hkitalk.net 香港交通資訊網

標題: 浸鹹水遇溺記 第三十二回 BUC8336 HER-LNZ 一個尋找 MD-80 的故事 [打印本頁]
作者: HZ8186    時間: 2025-6-22 00:04
標題: 浸鹹水遇溺記 第三十二回 BUC8336 HER-LNZ 一個尋找 MD-80 的故事




-- Prelude 前言 --

雖然呢個系列叫 ‘浸鹹水遇溺記’ ，不過多年黎 小弟旅途上都係安然無恙 - 小弟係搭乘五十程航班之中 最驚險既事應該都係 1. 搭港航之後遭天譴 同埋 2. 係奧地利航空上面差少少餓死 咁解～～

豈知小弟於 2022 年拜訪歐洲既時候就真係遇溺 - 仲要唔係浸一下就算 佢係一浪接一浪咁拍埋黎 - 即使小弟一年後望翻轉頭 都依然覺得刺激…

分別見證左香港、法蘭克福既地勤工人薪金、英國鐵路界工人既薪金、蘇格蘭渡輪水手健康、英國候鳥既健康 (?) 、同阿姆斯特丹機場地勤人員既數目 全部都跟唔上世界復常步伐之後，小弟於二二年八月頭飛抵希臘既最大島嶼 Crete ，並於呢個地中海既渡假勝地稍休數天，再返回香港。

今日既行程係相當特別 - 小弟會乘 European Air Charter 既 MD82 先由 Heraklion 前往 Linz，轉乘 Air Dolomiti 既 E190 由 Linz 前往 Frankfurt，再乘 Lufthansa 既 A340-300 返港。

-- Flight Info --

BUC8339 HER-LNZ
LZ-LDJ (McDonnell Douglas MD-82)
STD 0935 ATD 0950 (CEST)
STA 1140 ATA 1220 (CEST)

-- The Mad Dog --

Douglas Aircraft Corporation DC-9 系列既飛機可以話係民航歷史中不可或缺既一部份。 Douglas 於 1959 年成功設計出使用噴射引擎既 DC-8 中長途客機之後， Douglas 便開始研究如可將噴射引擎科技應用係中短途飛機上面。經過短短五年既研發，位於 Long Beach 既工程師於 1963 年公佈一個後置雙引擎，T-Tail 既短途客機客機設計，並取名 DC-9。呢個設計好快就受到各國各地既航空公司大量購入，以擴展當時正在急速發展既民航市場，以及取代 DC-3, DC-4 等上一代螺旋漿飛機。

由於其後置雙引擎，T-Tail 既設計 概念簡單， Douglas (以及日後既 McDonnell Douglas / Boeing ) 係可以輕易地把設計伸長縮短，做出多個版本以迎合唔同航空公司既需要。由於 1965 年投入服務， 109 座位既 Douglas DC-9-10，到於 1980 年投入服務， 172 座位既 McDonnell Douglas MD-81 再到於 1999 年投入服務，117 座位既 Boeing 717 - 佢地骨子裏都係同一個設計。而即使第一部 DC-9 早於 1965 年投入服務，至今其 “後代” 依然係唔少地方依然使用中 - 不過隨著航空公司開始引入更先進同更高燃油效率既飛機，半個世紀後 大部份 DC-9 系列既經典民航機已經被 A320, B737 系列既客機取代。

而作為一個航空迷，可以乘搭到 DC-9 系列客機既機會則越來越少。如果讀者係香港長大，相信閣下同筆者一樣 除左長榮既 MD-90 之外，都係比較少係亞太地區接觸到 DC-9 系列既客機 - 既然小弟黎到歐洲，就睇下呢部 MD-82 客機究竟係咩來頭，以及佢既乘客體驗究竟係如何啦~~

-- In calmer waters… --

呢個相當充實既行程當中有一個小插曲 - 由於來港旅客需要持有一張四十八小時內發出 新型冠狀病毒呈陰性證明 (以及一個七日檢疫酒店既 Booking)，小弟係需要係離開 Heraklion 之前先做測試，獲得紙本既陰性證明，方可踏上呢個尋找 MD-82 之旅。

小弟早上到一個當地診所進行檢測之後，便匆匆步上一部棍波 Benz Citaro 前往機場。同前幾日一樣，Heraklion 依然係一個亂中帶序 序中帶亂 既地中海港口城市 - 多得巴士司機純熟地於車群間高速穿插，小弟當日只需二十分鐘便抵達 Heraklion Airport。

小弟先係度介紹翻今日既航空公司~~ Bulgarian Air Charter 於 2000 年設立， 並於成立初期以多部 Tu-154 提供旅行社包團專機服務。公司於 2005 年開始引入 MD-82 取代其 Tu-154 機隊，並於 2021 年改名為 European Air Charter - 現時 BUC正淘汰其 MD-82 機隊，並引入 A320 取而代之。  

