hkitalk.net 香港交通資訊網

標題: 我發電郵查詢GTFS-RT實時資訊所獲之回覆 [打印本頁]
作者: miklcct    時間: 2025-3-13 18:06
標題: 我發電郵查詢GTFS-RT實時資訊所獲之回覆
我現職英國某間鐵路顧問公司，其業務為利用大數據開發產品為營辦商及顧客提供更好的體驗。

我們其中一件產品為全國性行程規劃應用（journey planner），雖然目前還在開發階段，但透過使用開源軟件及開放數據，我們已經發展出多項 Google 及 Citymapper 均不支援的獨有賣點，例如調整轉車時間、步行速度、單車上火車、泊車轉乘等功能。

雖然我們的產品暫時只限於英國市場，但因使用開源軟件及國際標準之開放數據，只需接入合適的資料及後台即可在其它地區使用，而我在開發過程亦使用了芬蘭的後台作參考。芬蘭的 Digitransit 平台提供了全國性的開放交通數據及 OpenTripPlanner 後台，可供第三方軟件使用。

我多年來一直有興趣在港提供同樣的產品，但是我找不到合適的資料來設立一個平台。我最近電郵了香港幾間巴士公司，查詢國際標準之全網實時交通數據，以作開發行程規劃軟件之用。

以下為城巴拒絕合作之回覆：

Thank you for your email.
 
We have no plan to open our GTFS-RT data to third-party journey planner for free. However, We welcome for any proposal that can create business value for us.
 
Should you have any enquiries, please feel free to email us again.

反觀芬蘭方面，其 Digitransit 平台鼓勵第三方產品提供更好的乘客體驗。請問在港這樣的環境，巴士公司不肯合作下，應該怎樣提供芬蘭質素的行程體驗？
作者: 天空之神    時間: 2025-3-13 18:42
當年幾大只係提供比政府

問政府拎或者比較有可能
作者: ccchhhuuunnn    時間: 2025-3-13 18:54
天空之神 發表於 2025-3-13 18:42
當年幾大只係提供比政府

問政府拎或者比較有可能

正確啲嚟講應該係要有政府官員或立法會議員真係識，然後好似ETA API擺落專營權要求先有可能
不過香港有幾多個Elon Musk或者唐鳳大家心知肚明

by the way
樓主係咪連登巴打？
take care!
作者: GK3258    時間: 2025-3-13 19:49
咁要比較下香港票價係咪做緊芬蘭票價，唔係點要求香港做到芬蘭質素嘅體驗？
作者: HY1012    時間: 2025-3-13 20:09
小學雞到quote番人地個reply公開講, 日後真係有value都唔預你啦
作者: nokia_hk_fans    時間: 2025-3-13 20:26
芬蘭Digitransit真係世一，
行程時間極精準，
又可以校步行速度，連地鐵站内路徑都準確計埋。
Open data多到你用唔嗮，
除咗即時位置，就連即時車速、甚至車門開關狀態都睇到。

人哋係真係用data改善人民生活，
香港係用data改善公司收入。
作者: miklcct    時間: 2025-3-13 23:38
本帖最後由 miklcct 於 2025-3-13 23:47 編輯
HY1012 發表於 2025-3-13 20:09
小學雞到quote番人地個reply公開講, 日後真係有value都唔預你啦

咁有 value 唔公開嘅話，個 value = 0 囉。
原因：而家 Transitous 開發緊一個世界性，利用全球 open data 提供全球性嘅行程規劃服務，可以無邊界運作；如果做唔到呢樣，咁計劃唔到行程都一樣提供唔到價值； Citymapper 嘅其中一個弊病係佢嘅覆蓋範圍亂劃，同一個地區規劃兩個市鎮之間嘅行程都可以話超出覆蓋範圍。

作者: miklcct    時間: 2025-3-13 23:40
本帖最後由 miklcct 於 2025-3-13 23:43 編輯
GK3258 發表於 2025-3-13 19:49
咁要比較下香港票價係咪做緊芬蘭票價，唔係點要求香港做到芬蘭質素嘅體驗？ ...

我長遠目標係用中國票價做芬蘭體驗。

我更希望成事之後，搬離歐洲，移民去另一個生活成本低嘅國家，同時可以用同樣嘅產品獲得芬蘭質素嘅體驗。
作者: miklcct    時間: 2025-3-13 23:50
nokia_hk_fans 發表於 2025-3-13 20:26
芬蘭Digitransit真係世一，
行程時間極精準，
又可以校步行速度，連地鐵站内路徑都準確計埋。

講返技術層面，

芬蘭 Digitransit 平台係使用 OpenTripPlanner 做行程規劃， Pelias 做地址搜索，兩者均使用 OpenStreetMap 數據；而交通數據使用國際標準 GTFS 格式，所以只要使用相同嘅軟件同相容嘅數據，全世界都可以提供芬蘭質素嘅行程規劃。

作者: 魔雪巴士頻道    時間: 2025-3-14 00:55
佢冇話唔肯公開
係唔肯公開for free only
如果平台喺其他途徑有足夠收入, 係值得考慮畀錢買data

btw 中國票價係党資助先做到喎, 其他國家真係得?
作者: KE7066    時間: 2025-3-14 01:40
魔雪巴士頻道 發表於 2025-3-14 00:55
佢冇話唔肯公開
係唔肯公開for free only
如果平台喺其他途徑有足夠收入, 係值得考慮畀錢買data

其實連 not for free 都唔係, no plans only
唔知上文寫咗啲咩啦
叫你入 proposal 可以係客套說話
亦可以係純粹根本無解釋過點解要 GTFS-RT format 而現有 Open data 係唔夠用
作者: eternalflame    時間: 2025-3-14 04:39
對於公共交通機構黎講，滿足到專營權下要求發放嘅開放數據就算

同其他國家唔同，香港好少要同同業／對手做到interoperability，或者有所謂嘅社會責任
公開數據後對自己盤生意無好處，就更加唔會有動力同錢去做
作者: miklcct    時間: 2025-3-14 04:53
本帖最後由 miklcct 於 2025-3-14 04:57 編輯

我公司嘅產品係為乘客利益，以及為營辦商嘅營運效率着想。 interoperability 係乘客利益嘅一個重要考慮，亦都可以令多間營辦商之間協調路線網絡，提升整體效益。

最大嘅好處係當涉及多重轉車嗰陣，程式可以利用實時資訊，計算出避免搭45分鐘之後去到轉車站送車尾嘅情況，可以計算出點樣透過特快線車駁車從而分流地鐵多重轉車嘅車程。
作者: kay    時間: 2025-3-14 08:16
KE7066 發表於 2025-3-14 01:40
其實連 not for free 都唔係, no plans only
唔知上文寫咗啲咩啦
叫你入 proposal 可以係客套說話

