工+入場兩個人潮加埋都應 ...

啟德呢個情況，以上列條件推論，大部分觀眾都要短時間內搭屯馬線，保守估計會有超過3萬人喺一小時內搭屯馬線
呢度講緊起碼要額外十幾列車，加車規模唔係博覽館嗰隻
臨收車時段先開番繁時（甚至超繁時）班次，仲要日子唔固定
相信唔係做唔到，但要非常well planned囉

而啟德行去鑽石山彩虹，你覺得真係易過Wembley球場行去Wembley Central？
我叫做兩邊都行過，可以答你一定係前者
後者仲要穿過唔少住宅區，真係咁易管理？

作者: leungky0528 時間: 2024-9-20 14:02

sunhoo 發表於 2024-9-20 09:41
GO PARK同郵碼，以巴士爲主係搞得掂嘅，只要班次足，同埋走綫同目的地符合乘客需要。

GO PARK有多樣野要 ...

所以郵碼有幾次上報都係衰響的士度
GO PARK就因為個場本身頹，巴士一兩次有客時吉車走都無咩人講

今次啟德咁大規模
只望管理公司響安排同訓練人手方面唔好跟上面兩個咁
而係盡量俾多啲清楚交通嘅前線人員臨場幫手

另外巴士散場線劃線時都最好學機場咁盡量避開同一地區嘅競爭
唔好似紅館咁有幾條重疊都照開
巴士公司職員少左拉客任務，應該都可以分啲心幫手指導交通

雖則都見識過港鐵停駛嗰陣，仲有人會厚顏無恥咁話人地指示唔清晰
但旅客本身就係好易隔開少少，已經睇唔到或聽唔到佢地應該留意嘅資訊
依方面真係寧願頭一兩次洗多左都唔好慳

作者: s3n370 時間: 2024-9-20 14:27

天空之神發表於 2024-9-20 01:38
呢個問題，海外既有經驗梗係無問題

但呢度係香港，每次有盛事都係總有野有問題，仲要單單都大鑊野

咁老貓都會燒鬚、舖王可以俾個仔慢慢輸清光、
幾十年嘅努力血汗建立嘅金融中心，可以幾年變遺址。

而家大家質疑緊先天問題，咪比較番其他類似地方。
就算設計問題，都係體育場入面出事先都未輪到出面。
更何況啟德多人極都係果五萬，D觀眾都係咁黎係咁走，
唔似倒數咁年年响唔同位搞活動。
就算開頭出事都易搵到問題修正。

搞乜都出事嘅，呢度點俾意見，甚至起多十條鐵路車站都一樣會出事啦係咪？

作者: D201 時間: 2024-9-20 14:36

HV7025 發表於 2024-9-20 13:09
啟德呢個情況，以上列條件推論，大部分觀眾都要短時間內搭屯馬線，保守估計會有超過3萬人喺一小時內搭屯 ...

其實50000人，真係還好

最值得參考應該係而家北海道火腿鬥士 Escon field 個散場方法，不輪地理同交通模式都有參考作用
Escon Field 距離北廣島站約2km，散場最高35000人同時走人，有巴士送你去附近的鐵路站/遠少少ge大站，JR加班/臨時停車清客

啟德體育園區本身就預左有高架走廊直接送觀眾啟德/宋皇臺兩個站出入，觀眾腳程已經幫手分開人潮，加上散場時間通常都係非繁忙時間，大多都係6分鐘一部。係紅磡/大圍直接射車加密到3分鐘一班去清客其實唔難。
簡單計之下單方向運力其實已經double up: 每列車最高載2000人 x 12 =24000人，雙向就48000，仲未計正車剩餘運力。

反而係巴士公司要思考一下點樣佈線，一條屯馬轉一次車已經接近KO哂除左港島區/將軍澳大部份人口，兜又無人上釣。要唔要學hk7s 送人去老蘭/尖沙咀下半場就另一個故事。

作者: 天空之神 時間: 2024-9-20 14:38

s3n370 發表於 2024-9-20 14:27
咁老貓都會燒鬚、舖王可以俾個仔慢慢輸清光、
幾十年嘅努力血汗建立嘅金融中心，可以幾年變遺址。

隔離咪有個地方次次都爆鑊
蹂躪碼頭

作者: HV7025 時間: 2024-9-20 14:52

D201 發表於 2024-9-20 14:36
其實50000人，真係還好

最值得參考應該係而家北海道火腿鬥士 Escon field 個散場方法，不輪地理同交通模 ...

