|
上回提到5波膠豬 JG495 Last day 做 73x 有特別的事, 查記錄, 架車在尾日之前另有一次做早繁的 73X, 不過下段就套左去埔鐵的 74K, 先按下重溫架車在如心的相:
而家就正式開估當晚的特別事啦!!!~~ 話說我在特見版得知架車做73X, 亦因架車翌日就到期, 就估計架車係做蛇車 只做上下繁, 再問朋友架車開出時間, 一如自己所預料, 同時亦得知架車開工單係做特班, 私中途載, 再做番正規班次. 當晚 JG495 吉車來到如心休息, 等侯做最後一程的載客.
到開車前5-10分鐘, 車長就上車準備, 並帶來兩張過膠白紙牌, 其中一張攝在車頭擋風玻璃, 另一張就貼錢箱下面; 兩張紙牌寫著架車係 *特別班次", 過眾安街後直上城隧, 即係做荃灣區限定特快班次由如心開出, 上哂荃灣客之後, 就直接不停站上城隧, 估唔到中左架車特急班次.....
最終架車晚上七點準時開, 過眾安街後沿49x 線直上城隧, 我亦特意在車頭影架車途經不停站路段的一刻. 如果無貼73X 相, 只貼象鼻山路 上斜相,相信唔少人都會以為架車係去沙田....... 架車上象鼻山路斜無力, 但3波高轉好捱得無跌波, 冷氣夠, 果陣唔少客都上左前車, 令架車人流疏落, (睇來九巴應再大力宣傳特快班次), 上城隧就遇番前兩班車.....
過城隧塞一陣就入吐公漸進地跑, 都有睇頭; 轉眼就入大埔返總站，泊最出果度。 車長亦在停車後即時拿走兩張紙牌, 拆側尾牌, 最後拿走車頭牌交番站長室, 交完上番車果陣, 站長剛好經過, 就通知車長 收工泊車安排, 同埋 "唔駛入油", 即係架車完成載客服務, 光榮退役......
多謝點閱, 日後再分享架車在北區退前公路線吧!~~~ | 
