九巴900 誤入中文大學

2025年12月9日早上, 九巴900 誤入中文大學


P.S.
應該滿足很多巴士迷. 中大有九巴呀!!!!!! 仲要Volvo 雙層.

大家要注意安全, 馬路要看兩邊, 安全至可以過馬路
正常情況下不可逆線巴士太大部, 個位無可能掉頭
有Security幫手看位封路俾巴士出
入錯左, 安全解決了問題, 要多謝解決問題的人, 不要對巴士司機無禮.
(有片, 但唔太想放...)

中文大學校園今日（12月9日）早上竟然發生一宗令人嘖嘖稱奇的「巴士闖入校園」事件。一輛往白石角方向的九巴 900 線疑因行錯路，經崇基入口長驅直進誤闖中大校園範圍，更一度在狹窄的崇基路「進退兩難」。這輛九巴雙層巴士現身山城內，馬上引起校內師生矚目關注，最終需由保安人員封路協助解困。

事發於今早約 8 時半，本站版友及多名中大網民直擊，一輛顯示路線為「900 白石角」的九巴紅色 Volvo B8L 12米雙層巴士，意外駛入平日只有單層校巴行走的香港中文大學校園。

版友 hoaaa 發文報導，一輛顯示路線為「900 白石角」的九巴紅色 Volvo 雙層巴士，正在保安協助下於文物館附近準備逆線駛上大學道。根據另一網民 sumsumvanessa 在 Threads 的「實況直擊」，她當時正身處校園小巴內，目擊該輛九巴卡在「轉上崇基 C 座宿舍嗰個位」。經過一番擾攘，巴士最終駛至正門離開，Threads 用戶 kmb_72a 成功捕捉到這輛紅色九巴駛經中大正門地標「四條柱」旁的畫面。

據消息指，涉事巴士當時正由灣仔會展返回白石角。懷疑司機一時魂遊太虛，在途經馬場附近時錯誤駛上大埔公路，再經由崇基路進入，又曾經駛到車站路、池旁路等，最後再經正門駛離。版友 hoaaa 透露，巴士最終依靠大學保安人員出手相助。保安員不僅幫忙「睇位」，更進行臨時「封路」，騰出空間，帶領巴士駛離。不過，在「食花生」之餘，版友特別指出司機可能只是不熟路或誤信導航才導致「入錯咗」。

唔理佢邊個位入，點解入口道閘截唔到佢？閘口有架營業中雙層九巴已經即刻要call保安部啦。

個司機肯定諗住用二號橋過返科學園。仲有，樓上講得啱，點解佢會入到閘

可能係去錯埔公，由崇基入，落左一小段路先有閘口，保安見來都來了，斜路灣位後退不能，所以比佢入（我估）

不過照計應該唔使逆線行大學道？
大學道上中央道條路應該唔會刮底
同埋入閘嗰下應該保安處要搵條友上車帶路入閘轉右行池旁路上去
佢哋知道就算系普通校巴都行唔到崇基路

JD3215 發表於 2025-12-9 13:23
可能係去錯埔公，由崇基入，落左一小段路先有閘口，保安見來都來了，斜路灣位後退不能，所以比佢入（我估） ...

去錯埔公 再敢入中大 師傅都好勇 似乎麗坪路迴旋處u番落山再響台好過

Ekin 發表於 2025-12-9 12:48
個司機肯定諗住用二號橋過返科學園。仲有，樓上講得啱，點解佢會入到閘

咪玩啦，12米三軸雙層巴士點行二號橋呀，個彎急到……
完全無法理解點解會入左中大

行優景里撞樹都正常過入中大.

有無可能促成中大試用雙層巴士做校巴