其實N年前POKEGUIDE壇野都睇到香港公司係點諗

不過好似POKEGUIDE我又覺得當年人地唔同佢合作未必壞事
打後發展都唔錯

但樓主個情況
人地只會想你同佢合作
而唔係人地同你合作
明顯解決唔到

而且都落閘唔會無條件分享自己公司DATA比第三方
作者: Ricky403    時間: 2025-3-14 12:08
香港嘅路況同巴士嘅低自動化程度係唔會滿足到樓主個以秒為基準嘅到站時間要求，完
作者: herman15hk    時間: 2025-3-14 12:17
本帖最後由 herman15hk 於 2025-3-14 13:50 編輯
HY1012 發表於 2025-3-13 21:09
小學雞到quote番人地個reply公開講, 日後真係有value都唔預你啦

不如佢比大家睇下佢入request嘅email包含啲咩先
要人哋公司合作都要比睇人到你做緊啲乜，想做啲咩，點幫到公司...連接頭嗰個都過唔到點幫你Pitch到老細？
回應唔合你意就直接quote人地個reply擺常來italk，點敢同你合作呀？

唔係一句國際標準就Take it for granted， 你又知人哋唔需要改software？
作者: kay    時間: 2025-3-14 13:45
herman15hk 發表於 2025-3-14 12:17
不如佢比大家睇下佢入request嘅email包含啲咩先
要人哋公司合作都要比睇人到你做緊啲乜，想做啲咩，點幫到 ...

你睇返上一篇樓主出既GTFS-RT文就知想點

作者: KE7066    時間: 2025-3-14 15:30
kay 發表於 2025-3-14 13:45
你睇返上一篇樓主出既GTFS-RT文就知想點

所以城巴又要上黎追下 post 先可以覆 email?
依家唔係講緊大家知唔知樓主想點

作者: 天空之神    時間: 2025-3-14 16:02
本帖最後由 天空之神 於 2025-3-14 16:05 編輯
herman15hk 發表於 2025-3-14 12:17
不如佢比大家睇下佢入request嘅email包含啲咩先
要人哋公司合作都要比睇人到你做緊啲乜，想做啲咩，點幫到 ...

最好兩巴出埋server 比班免費仔勾哂data 出黎用，成本出哂

自己出個app 賣廣告賺錢

雞同醬都係你出，佢剩係賣
作者: eternalflame    時間: 2025-3-14 16:47
miklcct 發表於 2025-3-14 04:53
我公司嘅產品係為乘客利益，以及為營辦商嘅營運效率着想。 interoperability 係乘客利益嘅一個重要考慮，亦 ...

你都識講operation efficiency，所以營運商一定睇重自己fleet operation，衍生出黎嘅data係次要
所以你目標想做到嘅係2 sides of a coin，你要說服到營運商你個套系統可以improve operation efficiency
先可以令佢地接受埋開放數據嘅好處。再下一步先至可以傾interoperability

作者: miklcct    時間: 2025-3-14 17:18
本帖最後由 miklcct 於 2025-3-14 17:38 編輯

「吸引乘客使用服務」已經係最大好處。另外我公司喺英國嘅產品主要係留意到火車公司 underuse the data ，所以整咗好多產品改善營運效率；至於顧客產品方面，我哋出嘅產品係幫助各種 neurodivergent 嘅乘客使用公共交通，提供主流官方應用無，但又有用嘅功能，例如 kiss and ride ，增加轉車走盞時間等等，目的係增加公共交通嘅市佔率。

https://realtimetransit.info/

呢個網站係個行業整出來用來推銷開放數據嘅好處，大家可以睇睇。
作者: s3n370    時間: 2025-3-14 18:15
本帖最後由 s3n370 於 2025-3-14 10:23 編輯
miklcct 發表於 2025-3-14 09:18
「吸引乘客使用服務」已經係最大好處。另外我公司喺英國嘅產品主要係留意到火車公司 underuse the data ， ...

簡答：香港嘅公共交通嘅市佔極高，及interoperability嘅需要遠唔及外國大。

香港嘅公共交通使用率已經係九成幾，要再提高的話，
擺嘅effort所得嘅增長係唔成比例地低。

再者香港嘅巴士，唔少行程可以一間公司甚至係一程車（都莫講話mode）搞掂之餘仲要係極之viable，
唔似好多地方，唔同機構唔同交通工具要合埋一齊，
先至可以砌到viable嘅行程，吸引人唔揸車搭公共交通。

就算去到今日，响呢個討論區近乎一致認為被“打到好殘”嘅香港巴士公司，
同鐵路嘅重疊同競爭性，甚至比表面上有鐵路嘅地方都好多巴士嘅倫敦同新加坡高好多。

營商嘅手法宗旨雖然萬變不離其宗，但唔係一本通書睇到老，
照抄唔因地制宜點行得掂？
作者: KE7066    時間: 2025-3-14 18:19
miklcct 發表於 2025-3-14 17:18
「吸引乘客使用服務」已經係最大好處。另外我公司喺英國嘅產品主要係留意到火車公司 underuse the data ， ...

依家 ETA 唔係 "Real Time Information"?


巴士公司收到封咁嘅 email 內容講啲已經 implement 咗嘅嘢嘅話
完全無理據應酬你喎
作者: herman15hk    時間: 2025-3-14 19:04
eternalflame 發表於 2025-3-14 17:47
你都識講operation efficiency，所以營運商一定睇重自己fleet operation，衍生出黎嘅data係次要
所以你目 ...

就我所知都有公司以及機構同城巴做過MaaS嘅 Prove of Concept，樓主自己慢慢諗吓衰咗啲咩啦。
作者: herman15hk    時間: 2025-3-14 19:07
s3n370 發表於 2025-3-14 19:15
簡答：香港嘅公共交通嘅市佔極高，及interoperability嘅需要遠唔及外國大。

香港嘅公共交通使用率已經係 ...

香港嘅環境各家交通機構都係競爭關係點去説服到唔會送客走？

作者: qunow    時間: 2025-3-14 21:04
s3n370 發表於 2025-3-14 18:15
簡答：香港嘅公共交通嘅市佔極高，及interoperability嘅需要遠唔及外國大。

香港嘅公共交通使用率已經係 ...

而家私家車市佔率唔係係咁升緊？
作者: miklcct    時間: 2025-3-14 21:41
KE7066 發表於 2025-3-14 18:19
依家 ETA 唔係 "Real Time Information"?