預辦登機手續相當順利 - 多番同航空公司職員解釋 小弟呢個唔識德文既香港人 真係 的確 確實 係前往呢一個奧地利北部既鄉郊小鎮之後，小弟就通過安全檢查前往候機室等候登機。地勤人員有效率地為各個乘客檢查證件後，小弟便登上巴士前往停機坪登機。

今日既主角 LZ-LNJ 以 BUC8335 既身份從 Linz 飛抵 - 呢部 McDonnell Douglas MD-82 於 1995 年投入 Alitalia 服務，並於 2013 年轉投 BUC 機隊既 MD-82。

為一部同所有 MD-80 系列既飛機一樣，呢部飛機係設有內置登機樓梯，到達目的地時並唔需要借用當地既地勤設備 - 第一條樓梯位於機頭左則，而第二條樓梯則位於機尾兩部 PW JT8D 引擎中間。

今日既航班係坐滿既，而目測機上 99.5% 既乘客都係剛於希臘渡假既奧地利人 (唔駛講餘下既 0.5% 係咩啦~~ ) 乘客係以成年伴侶為主 - 當日機上唔係太見到有小朋友或嬰兒~~ 機組人員簡單進行一個 Safety Briefing 之後，呢部 MD-82 好快就係地中海上空爬升，往北方進發。

BUC 保留左飛機為 Alitalia 服役時原有既配置 - 飛機保留左標準既 2+3 Cabin Layout 之外，亦保留左 Alitalia 原有既座椅。雖然座椅外觀上並非理想 不過其軟硬適中，再配上一個 33” 既坐距 呢個機艙配置係一個兩小時既航班上係非常合適。

呢股強烈既九十年代感覺係洗手間內更加濃烈 - 已經氧化到深黃色既塑膠 配上黯淡既暖色光管 - 小弟踏入呢個洗手間時 彷彿進入電影之中 穿越到另一個時代。洗手盤上既按鈕係可以直接送進博物館做展品之餘，按鈕旁甚至有一個棄置刮鬍刀片用既洞口 - 相信之前二十年都無乘客有機會可以用上呢個功能~~

到達巡航高度之後，機組人員迅速開始 Inflight Service - 每位乘客都獲派發一支礦泉水之後，機組人員就退回廚房空間，並把布簾關上 (基本上到降落前都唔會再見到佢地~~) 乘客亦可以於 air41 網站上預先購買機上飲食，唯當日應該沒有任何乘客訂購上述選項。

上文提到 European Air Charter 係一間專營包機航班既航空公司 - 因此，小弟買下呢個 MD-82 航班既方法亦相當獨特。呢類航空公司係唔會向顧客直接銷售機票，而係依靠其旅行社夥伴替其處理 - 小弟先前往德國旅行社 DER 既網站購買機票，再前往另一個網站 air41 處理座位選位同機上餐飲等。 (air41 呢部份係 optional 既 - 由於今次小弟想坐係引擎旁，小弟係特意多付 12€ 預先選擇座位~~)

餘下既兩小時航程都非常舒暢同寧靜 - 係呢一班完全冇嬰兒/小朋友既航班上 - 除左偶然有一兩下鼻鼾聲之外，機艙內唯一聲音係源自位於小弟身後既兩部 P&W JT8D ~~ 窗外風景好快由巴爾幹半島既森林變成奧地利既山脈，而當機組人員再次打開廚房空間既布簾 巡視機艙時 - 飛機已經於 Linz 上空緩慢下降，而小弟既MD-82 體驗之旅亦快將結束。

BUC8336 於當地時間 1220  降落 Linz，機尾兩部 Pratt & Whitney 引擎係乘客既掌聲下 (??) 緩慢地減速，而飛機係細小既客運大樓對出既停機坪停下。小弟乘接駁巴士到客運大樓 取回寄艙行李後 便前往漢莎航空既櫃檯辦理 LNZ-FRA-HKG 既登機手續。小弟係 Linz 有大概四小時既轉機時間，而關於 Flughafen Linz,  Air Dolomiti 以及 Flughafen Frankfurt 既介紹，就留待下回 遇溺記 分解~~

-- Special Thanks --

今次既行程靈感係黎自 IG@the_regionalflyer ，並得到版主 Timo 既協助購買機票 - 如果閣下對歐洲洲內 Regional Flying 有興趣既，不妨 follow 下佢既 IG 啦~~



Welcome to Heraklion! 充沛既陽光配上既蔚藍色既地中海 - 呢個港口城市無疑為歐洲人既渡假勝地之一。


歡迎黎到 Heraklion International Airport "Nikos Kazantzakis" - 由市中心前往呢個機場只需一程三十分鐘既巴士 - 而如果好似小弟咁遇上一個職業賽車手既話 呢段路程更只需二十分鐘~~


預辦登機手續相當快捷 - 小弟多番同航空公司職員解釋 小弟呢個唔識德文既香港人 真係 的確 確實 係前往呢一個奧地利北部既鄉郊小鎮之後，小弟就通過安全檢查前往候機室等候登機~~


