九巴計劃加強假日西貢巴士服務

hihiman 發表於 2019-1-4 18:38
應該倒轉咁講, 話小巴請唔到人,開唔足車,
所以先(邀請) 九巴一起為西貢地區發展

92依家好少cut車。相反792M經常脫班，個别車長好鐘意碌車。792M有個姓黃同姓劉車長鐘意碌車。

會唔會係行清水灣道出道彩虹之後，行太子道東天橋，經窩打老道去彌敦道同尖沙咀？

嘩，九巴好似死心不息咁，想做大西貢。

琴日99先收到25分鐘一班...口說加班，實際卻...算吧啦

FBI2 發表於 2019-1-6 10:20
嘩，九巴好似死心不息咁，想做大西貢。

1.西貢大部分人都有渣車
2.西貢居民對大量巴士假日阻慢交通,甚為不滿

GA6072 發表於 2019-1-6 11:39
1.西貢大部分人都有渣車
2.西貢居民對大量巴士假日阻慢交通,甚為不滿

弊在佢哋唔明一樣嘢：減巴士，轉晒做小巴，塞得仲甘，淺水灣赤柱有大大個樣辦畀你睇，日日塞到傻，有 function 搞直頭全線癱瘓
你根本無辦法阻止「遊客」去西貢玩，嗰度係香港人難得仲保存到嘅後花園嚟，咁倒不如就「有大食大」，用最少嘅車做最多嘅客，減少西貢公路嘅車流量好過啦

wingho_cwh 發表於 2019-1-6 12:05
弊在佢哋唔明一樣嘢：減巴士，轉晒做小巴，塞得仲甘，淺水灣赤柱有大大個樣辦畀你睇，日日塞到傻，有 fun ...

大量小巴都係比巴士暢通

而且渣小巴都係西貢本土人
識得迫位讓車

而巴士呢
一遇到巴士
個carlo叻極都係跑50樓下
遇親巴士都係拉龍源頭
就算閒日少人
一遇巴士沿路無客頂住
小巴/自私車出九龍都會慢至少5分鐘

好似南邊圍上鄭植之斜路
見過有92 MMC懶快想過慢線96R扒
相信92mmc過之前都係清哂車至出快線
最後都係40km/h過35km/h咁並排上斜
下一堆平均70km/h車隊又到
呠到部mmc傻咁劑

GA6072 發表於 2019-1-6 12:25
大量小巴都係比巴士暢通

而且渣小巴都係西貢本土人

港島跑山巴士無乘客上落，都識適當時候泊埋一邊讓細車行先。你咁講法加強司機訓練就可以解決問題，同車流有關？

053h4 發表於 2019-1-6 12:28
港島跑山巴士無乘客上落，都識適當時候泊埋一邊讓細車行先。你咁講法加強司機訓練就可以解決問題，同車流 ...

弊在呢間公司有咁既意識至算

西貢本土人渣小巴
見到大路長期有車 小路出大路有困難
都會停一停讓小路出
之後比快d,好快就追返主車群

巴士就會見小路有車想出就督油
又長期比主車群甩開拉龍唔讓路

GA6072 發表於 2019-1-6 12:25
大量小巴都係比巴士暢通

而且渣小巴都係西貢本土人

其實大量小巴係唔會比巴士暢通
一來小巴都要上落，總停車次數只會更多，二來搭小巴 vs 搭巴士嘅人均佔用路面長度差好遠，一部滿載嘅巴士，每個人佔用路面嘅長度不出 10cm (1200cm/137persons = 8.75cm/person)，而小巴係多好多 (700cm/19persons = 36.842cm/person). 設每小時每方向 5000 人離開/進入西貢市中心，全部用巴士載就只需要每方向約 50 班車，但如果全部用小巴載就要最少 264 班，設全部車均為 19 座。所以如果係用大量小巴取代巴士，換來嘅只係一條長長車龍，擠塞唔會因此而減少

至於你講駕駛意識嘅問題，就已經唔係小巴 vs 巴士嘅討論範圍之內了，呢個係牽涉駕駛態度嘅問題，情況類似假設將東涌道開放畀外來車輛駛入會衍生嘅問題