咁而家香港有無 journey planner 可以整合全部交通模式同營辦商嘅 real time information ，再用機器計算出對乘客最有利嘅方案？

我用過 citymapper ，但從佢個UI可以睇得出，佢計方案嗰陣係無考慮到 real time information ，而係出咗方案之後先 overlay 上去，咁樣嘅話，某啲方案個時間表夾唔到嘅話佢唔會出，但係用咗 real time data 可以有機會令到嗰啲方案變成最佳方案。
作者: miklcct    時間: 2025-3-14 21:42
本帖最後由 miklcct 於 2025-3-14 21:49 編輯
herman15hk 發表於 2025-3-14 19:07
香港嘅環境各家交通機構都係競爭關係點去説服到唔會送客走？

咁點解我睇外國嘅討論區話呢個思維係錯，不利於行業發展？外國討論區嘅 concensus 話公交營辦商應該視私家車係競爭對手喎。

英國其中一個大問題係倫敦以外係一個完全 deregulated environment ，乘客基本上無所適從，有唔少本來可以巴士轉火車，甚至巴士轉巴士嘅行程都因為時間表唔夾／要俾多次錢／巴士站同火車站之間轉乘唔方便等，令乘客卻步。
作者: s3n370    時間: 2025-3-14 22:07
本帖最後由 s3n370 於 2025-3-14 15:22 編輯
qunow 發表於 2025-3-14 13:04
而家私家車市佔率唔係係咁升緊？

問題唔係升跌

而係點解、點做、做嘅efficiency 同effectiveness有幾大
香港及新加坡等擁車接近奢侈品多過必需品，公共交通可否滿足到呢？
（除非將開支加到難以負擔）
就算落到巴黎倫敦紐約等公共交通發達但同時密度較低，
仲有一大片通勤帶嘅大城市，汽車已經貼近必需品多過奢侈品。
要吸客落公共交通都易好多。
作者: AVBWU291    時間: 2025-3-14 23:08
miklcct 發表於 2025-3-14 21:42
咁點解我睇外國嘅討論區話呢個思維係錯，不利於行業發展？外國討論區嘅 concensus 話公交營辦商應該視私家 ...

英國係公共交通營辦商之間一齊合作去搶潛在嘅私家車乘客返嚟，市內交通雖則巴士同地鐵係有一定程度競爭，但營辦商之間唔需要互相搶客，因為佢哋只係承包咗個服務嚟做，多客少客對佢哋嚟講唔係咩重要嘢。加上有政府推動，咪自然有心有力。

香港嘅交通市場面對緊嘅問題同你講嗰堆地方有好大程度上嘅分別，你個 issue / problem 都唔同，好自然 solutions 都唔會一樣。唔係話大搞 MaaS 冇好處，但作為自負盈虧嘅商業機構，當收獲（短期同長期都係）細過付出，邊個有興趣搞。
作者: KE7066    時間: 2025-3-15 00:35
本帖最後由 KE7066 於 2025-3-15 00:47 編輯
miklcct 發表於 2025-3-14 21:41
咁而家香港有無 journey planner 可以整合全部交通模式同營辦商嘅 real time information ，再用機器計算 ...

你走去 sell 營運商去做 real time info (不等於你所講嘅 open data) 點知人地已經做緊

依家就走去 spin 做有無人用現有 real time info 嘅 open source data 做到你想做嘅嘢
你反問我無意思
現有開放緊嘅 ETA API 有咩缺陷麻煩自己分析返
作者: kay    時間: 2025-3-15 08:51
KE7066 發表於 2025-3-15 00:35
你走去 sell 營運商去做 real time info (不等於你所講嘅 open data) 點知人地已經做緊

依家就走去 spin  ...

樓主上篇文有講佢將existing data倒落去佢個系統既困難

當時有人提出民間去執過晒 data
但明顯係好困難



作者: violet    時間: 2025-3-15 15:39
英國人都上依度？
作者: kay    時間: 2025-3-15 17:48
violet 發表於 2025-3-15 15:39
英國人都上依度？

不如問樓主單DEAL做得成係咪大茶飯
作者: cktse    時間: 2025-3-15 22:19
淨係睇到你pitch唔到巴士公司同你合作就放人哋嘅email出嚟
作者: jpoon    時間: 2025-3-16 00:34
無上文點知你寫乜
同埋點解只係講城巴，係咪得城巴肯覆你，其他公司連覆你都費事
作者: jpoon    時間: 2025-3-16 00:35
violet 發表於 2025-3-15 15:39
英國人都上依度？

樓主響呢度好出名咖喎
早幾年咪嘈過響形點I等B1見到巴士飛站搞到佢趕唔到高鐵囉
作者: kay    時間: 2025-3-16 08:32
jpoon 發表於 2025-3-16 00:34
無上文點知你寫乜
同埋點解只係講城巴，係咪得城巴肯覆你，其他公司連覆你都費事 ...

https://www.hkitalk.net/HKiTalk2/thread-2202071-1-1.html

不過唔知係咪樓主太出名

換轉唔出名既版友貼同一篇文
隨時賺到同情分然後有人認為城巴做錯
話城巴無錯就會有人話盲撐(呢個版的確係有呢D人)


i.e.呢個版講事實都會有機會比人話你亂UP
作者: szeto993    時間: 2025-3-16 08:40
kay 發表於 2025-3-16 08:32
https://www.hkitalk.net/HKiTalk2/thread-2202071-1-1.html

不過唔知係咪樓主太出名

樓主出名就不嬲都係，不過呢壇嘢本身係佢用任職公司名義定個人開發者名義去傾合作個差別都好大，無前文就只可以當佢單方面請求城巴所以人哋請佢食檸檬一啲都唔出奇
作者: 1181174166    時間: 2025-3-16 13:10
1#我以為係賣廣告
作者: qunow    時間: 2025-3-16 21:28
cktse 發表於 2025-3-15 22:19
淨係睇到你pitch唔到巴士公司同你合作就放人哋嘅email出嚟

唔係問合作 而係單方面要求巴士公司提供數據
作者: KE7066    時間: 2025-3-16 22:29
jpoon 發表於 2025-3-16 00:34
無上文點知你寫乜
同埋點解只係講城巴，係咪得城巴肯覆你，其他公司連覆你都費事 ...

理論上各大專營巴士公司處理公眾意見係有 KPI，10 個工作天要有初步回應及 21 個工作天內回覆較需時處理的意見

不過唔排除視乎方法及查詢內容，商業合作查詢會唔計啦

作者: kay    時間: 2025-3-17 08:17
szeto993 發表於 2025-3-16 08:40
樓主出名就不嬲都係，不過呢壇嘢本身係佢用任職公司名義定個人開發者名義去傾合作個差別都好大，無前文就 ...

咁樓主或者討論區都係慣常拎對自己有利既野出黎講
但樓主就同時揭示佢自己最大弱點

走去做伸手黨

伸手黨呢類行為最難合理化
因為等同翹埋對手食免費午餐
宇宙定律一早說明係無

作者: miklcct    時間: 2025-3-17 19:17
kay 發表於 2025-3-17 08:17
咁樓主或者討論區都係慣常拎對自己有利既野出黎講
但樓主就同時揭示佢自己最大弱點

咁要合作嘅話嘅前題一定係要係互惠，即係唔單只我哋嘅產品要用到，而其它世界性同地區性嘅 journey planner ，全港全中國全世界，其它營辦商嘅 app 都要出到一模一樣嘅資料，咁先有得傾。

睇下 Transitous project ( https://github.com/public-transport/transitous ) ，呢個係一個 community run ，世界性嘅 journey planner ，我咁樣R料嘅目的係當然想令佢接到入去通行全世界啦，令到無論你喺世界嘅邊一個角落，都可以直接 plan journey 到赤柱兼有全程 real time data 。（我加粗咗我想表達嘅重點）

A community-run provider-neutral international public transport routing service.
Using openly available GTFS/GTFS-RT/etc. feeds and FOSS routing engine we want to operate a routing service that:


作者: 1181174166    時間: 2025-3-17 19:49
miklcct 發表於 2025-3-17 19:17
咁要合作嘅話嘅前題一定係要係互惠，即係唔單只我哋嘅產品要用到，而其它世界性同地區性嘅 journey planne ...

