［個人建議］建議城巴18X線西行改道

一、背景
根據《2026至2027年度東區巴士路線發展計劃》，運輸署建議城巴18X線加強服務，以配合乘客出行模式的轉變。然而，該路線近年受路面交通擠塞及其他公共運輸競爭等因素影響，客量未見明顯增長。
另一方面，中環新海濱旗艦項目 Central Yards 預計於2027年落成啟用，屆時國際金融中心（IFC）及鄰近地區的人流與交通需求預料將持續上升，帶動港島北走廊及中上環一帶的交通需求。

二、建議內容
為更有效回應乘客需求，並進一步發揮中環灣仔繞道的交通優勢，建議城巴18X線西行方向改經全段中環灣仔繞道，直達中環國際金融中心，隨後經租庇利街隧道前往上環，並於永安中心及皇后街增設分站，再恢復原有行車路線前往堅尼地城。具體建議如下：

城巴18X線  
筲箕灣 ➜ 堅尼地城（卑路乍灣）
1.        筲箕灣 $10.8
2.        新成街
3.        海晏街
4.        西灣河文娛中心
5.        太祥街
6.        康怡廣場
7.        寶峰園
8.        鰂魚涌街
9.        太古坊
10.        民新街
11.        模範邨
12.        健康村
13.        健威花園
14.        琴行街
15.        國際金融中心商場 $6.3
16.        永安中心
17.        皇后街*
18.        高樂花園 $5.2
19.        山道
20.        堅尼地城游泳池
21.        山市街
22.        北街
23.        加多近街
24.        堅尼地城（卑路乍灣）
*為提升行車穩定性及紓緩傍晚繁忙時間停站壓力，每日下午1700後由筲箕灣開出的班次，將不停皇后街站。

三、建議效益
•        建議可進一步善用中環灣仔繞道的優勢，預計由北角至中環國際金融中心只須約8分鐘，前往上環約需11分鐘，行車時間明顯短於其他巴士路線及港鐵，有效提升18X線的競爭力及吸引力。
•        經改道後，特快路線網絡能更全面覆蓋中環北及上環地區，並與現有城巴720及722線形成互補效應；東行及西行方向均提供便捷的特快服務，更切合乘客出行需求。
•        為中環北及上環地區乘客提供多一個前往西區的選擇。
•        有助擴展中上環客源，提升上座率，更有效運用現有巴士資源。

四、服務安排
服務時間及班次將依據本年度巴士路線發展計劃實施，建議本改道建議與加密班次一併實行。由柴灣站開出的特別班次，於北角後將沿用上述建議走線前往堅尼地城。

五、替代方案
對於由東區前往皇后像廣場或砵典乍街的乘客，建議考慮以下替代路線：
•        筲箕灣及西灣河：720、720A（往畢打街班次）、720X
•        太古及鰂魚涌：722
•        北角：18、18P、619、619X
另由皇后像廣場或砵典乍街前往西區者，可選乘路線18。由東區前往高樂花園，亦可選乘路線33X。

國金二期係民耀街定民祥街（東行）？前者需要食幾盞燈由龍和道兜入耀星街再轉左停國金，後者去到民祥街東行更加去唔到租庇利街隧道，行車時間上遠超所指 8/11分鐘

KuaiLongDaGe 發表於 2026-3-22 17:07
國金二期係民耀街定民祥街（東行）？前者需要食幾盞燈由龍和道兜入耀星街再轉左停國金，後者去到民祥街東行 ...

民祥街東行，即係681第一個中途站。中環出口用慢線追白色機場快綫牌就到，之後跟673掉頭落租庇利街隧道，有足夠切線距離。

果個站狗不理地方完全做唔到返西區既客

1. 國金商場U turn分分鐘仲慢過現有走線 2.現有個站行過去都係二百米咗右

天空之神 發表於 2026-3-23 10:13
果個站狗不理地方完全做唔到返西區既客

國金返西環都唔係重點，只係多一個選擇咁解，重點都係想開拓東區特快去中上環嘅市場。

而且Central Yards出年都開張，會帶動到商業同消閑需求。反而中環北無論搭地鐵定720 722都要行一段路，18X繞道直出有一定吸引力。總好過而家行繞道但係灣仔出嚟，又要塞迴旋處仲唔順路過告士打道，中環兩個站唔係快仲要同自己720 722爭飯食。

qunow 發表於 2026-3-23 16:09
1. 國金商場U turn分分鐘仲慢過現有走線 2.現有個站行過去都係二百米咗右

1: 西區係會慢少少因為要停上環，但係西區根本都出唔到客。反而東行港澳碼頭長期有條龍等車，要加車梗係做有客嘅地方。留意返今次重點係東區》中上環特快。

2: 直線距離唔算遠，問題係要行上行落唔方便，仲未計啲人落車唔係個個都入國金，可能係去Central Yards甚至碼頭，行少幾百米已經爭好遠。

其實繞道本身設計問題，去上環點都唔可以用太順路嘅方法做。用中環出口做國金，然後掉頭直出上環，已經係最精簡可以做到中上環嘅行法。中環嗰兩個站留返俾720 722；至於上環搭720 722又真係慢，而且18X東行都係靠上環港澳做客倉，所以係有條件做埋西行。

我都有諗過繞道直出干諾道中，交易廣場掉頭直達砵典乍街。我都接受，行全段先可以發揮到繞道嘅最大效用，不過砵甸乍街已經有其他線做到，反而香港站近國金正正因為唔就腳，時間優勢遠勝720 722甚至地鐵，所以先有獨市位做。

條線而家就係靠搶720/722先可以生存到，西行唔停砵甸乍街真係可以準備運櫈，去ifc嗰班而家都係地鐵/砵甸乍街落再行過去，唔見得可以搶到客，仲要改完之後去中環電車路一帶班客應該會直接清零 (唔信可以早繁去砵甸乍街觀察下)

18X都無咩再增長空間
只係以大圖畫睇要留佢

因為A12都飛走晒西區
都係因為留18X

反而西區蝕左
A12係全日到深夜都有車返東區
18X剩係到1940之後要搭鐵