中鐵線 / 啟德體育園交通

啟德體育園個主場館可以坐 5萬人, 而家要靠人行 10-15分鐘去啟德站或宋皇臺站, 又或者散場巴士來清客, 用紅館萬幾人來比較都覺得唔樂觀


而家中鐵線反正都好似 simcity 咁劃好似無限 budget 咁, 其實可唔可以預留中鐵線由九龍塘站, 向東南申延去
1. 九龍城站 (城寨公園, 或九龍城街巿地底附近)
2. 啟德體育園站 (體育園地底, 散場可以幾個入口直接落鐵, 行人通道去啟德站 / 宋皇臺站)
3. 郵輪碼頭站 (做埋跑道區 / 兒童醫院 / 啟德醫院)
4. 茶果嶺站 (麗港公園地底, 做埋觀塘商貿區 / 麗港城 / 茶果嶺公屋)
5. 寶達站 (做秀茂坪 / 安達 / 安愉道 / 馬遊塘)
6. 寶林站 (寶翠公園地底, 行人通道轉乘將軍澳線)


而家唔起住都唔緊要, 預留都好丫, 又可以分擔埋將軍澳線樽頸問題, 到時咪 2 班康城 / 137 區先 1 班寶林

體育園同碼頭平時唔會多人去，起嚟晒錢，不如開多啲接駁線去啲旺區，疏導啲觀眾/遊客去遊客區，或者市民去其他站搭鐵

全球大把數萬人體育場都係特登叫人行十分鐘先到達鐵路車站，緩解散場客流衝擊。

寶翠公園地底距離客源太遠
分流唔到寶林客流

sunhoo 發表於 2024-7-18 07:20
全球大把數萬人體育場都係特登叫人行十分鐘先到達鐵路車站，緩解散場客流衝擊。 ...

正解。

其實進場都一樣，剩係排隊查飛入閘條龍都唔慌短，
車站同場館無番咁上下距離，進場人士咪盞塞响個站度。
再唔係搵個地方打蛇餅，最終埋單咪一樣行咁遠，但係觀感就差啦：
試諗下明明落車就係場館，要兜遠佐先至入到場；
同埋車站唔係貼住場館，但係一路排一路係向住場館進發，邊個感覺好D？

側面咁睇，距離最近個站十幾分鐘，即係有其他遠少少但係都行到去嘅車站，
其實都幫到手分散人流。

之前某FB專頁搵紅館對比簡直係誤導。
一來紅館細好多，二來紅館去紅磡站嘅通道都有考慮呢D因素，
之不過紅館容納嘅人數少好多，唔駛咁大地方咁解。

再者紅磡站自己就係轉車站，而繁忙時間嘅轉車人潮，
同進場/散場人潮幾乎唔會同時出現，條通道繁忙時間就俾隧巴客排隊，紅館有活動就用黎做緩衝，真正做到地盡其用。

s3n370 發表於 2024-7-18 18:10
正解。

其實進場都一樣，剩係排隊查飛入閘條龍都唔慌短，

内地好多場館都係每逢event都封閉地鐵站，呢個就係負面教材，車站得無所用。

s3n370 發表於 2024-7-18 18:10
正解。

其實進場都一樣，剩係排隊查飛入閘條龍都唔慌短，

紅館入場人潮同放工人潮其實都會撞

Quanta 發表於 2024-7-19 02:18
紅館入場人潮同放工人潮其實都會撞

無錯係會撞，但係返工同散場嘅人潮集中好多，
放工同入場人潮無咁集中+入火車站條龍無朝早等巴士咁長

Fuk19805 發表於 2024-7-18 14:33
體育園同碼頭平時唔會多人去，起嚟晒錢，不如開多啲接駁線去啲旺區，疏導啲觀眾/遊客去遊客區，或者市民去 ...

跑道區咁多住宅，如果將個站起響近住宅一邊呢？要buffer仲有都會公園

s3n370 發表於 2024-7-18 18:10
正解。

其實進場都一樣，剩係排隊查飛入閘條龍都唔慌短，

兩大主題公園都有類似設計，反而新香港搵唔到外國歌手電話，新場館有几日會坐滿？