你無睇錯，呢個係 Herakleion 既免稅店 - 小弟通過安全檢查去到呢個位既時候都懷疑自己係咪穿越左去另一個機場~~


行完免稅店之後，就穿越翻去一個七十年代既機場~~


First proper look at the mad dog - 呢度係清楚睇到機頭上既擾流器~~


雖然唔少早期既民航機都設有機尾登機 (例如 Sud Caravelle, Boeing 727 等)，不過呢個設計好快就被取代，而 MD-80 & MD-90 系列既飛機係最後一代設有機尾登機既客機 (雖然 Boeing 717 取消左機尾登機樓梯，不過佢保留左機尾逃生出口~~)


MD-80 既機尾結構係相當獨特 - 登機樓梯同逃生設備係兩套獨立既機關黎 - 簡單講 - 逃生通道既地板就係圖中登機通道既天花板~~


One last look at Heraklion~~


MD-80 既經濟艙係配有一個 2+3 既座位排位，而機尾 Galley 則設位於左側 大概係機翼對上既位置。


雖然座椅外觀上並非理想 不過其軟硬適中，再配上一個 33” 既坐距 呢個機艙配置係一個兩小時既航班上係非常合適。


機上並沒有 Seat-back 既娛樂設備，唯今日窗外景色亦特別迷人~~


今日小弟坐係 Seat 33F (呢度要特別銘謝一個叫 Timo 既網友 - 今次揀位係得到佢幫助 - 如果閣下對歐洲洲內 Regional Flying 有興趣既，不妨 follow 下佢既 IG @ theregionalflyer 啦~~ )


記得要倔強 記得要敢去幻想
來面對 人漸長
何謂離開這種憂傷
sica - 再見有時


餘下既兩小時航程都非常舒暢同寧靜 - 係呢一班完全冇嬰兒/小朋友既航班上 - 除左偶然有一兩下鼻鼾聲之外，機艙內唯一聲音係源自位於小弟身後既兩部 P&W JT8D ~~


小弟踏入呢個洗手間時 彷彿進入電影之中 穿越到另一個時代。洗手盤上既按鈕係可以直接送進博物館做展品之餘，按鈕旁甚至有一個棄置刮鬍刀片用既洞口 - 相信之前二十年都無乘客有機會可以用上呢個功能~~


MCDONNELL DOUGLAS


雖然飛機已於 2013 年由 Alitalia 轉售予 Bulgarian Air Charter，不過機上唔少地方依然可以見到其前航空公司既足跡~~


安全卡 & 機尾既緊急出口


One last look at the MD82 - Goodbye and thank you!


servus austria!

-- fin --

如果閣下鐘意小弟既飛行報告既話, 不妨睇埋之前寫落既其他旅行報告~~

一個巧遇 Avro RJ100 的故事



一個尋找波音 717 的故事


一個尋找 Fokker 100 的故事




作者: S3BL100    時間: 2025-6-22 00:36
本帖最後由 S3BL100 於 2025-6-22 00:39 編輯

終於等到樓主呢篇報告出爐了，亦恭喜樓主有機會一嘗 MD-80。仲可以用機尾樓梯登機真係相當難得，我之前仲有機會果陣坐親 DC-9/MD-80/90 都係用 jetbridge 登機，這些機會不屬於我的

樓主都識揀位。之前咁多次坐 DC-9/MD-80/90 都無試過坐咁近引擎（驚青？）到之後想搵機會果陣我美國呢邊已經無得坐了。係之後坐後繼者 Boeing 717 試過幾次坐近引擎，但始終同上一代 DC-9/MD-80 既 JT8D low-bypass 引擎感覺差好遠

DC-9/MD-80 喺 2012 到 2020 年間乘載我無數難忘飛行體驗，樓主報告勾起我唔少愉快回憶

作者: HZ8186    時間: 2025-6-22 01:12
呢份野拖左差唔多三年- 我都唔好意思咁遲出 po

揀位方面就真係要多謝網友 Timo 既幫手 (IG@the_regionalflyer) - 由於 MD 系列機尾擺設比較特別 - 無佢既話 小弟呢程機應該會變左兩小時面壁思過~~


作者: cx838    時間: 2025-6-23 09:31
S3BL100 發表於 2025-6-22 00:36
終於等到樓主呢篇報告出爐了，亦恭喜樓主有機會一嘗 MD-80。仲可以用機尾樓梯登機真係相當難得，我之前仲有 ...

DC9-32坐的感覺，還好像今日的感覺，係jet bridge 上機，坐左三個幾鐘頭，聲音大到呢，好像咩都講唔到，
好舒服的感覺。MD80最多坐係American Airlines個批，坐過5 次定6 次，都係未夠2小時的短途機。

我也很想有在機尾登機的感覺

作者: yuenpo    時間: 2025-6-24 13:24
到了克里特島有沒到克諾索斯皇宮參觀?

我最近果次坐 MD88 都是長榮去台北風再之前兩次都是坐 AA 的

我也未試過在那機尾上機，最多只是長榮要在機頭爬樓梯登機





歡迎光臨 hkitalk.net 香港交通資訊網 (https://www.hkitalk.net/HKiTalk2/) Powered by Discuz! X3.4