條鐵真係開番繁時班次，載客量就應該應付到
5萬人話多好似唔係好多，但始終香港無咩經驗由單一路線短時間上咁多客
宋王台啟德本身都係民居車站，有逆向人流，實際運作稍有甩漏，對附近民居都已經好大影響，地區議員同居民有擔心係合理

除咗屯馬線要大手加班，轉乘路線都要適量加班，而且呢類活動唔係好似節日／跑馬咁定期，可以連開一星期mirror演講會晚晚多5萬人，對鐵路人手同維修安排都會係挑戰

當紅館已經係兩鐵交匯，得1萬鬆少少人，都開到十幾架散場巴士
啟德規模開3、40架巴士係好合理，亦可以減輕鐵路同民居壓力

作者: 12Lane 時間: 2024-9-20 15:26
屯馬非繁六七分一班肯定窄窄地，應該要臨時加班車。

作者: s3n370 時間: 2024-9-20 15:34
本帖最後由 s3n370 於 2024-9-20 07:54 編輯

HV7025 發表於 2024-9-20 05:09
啟德呢個情況，以上列條件推論，大部分觀眾都要短時間內搭屯馬線，保守估計會有超過3萬人喺一小時內搭屯 ...

以2019年港鐵提供俾立法會嘅數字，
西鐵繁時單向載客量係每小時56,000人次（6人/米方米）。
換算番做4人/平方米係47,500/人/方向。

要每小時處理30,000人仲要係雙向，就算架車六成滿都應付到。
問題係就算係醜陋舊香港去到夜晚，都無咁嘅客量啦。

番番去溫布萊，你行到去Wembley Central先至係惡夢嘅開始。
你無理由唔知Overground開緊幾多班車每抽幾多卡（都未計每卡車載客量細好多），
條Bakerloo Line大部分嘅車根本連Wembley Central都去唔到架喎。
少到係連列車入面都印埋句野去提醒乘客，而其他線唔會有呢句。

又番去香港，計死數屯馬兩站都搞得掂，唔似溫布萊計哂四線三站都仲差一截。
到時真係要人行去彩虹鑽石山，搵人指引擺定臨時牌真係咁大問題？

作者: sunhoo 時間: 2024-9-20 15:36
不如擔心下未有六幹，散場車海離開啓德會唔會塞死周邊路網好過。

作者: s3n370 時間: 2024-9-20 15:43

天空之神發表於 2024-9-20 06:38
隔離咪有個地方次次都爆鑊
蹂躪碼頭

之前泊葵涌貨櫃碼頭，自己安排接送相安無事。
郵輪碼頭不如話根本係旅遊業界自己唔爭氣，錢要賺但連豉油都唔肯出。

作者: s3n370 時間: 2024-9-20 16:04
本帖最後由 s3n370 於 2024-9-20 08:11 編輯

HV7025 發表於 2024-9-20 06:52
條鐵真係開番繁時班次，載客量就應該應付到
5萬人話多好似唔係好多，但始終香港無咩經驗由單一路線短時間 ...

港鐵每個車站都要容許滿載嘅列車+站內乘客响數分鐘內完全疏散。
高峰人流係散場嘅幾倍計。

你或許會話逃生係幾分鐘嘅事，同散場人流低但維持好耐唔同。
維園過往幾十萬人流嘅大小甚至今日唔再舉辦到嘅活動，都係靠天后、銅鑼灣兩站解決。
仲要考慮埋兩站繁盛過啟德好多

真係無經驗同搞唔掂？

作者: D201 時間: 2024-9-20 16:19

HV7025 發表於 2024-9-20 14:52
條鐵真係開番繁時班次，載客量就應該應付到
5萬人話多好似唔係好多，但始終香港無咩經驗由單一路線短時間 ...

對鐵路人手同維修安排都會係挑戰
>只要唔係日日0000散場基本上問題唔大，係安排車佬standby比較麻煩

同埋只要係大型活動，主辦活動單位就會通知港鐵同運輸署去安排加班，同埋再講多次，體育園去兩個港鐵站ge通道已經係設計好有人潮控制功能，車站入閘機關閉，強制行樓梯落月台已經可以控制車站人數，潮水式放人入站就可以。差在青衣失控中心點樣放車同埋點樣用側線攝定D後備列車。

作者: HV7025 時間: 2024-9-20 17:19
本帖最後由 HV7025 於 2024-9-20 17:28 編輯

D201 發表於 2024-9-20 16:19
對鐵路人手同維修安排都會係挑戰
>只要唔係日日0000散場基本上問題唔大，係安排車佬standby比較麻煩

以往節日或者一次半次大型活動，可以預早好多plan額外人手，叫定職員報名／指令佢哋OT一晚半晚
但大型音樂會呢類可以持續三五七日，要連續OT，同時唔只屯馬線大幅加班，其他線路都可能要少量加班，整個網絡都要配合