除咗第一句要互惠之外成段都無講過巴士公司有乜得益

不過你好過Brian嘅
作者: miklcct    時間: 2025-3-18 00:40
1181174166 發表於 2025-3-17 19:49
除咗第一句要互惠之外成段都無講過巴士公司有乜得益

不過你好過Brian嘅 ...

巴士公司得益唔係重點，重點係社會整體有得益（例如減少交通容量壓力等）
作者: 1181174166    時間: 2025-3-18 00:51
miklcct 發表於 2025-3-18 00:40
巴士公司得益唔係重點，重點係社會整體有得益（例如減少交通容量壓力等） ...

咁你同邊個合作?
作者: miklcct    時間: 2025-3-18 18:17
1181174166 發表於 2025-3-18 00:51
咁你同邊個合作?

交通營辦商

大家嘅共同利益都係為咗改善環境，賺取嘅收入都係用來投資返喺個交通網絡嗰度。
作者: 1181174166    時間: 2025-3-18 19:00
miklcct 發表於 2025-3-18 18:17
交通營辦商

大家嘅共同利益都係為咗改善環境，賺取嘅收入都係用來投資返喺個交通網絡嗰度。

你寫埋「重點唔喺巴士公司度」吖嘛
巴士公司無從中獲益
作者: miklcct    時間: 2025-3-18 20:05
1181174166 發表於 2025-3-18 19:00
你寫埋「重點唔喺巴士公司度」吖嘛
巴士公司無從中獲益

巴士公司嘅主要獲益係增加乘客量，同乘客滿意度。

人哋倫敦嘅TfL多年前已經意識到呢個好處，而家有唔少第三方軟件提供更好嘅資訊。

作者: 天空之神    時間: 2025-3-18 20:08
miklcct 發表於 2025-3-18 20:05
巴士公司嘅主要獲益係增加乘客量，同乘客滿意度。

人哋倫敦嘅TfL多年前已經意識到呢個好處，而家有唔少 ...

TfL 係政府既

香港既公交唔係


作者: 1181174166    時間: 2025-3-18 20:11
miklcct 發表於 2025-3-18 20:05
巴士公司嘅主要獲益係增加乘客量，同乘客滿意度。

人哋倫敦嘅TfL多年前已經意識到呢個好處，而家有唔少 ...

香港嘅鐵路穩定同班次已經打到殘，反正倫敦都比唔上
計時間大部分都係鐵路贏，點吸客？
作者: miklcct    時間: 2025-3-18 21:32
本帖最後由 miklcct 於 2025-3-18 21:34 編輯
1181174166 發表於 2025-3-18 20:11
香港嘅鐵路穩定同班次已經打到殘，反正倫敦都比唔上
計時間大部分都係鐵路贏，點吸客？ ...

香港嘅巴士速度比倫敦快好多，巴士有極大速度優勢，反觀倫敦，你搭鐵大V形都快過巴士直達，所以啲人寧願揸私家車。

只要用 journey planner 計到點樣特快駁特快，咁可以慳好多時間。

嗰啲乜嘢10分鐘上環去葵芳，柴灣去灣仔，尖沙咀去觀塘等等全部都係鐵路做唔到嘅。
作者: 1181174166    時間: 2025-3-18 21:46
本帖最後由 1181174166 於 2025-3-18 21:57 編輯
miklcct 發表於 2025-3-18 21:32
香港嘅巴士速度比倫敦快好多，巴士有極大速度優勢，反觀倫敦，你搭鐵大V形都快過巴士直達，所以啲人寧願揸 ...

唔係real time就做唔到你所謂10分鐘到達?如此明顯優勢根本已經揀定方案

即係你都係搭唔到點樣喺鐵路吸返啲客上嚟

講咁耐你剩係識sell產品幾好幾好，用家特別係巴士公司嘅角度佔極少篇幅
作者: Ricky403    時間: 2025-3-19 18:12
公司真係緊張班轉乘客，直頭唔駛你用到站時間逆推，好似城巴已經會落order叫啲通宵車車長等過客先開車，好過出個當正架車行70 km/h點知行得65 km/h結果無縫轉車變走車嘅例子
到時樓主又要上黎呻一大輪某某某線車長「碌車」
作者: miklcct    時間: 2025-3-19 18:25
1181174166 發表於 2025-3-18 21:46
唔係real time就做唔到你所謂10分鐘到達?如此明顯優勢根本已經揀定方案

即係你都係搭唔到點樣喺鐵路吸返 ...

咁條巴士線係30分鐘一班嘅話，係資料唔齊（尤其要轉車）嘅情況之下，加埋班距嘅一半就已經完全失去特快優勢（好似港島條5X咁，車駁車嘅話鬼唔想788轉5X咩），結果咪全程碌鐵，或者788轉鐵。
作者: 1181174166    時間: 2025-3-19 18:43
本帖最後由 1181174166 於 2025-3-19 18:50 編輯
miklcct 發表於 2025-3-19 18:25
咁條巴士線係30分鐘一班嘅話，係資料唔齊（尤其要轉車）嘅情況之下，加埋班距嘅一半就已經完全失去特快優 ...

所以你real time點預測到出到去駁唔駁到5X?巴士公司app係咪無得轉車?
反正介紹到你上18X，5X死班次，real time都無用
作者: miklcct    時間: 2025-3-19 23:14
1181174166 發表於 2025-3-19 18:43
所以你real time點預測到出到去駁唔駁到5X?巴士公司app係咪無得轉車?
反正介紹到你上18X，5X死班次，real  ...

咁如果我企喺柴灣嗰陣，個電腦程式預測到我架788出到中環之後3分鐘會有5X，我咪會出到去轉；反之，如果個電腦程式覺得搭8X出去北角好快會有18X到，咁咪會介紹俾我搭。

喺無適當嘅資料情況之下，單靠5X同18X咁嘅班次，鬼會走去轉。
作者: 1181174166    時間: 2025-3-20 00:34
本帖最後由 1181174166 於 2025-3-20 01:11 編輯
miklcct 發表於 2025-3-19 23:14
咁如果我企喺柴灣嗰陣，個電腦程式預測到我架788出到中環之後3分鐘會有5X，我咪會出到去轉；反之，如果個 ...

「出到中環之後3分鐘會有5X」，停多支燈或者揸慢少少已經企咗喺度，結果就係臨落車再睇有無車
再者，城巴自己recommend你砵典乍街轉車叫到兩飛，你叫人北角轉靠害?

