[2025/12] 再遊東京UO624/651 羽入成出

今次冬天決定再訪東京，儘管日期喺聖誕旅遊高峰之前，但係UO/HX/HB呢御三家嘅價錢比較相宜，唯UO嘅準時率相對最佳，亦喺東京有最多嘅航班數量，相信UO係最好嘅選擇；原本另外亦有考慮大灣區，皆因全新B39M據報會執飛成田航線，不過正因成田嘅原因，時間亦唔係非常靚，所以最後都係揀返UO；結果HB嘅B39M嗰幾日最後淨係留喺BKK服務，顯示冇坐HB都係正確

UO好似近期坐咗幾次都冇寫過，今次雖然夜航瞓覺，但都做少少紀錄咁啦


相傳關愛呢2隻字都係冇用嘅嘢？




繼而就去坐APM去MFC
等機嘅時候突然接到防災警報，正正就係青森大地震及其海嘯警報
今日坐嘅係B-KKB，一部比較早期嘅A21N






每次坐UO唯一嘅娛樂就係睇免稅品Catalog
今次見到有CR7同JOGUMAN嘅crossover產品，不過都係冇買
另外由於係紅眼機，主要都係瞓覺，所以完全冇意欲買嘢食，甚至飛機pushback之後小弟已經瞓著，見唔到飛機起飛

飛行途中聽到空姐幾次嘅廣播，包括販賣食物及免稅品等等，都見其他乘客主要都繼續瞓覺，連杯麵味都聞唔到
另一要投訴嘅位就係全程機嘅燈光都恍如冇熄過咁，明顯比之前坐UO夜機都光，相當影響乘客嘅乘搭體驗







清醒嘅時候已經接近東京


眼見羽田機場，即將降落


落機嘅閘口喺羽田T3最遠端，步行去入境部門都有相當路途，諗起上次NH860有幸可以喺入境櫃檯/轉機櫃檯旁邊落機，順利轉機


今次可以用VJW嘅QR Code一次過完成入國手續同清關手續，喺清早比較少人下，又減少埋手續，相當快就成功入關

待續

離開嘅時候喺成田機場，臨近聖誕自然有聖誕裝飾


由於乘搭嘅UO651同前一班嘅UO647出發時間相近，唯地勤希望UO647乘客儘快登機，特登劃分check-in counter，但係排隊線非常不清，令乘客更混淆
小弟一家嘅hand carry一度超重，執咗幾次之後終得地勤放行




入閘後見到呢部著名嘅自動輪椅，坐咗幾隻gate嘅距離，但係呢部自動輪椅嘅導航系統非常無用，前面有障礙物都唔識閃躲






返到去自己嘅閘口，見到自己嘅UO651由B-KKM執飛，呢部機已經喺2月坐過佢去沖繩
另外上班UO647亦稍遲出發

登機時候發現呢班機相當多鄰國乘客，登機時高談闊論，不過秩序尚且有序


登機比起預期更早完成，未及預計出發時間已經pushback


去跑道嘅taxi用時超過半小時，不過途中見到3隻ANA A380海龜同框




起飛+飛離東京
飛機爬升到萬尺後除咗廣播食物及免稅品嘅販售，亦表示有加長腳位及機艙前方座位，可以向空姐購買相關嘅升級


此時嘅安全帶燈號已經熄滅，即刻到機尾嘅廁所，不過UO嘅A321neo使用cabin flex排列，機尾設有2個擠逼嘅廁所，甚至廁所門都係收藏喺jumpseat後面，就算飛機膠樓主都要空少提醒先知廁所門嘅位置，入面空間僅夠轉身


其後返嚟見到省港奇兵擅自坐到去加長腳位嘅座位，機艙服務員發現後要求返回原位，經過一輪嘅討價還價，省港奇兵擅自轉咗去一啲冇特別要求嘅座位，令我哋後方嘅一行人之中嘅長輩可以瞓低休息，但佢嘅動作不斷撞及我哋一排凳，需要再次搵空少收佢檔

今次仍然冇買嘢食，瞓醒咗之後先發現原來部機未開始descent，結果飛行時間需要5個幾鐘頭，喺一張咁逼嘅凳坐咗前後6個鐘，反而比起坐長途機更辛苦


比較驚訝嘅係降落可以用中跑，減少taxi嘅時間，泊位亦喺中場嘅橋位，幾次坐UO夜機都冇試過泊橋


MFC自然坐車返去T1


不過APM冇接我哋去到入境大堂隔離，反而要喺36號閘行返去，的確泊街轉巴士更方便

今次嘅旅程都冇乜特別嘅感受，除咗只係去程嘅燈光同埋回程多天龍人到以為坐緊綠皮火車，聲浪都相當影響休息，不過UO航班同機場選擇多，喺價錢相宜下都依然會坐UO