巴士就比較多有巴士牌嘅文職／兼職車長，亦較容易抽調原有路線去做特別線，可以較靈活應付呢種較長時間嘅額外需求
即使條鐵真係計晒數應付到，加一批散場巴士線都仍然係合理選項

作者: s3n370 時間: 2024-9-20 18:29

sunhoo 發表於 2024-9-20 07:36
不如擔心下未有六幹，散場車海離開啓德會唔會塞死周邊路網好過。

呢點更加唔需要擔心，因為停車場入面嘅通道本身就係樽頸。
少好多人嘅主題樂園同商場，散場時間剩係停車場都塞餐飽先至出到條大路。

作者: Quanta 時間: 2024-9-20 19:02

s3n370 發表於 2024-9-20 18:29
呢點更加唔需要擔心，因為停車場入面嘅通道本身就係樽頸。
少好多人嘅主題樂園同商場，散場時間剩係停車 ...

承豐道宋皇台道應該會有好多的士同烏巴搵食
係怕佢哋塞死
你睇下沐安街迴旋處佢哋都照泊

作者: HV7025 時間: 2024-9-20 19:17

s3n370 發表於 2024-9-20 16:04
港鐵每個車站都要容許滿載嘅列車+站內乘客响數分鐘內完全疏散。
高峰人流係散場嘅幾倍計。

依然覺得銅鑼灣個情況好唔同
本身幾十條去到大部分地區嘅既有巴士線，唔加班都有胃口一個鐘食到成千上萬嘅額外人數
天后住宅唔多，單向人潮安排相對容易，但同時夜宵餐廳係堅多，多年來不同活動都有唔少人喺天后食埋嘢先走，可以話天后本身就係一個唔錯嘅buffer位

啟德宋王台住宅肯定多過銅鑼灣天后，特別啟德對鐵路相當依賴
活動散場時間，反方向居民未至於好多人，但不能忽略，人潮管理正是呢篇主題重點，居民擔心十分正常

巴士呢……就算去到九碼同太子道，線係有唔少，但港九內運為主，甚少新界線
所以推論如果無散場巴士返新界嘅話，要搭鐵走嘅人數會相當可觀

作者: s3n370 時間: 2024-9-20 19:19

sunhoo 發表於 2024-9-20 01:41
GO PARK同郵碼，以巴士爲主係搞得掂嘅，只要班次足，同埋走綫同目的地符合乘客需要。

GO PARK有多樣野要 ...

郵輪本身就係一個大型嘅酒店+旅行團，同一般旅行團嘅分別係間酒店隨住團客走。

除非係好似海運大廈咁响正市中心。
外地稍為遠離旅遊區嘅郵輪碼頭，都係旅遊業自行包幾廿架coach出市中心旺區。
甚至會寫埋船名慌死你唔識上車返歸。

公共交通頂多係應付日常通勤。九城肯開特班已經係好好服待。

作者: kay 時間: 2024-9-20 19:35

s3n370 發表於 2024-9-20 16:04
港鐵每個車站都要容許滿載嘅列車+站內乘客响數分鐘內完全疏散。
高峰人流係散場嘅幾倍計。

呢篇主題依家涉及問題太多
其實應該稍為停一停去整理下

以下係已提出問題
1
5萬人一齊走會出事
2
無配套所以5萬人要一齊走
3
5萬人玩夜左過晒MTR尾班先散場

https://kaitaksportspark.hk/ct/facilities/
體育園有野食
但都解決唔到第3問題

不過呢D咪用行政手段搞掂佢
但紅館個做法係超時罰錢
玩夜左咪當比個機會巴士做生意

反正大家話就話MTR做得晒
但無話過唔比巴士做

但如果5萬人同一時間走
如果話MTR清唔晒客
巴士都係清唔晒客
齊齊攬炒

作者: s3n370 時間: 2024-9-20 19:39

HV7025 發表於 2024-9-20 11:17
依然覺得銅鑼灣個情況好唔同
本身幾十條去到大部分地區嘅既有巴士線，唔加班都有胃口一個鐘食到成千上萬 ...

一條鐵雙向可載90,000人計（4人/平方米），
載客都仲多過50條開5分一班架架12.8仲要塞到法定載客量嘅巴士線。
咁你話鐵係咪真係未試過咁多客？

响討論區就話可以憑感覺，唔通你認為真係要處理咁多客嘅高層前線都係？

作者: s3n370 時間: 2024-9-20 19:53

kay 發表於 2024-9-20 11:35
呢篇主題依家涉及問題太多
其實應該稍為停一停去整理下

呢度都係質疑規劃問題，好似無人反對搵巴士幫拖。

離題講講，D老闆膠層最叻最鐘意撩D問題出嚟。
做細嘅咪諗計死掂佢，要老闆信嘅，咪話之前細規模都試過，發大黎搞咪得囉。
通常貼地嘅老闆膠層都會笑笑口收貨，好D嘅會醒幾招。

遇著疑心重或者堅離地嘅老闆膠層就無計啦。

作者: HV7025 時間: 2024-9-20 20:03

s3n370 發表於 2024-9-20 19:39
一條鐵雙向可載90,000人計（4人/平方米），
載客都仲多過50條開5分一班架架12.8仲要塞到法定載客量嘅巴士 ...