本身無計到車程出嚟?
另外無18X時段5X又夾唔到，一係你同巴士公司解釋叫人轉鐵，一係你點人死等5X

前者你要整合各營運商資料，考慮埋鐵路不可或缺，後者已經做緊

你自我中心諗你要做咩，對家回覆要求嘅嘢一概無視，兼走去貼大字報咁宣揚，生意上點合作?
作者: jpoon    時間: 2025-3-20 05:20
本帖最後由 jpoon 於 2025-3-20 05:22 編輯
1181174166 發表於 2025-3-19 18:43
所以你real time點預測到出到去駁唔駁到5X?巴士公司app係咪無得轉車?
反正介紹到你上18X，5X死班次，real  ...

諗起條友話形點I上唔到B1嘅笑話
就算可以車駁車，都唔代表可以上到車
更何況路況嘅嘢話唔埋，突然有交通意外已經影響到到達時間，仲有司機嘅狀態又係變數，畀佢計到理論到達時間，遇到個碌車等等因素搞到追唔到下一班車係咪「可以claim返佢公司誤導」先？(當年佢好似想追究厹搞到佢搭唔到膠鐵)
作者: 1181174166    時間: 2025-3-20 10:07
本帖最後由 1181174166 於 2025-3-20 10:14 編輯
jpoon 發表於 2025-3-20 05:20
諗起條友話形點I上唔到B1嘅笑話
就算可以車駁車，都唔代表可以上到車
更何況路況嘅嘢話唔埋，突然有交通意 ...

講就好好，不過包裝欠奉，連要做咩出嚟都係搖擺不定

預測嘅嘢，統計學我唔識，過往呢度要講基本上都係得個拗字

但係轉邊條線嘅預測，本身係咪無做呢？
作者: KE7066    時間: 2025-3-20 15:18
miklcct 發表於 2025-3-19 23:14
咁如果我企喺柴灣嗰陣，個電腦程式預測到我架788出到中環之後3分鐘會有5X，我咪會出到去轉；反之，如果個 ...

有 788 嘅地方根本第一程除咗 788/789 都無咩其他合理選項

呢啲用人腦都知應該要離開咗柴灣先諗下一步嘅問題
poor example
作者: brianso198    時間: 2025-3-20 15:36
本帖最後由 brianso198 於 2025-3-20 15:39 編輯
KE7066 發表於 2025-3-20 15:18
有 788 嘅地方根本第一程除咗 788/789 都無咩其他合理選項

呢啲用人腦都知應該要離開咗柴灣先諗下一步嘅 ...

小西灣個情況係極端
基本上上得788轉車幾乎係去邊度都唔會輸

衰D講, 下一程幾時有車, 去到轉車站之前先諗

根本就唔會走去預先夾



作者: miklcct    時間: 2025-3-20 17:53
1181174166 發表於 2025-3-20 00:34
「出到中環之後3分鐘會有5X」，停多支燈或者揸慢少少已經企咗喺度，結果就係臨落車再睇有無車
再者，城巴 ...

GTFSRT 標準支持預測誤差（例如如果誤差3分鐘，個程式可以避免追1分鐘到嘅車；誤差係0分鐘嘅話，個程式可以教我追車），亦都支持載客量（可以警告我部車頂咗閘，會飛站）。

咁我目的當然係接入埋其它營辦商嘅資料，目的係叫我夾到5X或者18X時間就搭，否則如果下架有排等，用其它營辦商嘅服務會快啲，就用其它營辦商嘅服務啦。
作者: 1181174166    時間: 2025-3-20 18:02
本帖最後由 1181174166 於 2025-3-20 18:10 編輯
miklcct 發表於 2025-3-20 17:53
GTFSRT 標準支持預測誤差（例如如果誤差3分鐘，個程式可以避免追1分鐘到嘅車；誤差係0分鐘嘅話，個程式可 ...

問題係：預測
根本即時係未有數
最重要係整合係對營運商一道雙面刃，自身唔一定最快
依然答唔到對巴士公司利益
作者: miklcct    時間: 2025-3-20 18:18
本帖最後由 miklcct 於 2025-3-20 18:21 編輯
1181174166 發表於 2025-3-20 18:02
問題係：預測
根本即時係未有數
最重要係整合係對營運商一道雙面刃，自身唔一定最快

咁，如上文描述過，自身當然唔一定最快，但整合晒全個地區所有營辦商嘅資料，以整體利益（所有營辦商利益總和）計算，一定係有利。人哋芬蘭 Digitransit 平台就已經做到呢點。最緊要係俾到乘客選擇，喺唔同營辦商之間作一個公平比較，例如A方法最快，B方法最密，C方法最穩定，一目了然。

Google Maps 原生用 GTFS ／ GTFS-RT 格式，但係今時今日都喺香港出唔到任何實時資料，已經知道個問題喺邊啦。

作者: 1181174166    時間: 2025-3-20 18:21
本帖最後由 1181174166 於 2025-3-20 18:38 編輯
miklcct 發表於 2025-3-20 18:18
咁，如上文描述過，自身當然唔一定最快，但整合晒全個地區所有營辦商嘅資料，以整體利益（所有營辦商利益 ...

有利係對個客啫
對公司都係無說服力，吸唔到一回事，突顯人哋仲快先死
A唔一定
B人力成本貴
C香港咁多車手
作者: s3n370    時間: 2025-3-20 18:28
本帖最後由 s3n370 於 2025-3-20 10:47 編輯
miklcct 發表於 2025-3-14 13:41
咁而家香港有無 journey planner 可以整合全部交通模式同營辦商嘅 real time information ，再用機器計算 ...

（唔係做IT純粹亂咁估）
搵先搵schedule配對再搵real time data去map，
係咪會快過直接搵real time data配對呢？

因為先搵schedule配對，要搵黎做配對班次嘅range會窄好多。
而搵real time先唔好講點predict先，搵黎做配對嘅班次要多好多，處理就會慢佐。

講到點predict，架車開頭慢之後跑快D追時間，或者前快後慢去跟番timetable。
咁我得前段嘅data，點predict到後段嘅trend係一致地快/慢丫，
定係會人為地調整呢？

個人試過唔好話轉車，剩係睇住real time data落樓下等車都可能出事。
試過有日臨放工，見平時搭班車頭段遲佐近半個鐘，諗住响公司做多陣野先行出去巴士站。
我响架車嘅scheduled arrival time再check，都係遲緊27-28分鐘。
15分鐘後再check，再追多3分鐘，咁我咪即時走人，
反正車站响公司門口嘅對面馬路，正常情況下唔駛5分鐘就出到車站，點都唔會miss掛
點知車長喪跑到一個點，係我一出到去就見住架車啱啱落完客走人...

而更重要嘅係，trip planner响唔識路嘅人手上，
佢哋對時間嘅sensitivity未必咁大。

而對於識路但係想睇邊一邊快嘅用者，正路都知邊D位要預鬆D。
公共交通準到every minute counts已經唔易。
要trip planner做到呢點及無縫接駁，似乎係不可能嘅任務。
作者: miklcct    時間: 2025-3-20 20:07
s3n370 發表於 2025-3-20 18:28
（唔係做IT純粹亂咁估）
搵先搵schedule配對再搵real time data去map，
係咪會快過直接搵real time data配 ...

