(多圖長文) 北區最後四廠高地台短龍送別記: ADS197 (JA9302)

九巴二百多架短龍入面, 有數架一生走遍四大車廠,
亦有少數臨退長駐北區郊區線做替車,
本文主角 ADS197 (JA9302) 就係當中最後的一架四廠北區白板.....

ADS197 (JA9302) 行走18年來不但是四廠車,
亦都在沙廠同埋大西北服務生涯擁有特別故事:
新出在沙田, 但好快轉去九龍灣同 ADS196 (JA8776) 穿梭啟業旺角,
果陣同 ADS196 (JA8776) 一樣, 新出車頭係方型車牌, 釘在在車頭近車門果邊,
不久車頭牌變返標準的, 釘在泵把上,
後來再一齊轉去荔枝角做服務西九龍 / 紅磡 / 黃埔 / 何文田一帶....

2008年佢地一起轉去元朗廠掛 277, 取消後再一起做 76K, 之後去不同的屯公線......
首先分享 JA9302 行走 277 的相 (由其他站友拍攝):
By T740 (剛轉入元朗的相, 未轉廠徽果陣)
http://www.hkitalk.net/HKiTalk2/forum.php?mod=viewthread&tid=266225&extra=page%3D1&page=1

By 上水站長
http://www.hkitalk.net/HKiTalk2/forum.php?mod=viewthread&tid=268253&extra=page%3D1&page=1

去屯公線後, 佢地再聚在一起掛261, 做261首批短車, 往返屯門天平.......
到2010年4月 (出牌11年後) 回到沙田廠,
一起做 284 / 80M, JA9302 更試過在某天做過海線 681 替車,
不過架車最後轉去北區終老, 周圍走 (應該同佢表現有關)......

架車在U廠果陣 掛 68A 同埋261, 據聞出車率係比較低,
難怪屯廠都好快送走佢, 我都好難想像架車在公路,
或是在北區做 64K 表現可以捱多久, 因為架車平路加速 OK,
但極速低, 上斜拉牛上樹咁, 真係好驚佢做 64K 上斜會水滾擺街.....

佢入北區果陣, 有次在 64K 私牌行吐公有意外, 俾車撞尾;
臨退前行 71A 果陣都出意外, 好在兩次都整返架車, 行到復活節前夕,
即係九巴84周年當日謝幕, 亦係當日尾二謝幕的埋單之巴士......
講佢最後服務遊河之前, 先貼上在不同日子拍攝的 64K 相....

頭三張在2016年影, 日頭相就係入站前一攝, 亦剛岩有巨無霸攝入鏡頭....
第三張在大埔影, 之後數張係今年3月尾同埋復活節前夕影, 車頭無左 Roadshow label....

第四五張係佢在三月尾做完 64K 蛇車, 等俾車長拉回廠,
當中第五張 車長著車果陣, 得右面車頭燈開左, 構成特別畫面.....
而架車關前門開車果陣都有聽到漏風聲......

最後四張相就攝於4月13日 (即尾日, 在兩邊總站影),
車頭燈問題最終在退前已解決.....
下篇再寫佢最後兩日服務的表現.....

架車最後的服務都離不開元朗同埋郊區, 佢在4月10日做完77K 後留廠,
到最尾兩日 (12 / 13日) 回到大埔做64K謝幕...
之前都坐過架車, 佢平路係 OK, 上斜就慢, 係比其他同款再慢咁.....

尾果兩日坐佢返大埔, 過上村上斜真係無力,
同以前兩軸 BL, 或是洗衣機一樣咁慢,  好在無壞車水滾.....
捱完林錦公路的上斜, 落斜無大問題, 係 比較 CHOK
返到大埔, 尾二果日無拆牌回廠; 到最後一日架車落哂客後,
車長如常把它駛到 71A 休息坑, 車長亦都有在車內留影.....

話哂係終極之旅, 我同一些送別行家都留影,
不久車長熄車, 先拆側牌, 再慢慢拿走全車的路線同號碼牌,
交回站長室, 並且拍卡....平時車長唔會拆牌,
今次拆牌係到期前一日, 一如所料, 當晚返廠不用補油, 正式榮休.....

不過之後車長再著車開車, 又轉一圈去另一邊的休息泊位停一回,
再回到休息室; 而佢再上車後就正式為架車熄燈, 把車子駛回廠退役,
結束這架北區最後四廠白板操勞的一生......


多謝點閱本長文, 歡迎跟相......

Follow

路過77K, 只此一張

franco26 發表於 2017-4-25 20:44
路過77K, 只此一張

跟五張 77K 兩邊總站相, 另加在一月頭在元朗影的兩張 64K 相.....