Ok開足班次就夠載有餘，但屯馬一定要明顯加班先去到呢個班次，鐵路公司人手係咪真係做到連續幾日夜深開繁時班次清客？
講緊平日嘅演唱會，第二日仍然有早繁下繁，唔似節日加班咁可以安排高峰時間之後放假
鐵路車長亦唔係好似巴士咁多人有資格揸，話拉扶就拉扶

作者: s3n370 時間: 2024-9-20 20:32
本帖最後由 s3n370 於 2024-9-20 12:46 編輯

HV7025 發表於 2024-9-20 12:03
Ok開足班次就夠載有餘，但屯馬一定要明顯加班先去到呢個班次，鐵路公司人手係咪真係做到連續幾日夜深開繁 ...

你講呢D野唔通巴士公司唔駛考慮，下下搵到幾廿個車長揸咩

甚至屯馬就算夜晚開6分一班，雙向運力已經係每小時40,000左右。呢段載客率唔係最高，基本盤已經食佐大半。
剩低搵車長開短棍送去其他線轉車，人手真係唔駛好多。甚至安排早更OT少少晏D收工、夜更晏D開工+OT，隨時連原有班底都夠
甚至去到最極端，請到Taylor Swift晚晚夜繽紛，都唔請多D車長就係地鐵抵打啦

作者: HV7025 時間: 2024-9-20 20:49

s3n370 發表於 2024-9-20 20:32
你講呢D野唔通巴士公司唔駛考慮，下下搵到幾廿個車長揸咩

甚至屯馬就算夜晚開6分一班，雙向運力已經係每 ...

巴士搵多批兼職車長，肯定易過鐵路先
博覽館一開X線有時都要連開十幾日，至少對巴士公司相對易應付

起得咁大個場，就預咗真係辦到真正夜繽紛盛事，試下請到Taylor Swift連滿n日都唔成問題（到時樽頸可能去咗機場同酒店），就算本地平時開到十幾場紅館嗰班，要連開4、5場啟德滿座都絕對可以
而屯馬線一條都真係要做到一有活動就長期加班先得
同時加一隊散場巴士都唔只係可以考慮，直頭係需要

作者: s3n370 時間: 2024-9-20 21:15

HV7025 發表於 2024-9-20 12:49
巴士搵多批兼職車長，肯定易過鐵路先
博覽館一開X線有時都要連開十幾日，至少對巴士公司相對易應付

易就唔會成日欠人收車

都係果句，真係晚晚密密開騷，就巴士地鐵點都要請多D人。
鐵路仲有絕招，就係技術上已經可以無人駕駛，搵跟車其實唔難。
只係唔想搞到勞資問題。

作者: D201 時間: 2024-9-20 23:07

HV7025 發表於 2024-9-20 20:49
巴士搵多批兼職車長，肯定易過鐵路先
博覽館一開X線有時都要連開十幾日，至少對巴士公司相對易應付

其實呢

2014-2015跨年期間博覽館一個月做左38場Phantom of the Opera，機鐵有無出事？無。
咁多年AWE真係叫做唯一超時出大事係Lady Gaga 冥想玩到十點幾先開波，攪到港鐵完全預唔到佢幾點完場，焗住拉閘。

主辦單位一定會通知港鐵大概幾點完，預計入場總人數等基本資料，之後就係港鐵自己排車同時間表同搵SA同/職員當值。呢D情節AWE 已經行之有效，將來體育園區開幕都會有測試畀全部單位測試。