首先，我懷疑 Citymapper 係先用 schedule plan journey ，然後 overlay 個 real time data 落去，我見過佢一開始出118分鐘然後一 load real time data 跳到全程87分鐘，因為某啲 connection 追到。

至於 OpenTripPlanner 呢，就係直接用 real time data 改個 timetable ，再用來 plan journey 。

prediction 呢樣嘢唔係 journey planner 嘅範疇，而係 data producer 嘅責任。 GTFS 標準有一個概念叫定時點（ timing point ），咁可以知道架車會唔會喺度等時間，定係會越來越快／慢；至於確實點樣預測，呢樣就係可以用來賺錢嘅範疇，舉例唔，而家已經有產品會自動話你知巴士改道，唔使經人手干預（佢嘅方法係連續3班車有同一個方式偏離路線就當係臨時改道），然後自動直出 GTFS-RT 俾所有 app 知道，無論你用邊隻 app 都可以得到同樣資訊。

至於 real time 點樣 match schedule ？ 好簡單，對字軌。部車嘅機（AVL）入面當然有字軌，咁直接配對就得；如果條線唔係行時間表，而係行班距（唔跟時間表運作），咁就另一回事。

你話跟 real time 等車出事，呢個亦都係 GTFS-RT 支持嘅範疇；如果個資料話係15分鐘有車，預期誤差係正負5分鐘，咁你差唔多到10分鐘嗰陣就可以睇部車有無跑快／慢到；如果某條線埋轉車站嘅誤差係3分鐘，另一條嘅誤差係5分鐘，咁個程式可以提供幾個選項：安全選項係避免叫人轉8分鐘以內嘅車（咁如果第二條線係半個鐘一班，就可能會叫你轉另一條唔同嘅路線）；一般選項就可能係留5分鐘（取兩者較高誤差）；趕時間模式就直接無視呢個數。尤其係當你嘅路程有好多個唔同選項，時間都差唔多嘅話，你可以經大隧、獅隧、青沙轉車都得嘅話，咁呢啲資料同選項就好重要。
作者: 1181174166    時間: 2025-3-20 20:25
本帖最後由 1181174166 於 2025-3-20 21:06 編輯

Del
作者: s3n370    時間: 2025-3-20 22:58
miklcct 發表於 2025-3-20 12:07
首先，我懷疑 Citymapper 係先用 schedule plan journey ，然後 overlay 個 real time data 落去，我見過 ...

你話數據入面有定時點，去估算架車會追時間，定係慢轆等夠鐘，
再加誤差去做prediction？
慢轆都仲話可以predict到，咁因為交通情況遲佐又會點處理個prediction呢？

又你嘅願景係諗住將原本D timetabled journey唔可行，
但一map因為實際上有deviation/disruption而成嘅real time data，就變得可行。

而如果我無理解錯，個數據做prediction嘅前設係有延誤時，
會假定會做D野去貼近番個timetable。
（呢樣同營運商嘅POV一致，就係有延誤時會儘量推番去原定時間表）
咁個趨勢咪向番唔viable嘅方向囉？

又，出suggestion如果因為計及誤差，唔會建議佐D太忟水嘅接駁，
咁同慳時間吸引乘客嘅宗旨違背佐喎。

可能我估錯都未定，唔知你有冇run過，用real time同用timetabled journeys去gen比較，實際有幾多%可以gen到D明顯慳到時間嘅trip呢？
要留意唔係要特例喎，而係N咁多次嘅generations喎。

概念上一要轉車，除咗睇時間配唔配合到，係咪要睇埋what if you missed the connection？
個個都話青沙係暢順但車疏邊敢搏，個系統可以點樣處理呢？
作者: KE7066    時間: 2025-3-21 03:17
miklcct 發表於 2025-3-20 17:53
GTFSRT 標準支持預測誤差（例如如果誤差3分鐘，個程式可以避免追1分鐘到嘅車；誤差係0分鐘嘅話，個程式可 ...

講隻 data format 有咩 field 可以比 operator supply on optional basis 係毫無意思

https://www.hkitalk.net/HKiTalk2/forum.php?mod=redirect&goto=findpost&ptid=2202071&pid=5173822
作者: castanopsis    時間: 2025-3-21 08:58
本帖最後由 castanopsis 於 2025-3-21 09:17 編輯

路過講幾句

首先要appreciate樓主肯花時間做呢啲嘢
樓主或者某啲言論版友會覺得唔啱聽，或者太天真
但咁多年來不斷鑽研落去，身體力行入行去做transport data analysis，我佩服呢份勇氣
香港奉行極端功利主義，乜嘢都踩咗先既原則
喺呢度講願景，預咗反應一定會係 挑剔、彈多過讚
搞呢類start up嘢從來都係aim high，hit low
香港風氣下下都搞到人試都唔敢試，其實係有啲差，只可以祝樓主好運

講返正題，要香港啲巴士公司開放數據
政府續專營權既時候加條件，會係最有機會成事既方法
至於trip planner呢個idea，作為巴士迷我係想見到
單係宜家Google map，喺香港空有系統，但無車程數據去support搞到廢咗一半武功，係好浪費

樓上提出誤差問題，我唔認為係make or break既issue
誤差一定有，但夠數據，駁到車既機會率，係計到出來
寫個safety margin出來，俾乘客自己選擇，已經好理想

我會擔心既，唔係準繩度，而係能唔能夠普及化
香港既特色係城市高密度，變咗度度都有密車既選項
要市民培養新習慣，每次出行查app去plan行程，睇下疏車轉疏車會唔會快啲，唔容易
郊區（e.g. 51沿線居民）可能會有較大誘因用，但市區我估好難

普通人惰性好大，會想要一個時時刻刻都work既搭車方法
如果recommend既搭車方法，日日都唔同，要花心機/腦汁去理解
佢地可能會寧願犧牲行車時間，選擇保證work既密轉密選項
呢個同每日得幾班車，好難吸引行街客既道理雷同
作者: 1181174166    時間: 2025-3-21 09:14
castanopsis 發表於 2025-3-21 08:58
路過講幾句

首先要appreciate樓主肯花時間做呢啲嘢

個方向係，點樣令巴士公司肯合作
先唔講標題用「我」開頭咁大牌，轉車問題巴士公司有無方案提供？開發嘅workaround已經係後話

喺巴士公司角度自己已經有提供嘅服務，點解要畀你做去令自己少份廣告收入？
作者: kay    時間: 2025-3-21 09:28
1181174166 發表於 2025-3-21 09:14
個方向係，點樣令巴士公司肯合作
先唔講標題用「我」開頭咁大牌，轉車問題巴士公司有無方案提供？開發嘅w ...

其實無人會質疑樓主technical skills
但去同人deal單生意返黎
明顯功力未夠班

不過大家已經走左去講technical野
最核心問題都唔解決

下次樓主再出類似既文
咪直接一句唔好做網絡乞兒算


作者: castanopsis    時間: 2025-3-21 09:38
本帖最後由 castanopsis 於 2025-3-21 09:43 編輯
1181174166 發表於 2025-3-21 09:14
個方向係，點樣令巴士公司肯合作
先唔講標題用「我」開頭咁大牌，轉車問題巴士公司有無方案提供？開發嘅w ...

