九巴易搭巴士始祖 AA49 (GU719) - 紅藍尖東廣播(道)生涯點滴

趁九巴雙層金色低地台始祖告別載客兩周年, 都想分享九巴真正的低地台始祖,
易搭巴士 大哥 AA49 (GU719) 的 相.......

架車新出後成為宣傅車, 有網友分享佢由荔廠出來一刻,
有誰想到佢最後會在荔廠渡最後歲月, 更為豪華線元老 208 "提升" 服務?
http://www.hkitalk.net/HKiTalk2/thread-896625-1-1.html

佢同其他易搭初出俾左沙田, 並為連接大圍火炭流水線88k 引進易搭服務.
到88k 有金車, 佢就再轉去馬鞍山流水線285, 也曾回到大圍附近,
為美田沙田的283服務, 離開沙田前掛284往來沙田市中心同埋濱景花園......

服務滿十年, 即2006年, 佢同另外兩位同伴轉去荔廠八年.....
先為灣景穿梭線34m 增添低地台服務, 四年後九巴大量引進富豪單層,
就先入主30取代舊版同款, 服務荃威荔景葵芳同長沙灣;

兩個月後被轉去市區豪華線元老208 服務, 並開始上全車身廣告,
底色按次序係藍紅黃, 再回到藍 (可惜無影黃色做208),
做左3年再回到30.......

到2014年5月, 係佢6日服務的最後倒數, 佢依舊做30,
到最後兩日, 佢被安排做番市區, 做208.....

我在收到消息就在當晚中途上車, 靜靜地在雨夜下送別......
現在先貼上架車上B2B 紅色全廣, 同埋尾二日晚上尾單的
在廣播道的側位, 同埋入面內部- 無頭枕座位加兩個輪椅位, 另加錶板
(有張車側相同內部相之前貼過在下面 LINK 跟相, 現重貼做對照兼重溫)
http://www.hkitalk.net/HKiTalk2/thread-835932-1-1.html
下段再分享送別旅程, 尾二日收車相, 同埋 LAST DAY 最後留影.....

講番架車, 佢之前掛30果陣坐過架車, 表現一般, 勝在夠特別......
到尾二日晚上, 我坐佢上廣播道, 志在坐全程去享受為架車的最後一刻,
而佢最後服務日本身係星期日, 估佢唔會出車, 當晚渣果位車長都係咁諗....

坐完返尖東收工單, 車長都好好人咁俾我同戰友一齊影,
我就影入面, 同埋門位側, 再加車頭. 到前車開車後,
架車開走返廠, 並在擋風玻璃顯示暫停服務........

點知到星期日 (5月6日), 上特見版, GU719 照做208,
問左人架車行程, 係返緊尖東, 於是到喇沙書院 等架車,
最終都順利上到. 坐到旺角, 因為要去新界, 就提早下車,
並行前影架車, 同埋影架車穿過東鐵橋底, 影埋車尾就收工.....
數小時後, 戰友打俾我, 話 架車無再出現,
但有另一掛牌車, 單層小雞一哥 ASB1 (NT8619), 我就估佢就係代左
架易搭始祖, 即係架易搭始祖在大雨前提早結束服務, 回廠退役....

近期, 我都有去搵架車留影, 無意中得知架車早走原因,
單層小雞一哥 ASB1 (NT8619) 真係如我所料代左佢位,
同埋壞車原因唔關引擎事......

沒有易搭巴士, 就沒有雙層低地台車的出現, 令香港巴士服務踏進新紀元,
就以本文向易搭巴士始祖致敬~~~