作者: D201 時間: 2024-9-20 23:08

s3n370 發表於 2024-9-20 21:15
易就唔會成日欠人收車

都係果句，真係晚晚密密開騷，就巴士地鐵點都要請多D人。

消防問題，唔會畀無人駕駛住

車長 standby紅磡/大圍，一完場就直接出車，方便又快捷

作者: da87 時間: 2024-9-20 23:26
本帖最後由 da87 於 2024-9-20 23:29 編輯

作為當區居民，overall唔擔心體育園散場秩序，始終地方夠大食得起人潮，主要散場路線得兩條（如圖）唔需要經過承啟道地面，屯馬線適當加班相信足以應付。

散場巴士佔好少比例，PTI地方大咪開齊啲R線，唔夠地方咪做少啲

作者: epsilon 時間: 2024-9-20 23:30
將來有冇機會發生
西九(柯士甸)、紅館(紅磡)、體育園(宋皇臺,啟德)
一齊盛事散場？

作者: HV7025 時間: 2024-9-21 04:22

D201 發表於 2024-9-20 23:07
其實呢

2014-2015跨年期間博覽館一個月做左38場Phantom of the Opera，機鐵有無出事？無。

啟德規模大過博覽館好多，而且博覽館活動搭巴士佔比例較其他場地多（機場巴士時間優勢較好）

雖然啟德一年應該唔會有好多日搞大型音樂會，但租得咁大個場嘅都係最top嗰班，真係有本事連續幾日滿場
如果無散場巴士，以啟德環境，大部分人都係搭鐵，每邊方向要加嘅車都應該超過博覽館吧？

作者: ccchhhuuunnn 時間: 2024-9-21 04:50
本帖最後由 ccchhhuuunnn 於 2024-9-21 05:32 編輯

D201 發表於 2024-9-20 23:07
其實呢

2014-2015跨年期間博覽館一個月做左38場Phantom of the Opera，機鐵有無出事？無。

唔明樓上做乜講到夜晚散場編更編多幾班鐵路班次好似好難咁
香港大型活動散場，紅館又好博覽館好迪士尼又好，幾乎90甚至95%以上都係靠鐵路，巴士最多稍為分擔下同方便乘客，連會展散場未有沙中都係大部份人行去灣仔站
唔抹殺巴士存在價值，但走去質疑可能已肩負九成運載能力嘅鐵路好似有啲多餘，無論能力上同實際運作上都別無他選
就算冇備用月台，大圍廠空車出去起載都係幾分鐘嘅事，以5萬人嚟散場講講完全係合理時間。月台同大堂睇到累積人群就自然可以指揮空載列車，好似迪士尼綫都有類似機制。
而由場地通道出口到月台到列車，大把大大小小樽頸同人嘅流動時間，話就話5萬人但唔會一秒間同時間出嚟，問題係個別位置會唔會成為嚴重樽頸而累積人潮甚至倒灌會場動彈不得。如果冇嘅，其實一萬五萬定十萬個分別只係個duration。如果有嘅，就好睇個人潮管理由場地到列車或其他交通公具點樣改善，例如打蛇餅行

作者: ccchhhuuunnn 時間: 2024-9-21 05:04

s3n370 發表於 2024-9-19 22:27
美洲可能係，歐洲果D有千個車位已經係好誇張。場館响比賽日會封路封車位，要揸車嘅要泊到老遠再自己搭車/ ...

Wembley差唔多3000個car max
如果計coach唔計car，運載力再倍增
大型項目，好自然要pre book

作者: ccchhhuuunnn 時間: 2024-9-21 05:21
本帖最後由 ccchhhuuunnn 於 2024-9-21 05:29 編輯

s3n370 發表於 2024-9-20 16:04
港鐵每個車站都要容許滿載嘅列車+站內乘客响數分鐘內完全疏散。
高峰人流係散場嘅幾倍計。

老銅去到幾十萬甚至過百萬級數咪會飛站
不過當年係維園出發係嚴重樽頸
啟德散場，鐵路列車開走運載力遠遠高過「維園出發」，而且只要係相對少嘅驅驅五萬人

作者: kay 時間: 2024-9-21 09:20

ccchhhuuunnn 發表於 2024-9-21 04:50
唔明樓上做乜講到夜晚散場編更編多幾班鐵路班次好似好難咁
香港大型活動散場，紅館又好博覽館好迪士尼又 ...

或者咁講如果體育園最後真係甩轆
會係咩原因

可能係佢自身問題多過人地問題囉

作者: nokia 時間: 2024-9-21 10:02
嗰條行人天橋上蓋2層樓高，點樣遮風擋雨？
規劃怪怪的

作者: kei_hk 時間: 2024-9-21 10:30

epsilon 發表於 2024-9-20 23:30
將來有冇機會發生
西九(柯士甸)、紅館(紅磡)、體育園(宋皇臺,啟德)
一齊盛事散場？ ...

3地同時有活動﹐總會有機會的。

樂觀D去睇﹐多個地方的散場時間﹐未必相撞。

其次﹐紅磡係一個重要的轉車站﹐總會有一堆人在此站轉東鐵/隧巴﹐尖東站轉荃灣線。
這樣﹐屯門線就會多番一些運載力出來﹐應付其他站的需求。

作者: 天空之神 時間: 2024-9-21 11:48

ccchhhuuunnn 發表於 2024-9-21 05:21
老銅去到幾十萬甚至過百萬級數咪會飛站
不過當年係維園出發係嚴重樽頸
啟德散場，鐵路列車開走運載力遠遠 ...