香港普遍都仲係呢種心態
所以點解話宜家既社會風氣，都係要政府帶頭
但放眼返全世界既潮流，以前好多收費既嘢，都變曬open source
甚至科技巨頭億億聲train個model出來，轉頭就公開俾人任攞任用
呢點值得反思下

實際上，open source係等同有人免費幫你寫programme
出面成村人，無論人力物力都多過close source公司內部幾個IT人
好多時最後成果仲好過自己花錢請人做

當然風險一定有，如你所講變相放棄廣告收入
但值唔值得，答案並無想像中咁簡單
可能到最後會發現，open source之後，食免費午餐既唔係樓主，而係巴士公司
作者: 1181174166    時間: 2025-3-21 09:45
castanopsis 發表於 2025-3-21 09:38
香港普遍都仲係呢種心態
所以點解話宜家既社會風氣，都係要政府帶頭
但放眼返全世界既潮流，以前好多收費 ...

問題係
樓主連維護隻app嘅成本隻字不提，停留自吹點勁

整份免費午餐，餐牌都唔show咁囉
作者: s3n370    時間: 2025-3-21 18:41
castanopsis 發表於 2025-3-21 00:58
路過講幾句

首先要appreciate樓主肯花時間做呢啲嘢

老套但係幾時都啱用嘅說話：不管黑貓白貓，捉到老鼠就係好貓。

創新幾時都係著眼解決問題，及/或令到件事做得更有效率。
全世界都會問嘅問題係，你套新野帶黎嘅效益
（不論係真金白銀定係social economic），
會唔會多過投入嘅資源先？
邊一套新野，不論係橫空出世，定係改變現有嘅作業模式，
係未被質疑過嘅先？
做過開發嘅就會知，幾時都要應對並解決各方嘅質疑。
用已有嘅野去做幾時都唔係問題，
而家要去搵機構合作，但係連業餘嘅討論區都說服唔到，真係實戰就有D窄。


要注意嘅係：香港係有open source data，只係滿足唔到樓主免費呢個request；
（以上仲要假設巴士公司已經有哂呢D資訊，剩係定時點我就好懷疑有冇）
另外，雖然都係開發新app，嚴格黎講樓主只係將套已發展嘅系統引入香港。
有哂經驗去做上述分析利弊根本唔難。
作者: s3n370    時間: 2025-3-21 18:45
1181174166 發表於 2025-3-21 01:45
問題係
樓主連維護隻app嘅成本隻字不提，停留自吹點勁


佢有時間有資源，擺幾多effort落去/成本大效用低都唔係問題
問題係想要免費午餐但係說服唔到點解要俾佢
作者: kay    時間: 2025-3-21 21:11
s3n370 發表於 2025-3-21 18:41
老套但係幾時都啱用嘅說話：不管黑貓白貓，捉到老鼠就係好貓。

創新幾時都係著眼解決問題，及/或令到件 ...

說服呢個字眼未夠好
應該係用story telling

其實樓主呢壇野佢自己都講出死因係佢自己身上

呢壇野如果要做落去
第一要坎掉重煉
第二搵個識講野既人去做呢壇野

比到價值人
咪自自然有大茶飯食
比唔到就連免費午餐都唔會有

作者: s3n370    時間: 2025-3-21 21:42
本帖最後由 s3n370 於 2025-3-21 13:49 編輯
kay 發表於 2025-3-21 13:11
說服呢個字眼未夠好
應該係用story telling


同意

樓主其實進步佐唔少，劈頭已經想解決問題搵出路。
有D似政府話烏爸非法之後搵保險、搵的士合作嘅影子。
起碼唔係之前咁怨呢樣怨果樣，亦都好努力解答質疑。
呢D絕對值得肯定。

雖然以香港嘅環境，我對樓主嘅方案有幾大益處有保留。
不過我好希望我係錯嘅~

回番樓主，若說用番citymapper咁用schedule配對，
再map real time data會miss out佐一D real time可行嘅行程。
其實擴大起始配對嘅範圍，即係系統可能一開始會rule out佐太長轉乘等候時間，
只要將等候時間個range擴闊會唔會幫到手？
反正幾落後嘅route planner點都會分析同出多個方案架啦
（我估樓主無乜可能無諗過，只係呢個方向可能有問題？）
作者: miklcct    時間: 2025-3-22 01:47
s3n370 發表於 2025-3-21 21:42
同意

樓主其實進步佐唔少，劈頭已經想解決問題搵出路。

呢套產品喺芬蘭已經行之有效，喺其它歐美國家（包括挪威、丹麥、瑞典等）亦都廣泛採用，之前亦都有公司試圖喺非洲落後地區以 crowd source 方式做 data gathering 不過可惜失敗收場，唯獨是係亞洲嗰邊唔多見有 application 。

英國嘅問題係啲系統比較舊，好多都係 pre-date 現時標準，但係同樣嘅資料可以用其它方式搵到，所以將啲系統現代化，接入國際標準就已經可以將芬蘭質素嘅體驗帶到入去。既然香港本身先進過英國，根本當初一開始唔應該有呢啲問題。

至於話關於等車時間加 schedule 方面， OpenTripPlanner 嘅 algorithm 係以每轉一次車為一個 iteration 方式，首先由起點站出發，按時間順序睇下首先上最快到站嘅路線，睇下一程車可以去到邊；然後再由呢啲可達車站睇下轉另一條路線，睇下一程可以去到邊，如此類推。

而點解話用 schedule data 會 miss 咗某啲唔理想，但 real time 變得理想嘅方法呢？因為個系統係以時間表運作，佢唔會假設條線每班車嘅行車時間都一樣（所以佢會 filter 咗同一條線入面嘅 overtaken journey ），例如由A站去B站，12:00出發：

如果個站有1號線，12:05分開車，一程過，12:35分到B站，咁當然即刻搵到；搵晒一程過嘅方法之後，如果有條特快3X線，12:08分開，12:10分到去轉車站，咁都會搵埋，但係如果下班車由轉車站開去B站嘅4X線要13:00先開，個 algorithm 已經停咗唔會搵到，因為你已經有個更好選擇，就係一程過，12:35到B站。

如果個 algorithm 套用咗 real time data ，知道原本12:07分喺轉車站開（所以本應送車尾），12:17分到目的地嘅4X線延誤到12:15轉車站開，12:25分到目的地，咁佢就會識搵出來，因為免轉車嘅最優解係12:35到達，但個時間未到12:35，所以會繼續搵落去，從而搵到更好選擇；如此類推，搵晒轉一次，之後到轉兩次，轉三次，如此類推等等，直到無更優解為止。佢唔會關心嗰兩條特快線嘅「車程」真係好快（除非你改個 optimisation criteria 要求等車時間嘅 cost 係 0，但呢個當然不切實際，因為咁佢會叫你由朝等到晚搭一日一班嘅繁忙時間直達車）

作者: miklcct    時間: 2025-3-22 01:53
本帖最後由 miklcct 於 2025-3-22 01:54 編輯
castanopsis 發表於 2025-3-21 09:38
香港普遍都仲係呢種心態
所以點解話宜家既社會風氣，都係要政府帶頭
但放眼返全世界既潮流，以前好多收費 ...