老銅幾時有過百萬級？唔好令大家記起 2019

作者: AVBWU291 時間: 2024-9-21 14:02

D201 發表於 2024-9-20 23:08
消防問題，唔會畀無人駕駛住

車長 standby紅磡/大圍，一完場就直接出車，方便又快捷

話就話紅磡同大圍去啟德都近，但路軌配置上唔係咁方便。

HHS 出嚟要北上，係要慢速跨越上行綫；TAD 直頭只可以入下行綫，再喺大圍站掉頭。呢度已經可以搞一段時間，出車效率未必有咁高。

作者: D201 時間: 2024-9-21 14:34

ccchhhuuunnn 發表於 2024-9-21 04:50
唔明樓上做乜講到夜晚散場編更編多幾班鐵路班次好似好難咁
香港大型活動散場，紅館又好博覽館好迪士尼又 ...

人家覺得巴士隨時開非常無敵，鐵路限時限刻垃圾嘛

我真係想睇幾百部巴士點樣係體育園散場唔塞爆路口

作者: HV7025 時間: 2024-9-21 14:38

ccchhhuuunnn 發表於 2024-9-21 04:50
唔明樓上做乜講到夜晚散場編更編多幾班鐵路班次好似好難咁
香港大型活動散場，紅館又好博覽館好迪士尼又 ...

其他場地人數大部分只係千級，而好多都唔係9成搭鐵
紅館四面台11xxx人，據業內朋友講四面台演唱會大部分路線要出2架車以上，廿幾架應該載超過2千人，單計散場線都應該市佔20%左右，未計附近路線
博覽館萬人級活動可以開到多班特別巴士，見過相單係A29都可以開到幾架，雖然A/X車應該較少人肯企，但多架巴士點都載到千千聲
剩低嘅人搭鐵唔會過萬，紅館本身兩線交匯，正班車都足以應付，博覽館入幾抽東涌車乜都搞掂

啟德係5萬人當中隨時4萬以上要搭鐵，就算打散一個鐘散場，都唔係以上千級例子
一列車都係載2千人左右，仲要唔可以預用足載客量（本身仲有正班客路過、附近幾個站仲要上車），要加班嘅規模點計都過晒其他例子
就算人手軟硬件真係應付到，都係極大嘅壓力測試
完全唔明點解要否定俾巴士分走當中幾千人嘅機會

作者: D201 時間: 2024-9-21 14:43

AVBWU291 發表於 2024-9-21 14:02
話就話紅磡同大圍去啟德都近，但路軌配置上唔係咁方便。

HHS 出嚟要北上，係要慢速跨越上行綫；TAD 直頭 ...

TAD 可以double end 出大圍，或者落第一城調頭，stand-by train 擺第一城同烏溪沙。event 一完就即刻射第一城同烏溪沙兩部車出去，放返條pocket track畀D車調頭
HHS 無計嫁喇，一係hold一hold車跨線直出，一係上柯士甸pocket track調頭

八鄉就晚繁車收入東廠喇，夠鐘就直接射出正線無煩惱

作者: HV7025 時間: 2024-9-21 14:43

D201 發表於 2024-9-21 14:34
人家覺得巴士隨時開非常無敵，鐵路限時限刻垃圾嘛

我真係想睇幾百部巴士點樣係體育園散場唔塞爆路口

唔好咁極端
只係呢篇一開始有意見覺得巴士無用
而粗略計數鐵路又真係要好大手加強服務先應付到
用其他場地例子，巴士的確發揮緊調車彈性高、鐵路就高載，一齊完成件事
兩者強弱唔同，互補不足唔好咩

作者: kay 時間: 2024-9-21 15:05
https://news.tvb.com/tc/local/66 ... E%E5%95%8F%E9%A1%8C

政府今日有講呢個問題
用大球場做案例

政務司司長陳國基表示︰「(大球場)從來沒有問題，銅鑼灣那邊更逼，為何可以那麼暢順？原因也僅是大家熟習。多辦數場試驗的比賽或場地，令觀眾熟習那條路，亦令警方熟習如何指揮他們走，這是關鍵。可以步行到的港鐵站有三、四個，若真的這個站滿了，多走一會兒可另一個站，警方會作專業指引、疏導。」

政府角度彩虹鑽石山都係散場港鐵站
同埋大家熟習先係重點

作者: JR5204@26M 時間: 2024-9-21 15:09

kay 發表於 2024-9-21 15:05
https://news.tvb.com/tc/local/66ee4f294ce35fa967e7b6d9/%E6%B8%AF%E6%BE%B3-%E9%99%B3%E5%9C%8B%E5%9F%B ...

講就天下無敵，班觀眾點會同你行咁遠去彩虹站同鑽石山站搭鐵走

作者: ccchhhuuunnn 時間: 2024-9-21 15:21

HV7025 發表於 2024-9-21 14:38
其他場地人數大部分只係千級，而好多都唔係9成搭鐵
紅館四面台11xxx人，據業內朋友講四面台演唱會大部分 ...

成個post冇人否定千幾幾千人用巴士走喎

作者: s3n370 時間: 2024-9-21 15:38

ccchhhuuunnn 發表於 2024-9-20 21:04
Wembley差唔多3000個car max
如果計coach唔計car，運載力再倍增
大型項目，好自然要pre book

Wembley Stadium毗鄰嘅停車場唔夠800車位
三千係計埋散到遠嘅Park & Ride?

就算係三千加coach，對入場近九萬嘅溫布萊仍然係杯水車薪。
有活動直頭叫觀眾預多三四個鐘入場。

作者: s3n370 時間: 2024-9-21 15:51

D201 發表於 2024-9-21 06:34
人家覺得巴士隨時開非常無敵，鐵路限時限刻垃圾嘛

我真係想睇幾百部巴士點樣係體育園散場唔塞爆路口

機場地面運輸中心每逢正點嘅巴士陣出哂名

如果巴士泊路邊，五十部12.8泵把貼泵把已有640米長，
預番位俾架車cut出去差不多係兩個車站嘅距離。

如果要預巴士做散場車，真係要整PTI先至掂。

作者: HV7025 時間: 2024-9-21 15:59

JR5204@26M 發表於 2024-9-21 15:09
講就天下無敵，班觀眾點會同你行咁遠去彩虹站同鑽石山站搭鐵走

我返過新蒲崗一段短時間（有啟德站後），新蒲崗行去啟德站都覺得條路迂迴唔好行，要去埋鑽石山就真係要指示非常清楚+有一班人肯行先
去彩虹就避免唔到要經過住宅區，正是居民最擔心嗰樣
但似乎佢哋都唔似其他版友咁，對屯馬線充滿信心

作者: ccchhhuuunnn 時間: 2024-9-21 16:58

s3n370 發表於 2024-9-21 15:38
Wembley Stadium毗鄰嘅停車場唔夠800車位
三千係計埋散到遠嘅Park & Ride?

官方停車場紅藍綠粉金
有3000 private cars就冇coaches
佢係咁計

作者: s3n370 時間: 2024-9-21 17:43

HV7025 發表於 2024-9-21 07:59
我返過新蒲崗一段短時間（有啟德站後），新蒲崗行去啟德站都覺得條路迂迴唔好行，要去埋鑽石山就真係要指 ...

新蒲崗睇下邊個位

但由啟德體育園區出發，最直接梗係行到尾，再用新建嘅行人橋橫過太子道東入四美街。

雖然去到鑽石山站仲要橫過彩虹道同穿過民居，
但係當局規劃四美街聯用大樓時，同時會起新出口連接鑽石山站。

到時只要响彩頤里維持秩序就得。

作者: s3n370 時間: 2024-9-21 17:55

JR5204@26M 發表於 2024-9-21 07:09
講就天下無敵，班觀眾點會同你行咁遠去彩虹站同鑽石山站搭鐵走

百萬行、倒數、煙花甚至過往嘅遊行都大把人行。
唔記得邊度睇到啱啱過佐嘅中秋，塞車塞到有人肯由彩虹行上順利。

散場主力一定係啟德同宋皇臺站。
遠D嘅站唔駛多人去，一成甚至幾%都幫到手。
大部分同capacity有關嘅反應唔係線性，over capacity果下嘅需求增長，對系統嘅反應係exponential咁上

作者: s3n370 時間: 2024-9-21 17:57

ccchhhuuunnn 發表於 2024-9-21 08:58
官方停車場紅藍綠粉金
有3000 private cars就冇coaches
佢係咁計

你啱，
詳細睇番七百幾係多層果個

作者: Quanta 時間: 2024-9-21 17:57

s3n370 發表於 2024-9-20 19:39
一條鐵雙向可載90,000人計（4人/平方米），
載客都仲多過50條開5分一班架架12.8仲要塞到法定載客量嘅巴士 ...

90000人？講就得
實際邊塞到咁密？遊客更加唔會見你迫（除咗中國人）
都未計兩站好明顯冇能力負荷咁多人
港鐵好少公佈車站出入閘人次
當年嘅數字繁忙如旺角站一小時出入加埋只得15400人
你覺得嗰兩個站一個鐘有可能俾到90000人入閘？一半都難啦

作者: ccchhhuuunnn 時間: 2024-9-21 18:06

s3n370 發表於 2024-9-21 17:55
百萬行、倒數、煙花甚至過往嘅遊行都大把人行。
唔記得邊度睇到啱啱過佐嘅中秋，塞車塞到有人肯由彩虹行 ...