咁 open source development 的確係 mutual benefit ，因為唔同交通營辦商都有同樣嘅 business need ，所以大家一齊合作做一件合乎國際標準嘅產品就對大家都有利。

舉例 ， OpenTripPlanner 嘅開發主要係由芬蘭 HSL 、 挪威 Entur ，以及向交通營辦商提供服務嘅專家 Leonard 等等出資，每間公司都有自己 technical team 去開發自己需要嘅功能，同時亦都可以採用其它公司開發咗，對自己有用嘅功能，互惠互利。

我成篇文章都係以 mutual benefit 為出發點，唔能夠偏頗任何單一營辦商。
作者: KE7066    時間: 2025-3-22 02:54
本帖最後由 KE7066 於 2025-3-22 02:55 編輯
kay 發表於 2025-3-21 21:11
說服呢個字眼未夠好
應該係用story telling

又睇返之前 GTFS 隻 post
https://www.hkitalk.net/HKiTalk2/forum.php?mod=redirect&goto=findpost&ptid=2202071&pid=5171350

香港做 Open Data 根本係 prisoner's dilemma
齊齊開當然係最理想結局
但現實就係開咗就只會益對家
所以唔開係巴士公司角度就係自身利益最大化

都唔好講有好多 data 以香港個營運情況計
營運商未必想咁早出街
如果唔係 ETA 就唔需要左斬右斬到得返個時間

如果只係考慮 prisoner's dilemma 個情況，理論上可以 pitch 到行 closed API 踏出第一步
但係咪解就留返比大家思考
作者: s3n370    時間: 2025-3-22 07:16
miklcct 發表於 2025-3-21 17:47
呢套產品喺芬蘭已經行之有效，喺其它歐美國家（包括挪威、丹麥、瑞典等）亦都廣泛採用，之前亦都有公司試 ...

未用過OpenTripPlanner
據你所述，佢唔會剩係出最佳方案，而係會俾幾個你揀。咁係咪唔會即時篩走佐D無咁好嘅方案呢？
我所講嘅正正係改篩選嘅criteria。

舉個例，搵其他trip planner search荃灣去油麻地，正路最快嘅係紅線直達，
而明顯地响太子/旺角轉綠線好有機會係次快同第三快。
正路出多個suggestion時除佐最快嘅紅線，
之後就會彈屯馬轉紅線/30X等慢好多明顯唔同路嘅方法。
唔熟可以點篩走D紅線轉綠線都快但係廢嘅方法，
個人嘅gut feeling係可以响篩選criteria著手？
作者: s3n370    時間: 2025-3-22 07:24
KE7066 發表於 2025-3-21 18:54
又睇返之前 GTFS 隻 post
https://www.hkitalk.net/HKiTalk2/forum.php?mod=redirect&goto=findpost&ptid ...

外地一樣有呢個dilemma
不過呢D trip planner有助增加公交使用率做大個餅
更多嘅係考慮公共交通如基建，計埋social benefits落去

呢兩點响香港嘅效應就細好多
作者: kay    時間: 2025-3-22 09:03
KE7066 發表於 2025-3-22 02:54
又睇返之前 GTFS 隻 post
https://www.hkitalk.net/HKiTalk2/forum.php?mod=redirect&goto=findpost&ptid ...

或者咁講有無其他solution

唔知係咪因為睇完樓主篇野
我有日見到個AD話有隻APP可以用AI去預估班車到站時間間距
開過黎睇雖然係爛野
但似乎有其他野可以入手

大家都知一班車幾點到站係有隨機性
咪收集一段時間既資料
再去睇佢分布大概邊個range會出現機會最多(頭尾個10%唔計)
真係做得好可以連平日/周五六日
晴天雨天都可以再調整
但應該無論點tune都好難好可靠

其實巴士公司預定班次
唔同時間出既野都可以唔一樣
巴士公司都係BASE ON行車記錄去計ETA
真係要做到好精準其實就應該睇行車記錄
作者: Alex_Chan    時間: 2025-3-22 10:11
其實以香港公共交通的普及程度，班次的頻密度和以及不同組乘客用交通App的習慣，是否有需要投資去做一個水晶球級別的Journey Planner啦？至少對於各大交通公司而言，做大個餅不是首要考慮（因為公共交通使用比例已經是世界上數數二最高的城市），做大自己嗰餅也許是考慮之一，但更著重的是成本效益和運作效率，這不是Jornery Planner可以直接提供到的好處。

唔知大家知唔知，Google Map是需要搵第三方供應商協助才可以做到香港的journey planner，直至近幾年才傾到一間公司直接提供編定班次數據，實時數據還是傾唔到，連早幾年如日方中的Google都做唔到嘅野，看來以後都比較難有去做到。

現時已經是AI的年代，Journey Planner是否仍然沿用10幾年來的編定班次為主，實時資訊為輔的方式，答案未必是否定的，因為重點是如何在N咁多個可行組合中找出最好的答案，當中實時班次只是其中一個考慮元素，其他元素還包括價錢，轉乘優惠，步行距離，無障礙設施，個人習慣，地理限制等等，而且答案可以因人和因use case而變。AI與以前的Joruney planner相比，最大的好處是可以同時處理更多的數據，條件與可能性，突破以往journey planner無法處理的限制。

不過AI是要訓練的，所以Journey planner的演算法如何有效率和準確地去找尋路線，以及如何定義好的結果供AI作判斷，仍然是問題核心。

至於如何將journey planner做到具商業上的可能性，其實是有不少切入點的。希望樓主明白，mutual benefit只是最起碼的出發點，而不是足以令商業機構有興趣的切入點。
作者: miklcct    時間: 2025-3-22 23:37
本帖最後由 miklcct 於 2025-3-22 23:40 編輯
s3n370 發表於 2025-3-22 07:16
未用過OpenTripPlanner
據你所述，佢唔會剩係出最佳方案，而係會俾幾個你揀。咁係咪唔會即時篩走佐D無咁 ...

如果用我上面描述嘅方式，30X呢個結果會搵到（因為轉乘次數屬於最優），但係唔會出到嗰啲例如屯馬轉紅線等等，無論用任何 criteria 都非最優解嘅方法（假設由荃灣站出發）。

不過如果 real time data 話紅線荔景以北收檔，咁就會可能會出到為最快方案。

個 algorithm 係搵最佳方案，但係何謂最佳係有一定彈性，包括時間／轉乘次數／用戶喜好計算之公式等等，任一為最優解都會提供。例如你少少唔鍾意搭地鐵，你可以喺條公式將地鐵嘅時間值乘1.3；好唔想搭地鐵，可以乘4，咁個系統就會偏好其它交通，但如果地鐵有明顯優勢（例如尖沙咀去金鐘）仍然會推薦你搭。

(, 下載次數: 26)