大型活動唔好諗住個個熟路同一定冇人同嘢阻住一定行到最短路線
跟住大圍行，行條遠啲嘅都要行嫁啦

作者: s3n370 時間: 2024-9-21 18:08
本帖最後由 s3n370 於 2024-9-21 10:17 編輯

Quanta 發表於 2024-9-21 09:57
90000人？講就得
實際邊塞到咁密？遊客更加唔會見你迫（除咗中國人）
都未計兩站好明顯冇能力負荷咁多人

斷章取義梗係贏哂

90000係運力唔係車站處理能力。

旺角站出入係雙向兼且係free flow，仲唔駛尖沙咀站咁部分出入口行單向。
散場人流單邊兼且有人潮管制，capacity會大好多。

正如緊急逃生mode都要好似平日咁全自動，俾多幾倍時間都走唔哂。
要咁快走到就要搵站務指揮，兼且set哂扶手電梯同閘機有出無入。

作者: dennis28a 時間: 2024-9-21 18:31
我純粹想講兩句：
1. 係啟德體育園起之前，其實有做成份 Traffic and Transport Management，
入面係好詳細講左當有咁大型 Event 點將人流分散去兩個港鐵站、兩個 PTI 以及一個碼頭

2. 啟德站同宋皇臺站設計上係預留晒咁龐大出散場人流，
不妨留意下車站大堂面積之大，以及兩個車站 D 出口設計

作者: s3n370 時間: 2024-9-21 19:03
本帖最後由 s3n370 於 2024-9-21 11:13 編輯

dennis28a 發表於 2024-9-21 10:31
我純粹想講兩句：
1. 係啟德體育園起之前，其實有做成份 Traffic and Transport Management，
入面係好詳細 ...

今日嘅插針樓得一千甚至係幾百伙，都要做交通影響評估同整改善措施。
啟德係大壇野點會無。

不過呢度連一千幾百伙嘅新樓，都可以J到可以有龐大客量，
令巴士線起死回生可以大做特做。（咁但係點解又會覺得成條邨十幾廿幢樓嘅招標線無得做咁矛盾）
用呢個思維，啟德五萬人嘅生意又真係大到“想窮都難”

作者: kay 時間: 2024-9-21 19:33

dennis28a 發表於 2024-9-21 18:31
我純粹想講兩句：
1. 係啟德體育園起之前，其實有做成份 Traffic and Transport Management，
入面係好詳細 ...

其實依家唔係觀點與角度問題
而係信任問題
不過有樣野係真
預備得幾好都可以有機會甩轆
但係咪要將佢無限放大就要商榷

政府都舉大球場做例
大球場行成1公里先到地鐵站入口
都係咁做
d客都係老遠行入去

反而啟德距離港鐵站短左
話唔埋短時間疏散能力高左

作者: s3n370 時間: 2024-9-21 21:19

kay 發表於 2024-9-21 11:33
其實依家唔係觀點與角度問題
而係信任問題
不過有樣野係真

同意信任係問題，無限放大亦唔係好事。
同樣地唔係完全不聞不問、不要問只要信，質疑係必要嘅，
亦應該經得起質疑。

基建做夠唔等於執行唔會出事，正如好牌都可以打得爛、
金融中心幾年內變遺址。
調番轉爛牌打得好可以反敗為勝。啟德體育園嘅前身咪係，
地方細細做到世界前列。
就算俾香港人鬧爆嘅赤鱲角，個表現做到多年來贏出面成條街（係近年就...）

其他唔敢包，呢方面真係唔駛太擔心。

作者: Quanta 時間: 2024-9-21 22:04
本帖最後由 Quanta 於 2024-9-21 22:06 編輯

s3n370 發表於 2024-9-21 18:08
斷章取義梗係贏哂

90000係運力唔係車站處理能力。

運力我第一段咪駁咗你囉平時趕返工都做唔到100%
散場遊客點可能做到
至於車站處理能力即係你都認同嗰啲疏散能力係要單向通行兼冇閘機限制先做到啦
兩站本身咁多住宅啲人都要返屋企㗎
一日半日就話啫, 成日受阻啲居民仲唔嘈咩

作者: clivetock 時間: 2024-9-21 22:43

dennis28a 發表於 2024-9-21 18:31
我純粹想講兩句：
1. 係啟德體育園起之前，其實有做成份 Traffic and Transport Management，
入面係好詳細 ...

會展站個設計都係

歡迎光臨 hkitalk.net 香港交通資訊網 (https://www.hkitalk.net/HKiTalk2/)