金磚阿四送別遊 : 友愛南 -> 荔景北 (12 Mar 2018)

九巴 JM牌金巴兩周前一掃光, 我就專注於送別來自城巴的男人,
即係首30架MAN, 加埋 澳洲車身果堆, 話哂係少數民族......

金磚阿四 AMN4 (JM2042) 最後數日服務都係做 61M,  
服務黃金海岸, 上兩星期見到佢就影左兩張先, 再到三日前再留意佢....

當晚我同友伴先在62X 會合, 再坐另外兩架61M 的男人,
在屯公我無意中見到61m 果兩架係前後車， 就決定先過屯公醫肚，
醫完就過大欖涌果邊坐 九阿哥 (另文再講), 再在友愛 (南) 靜侯阿四的到來....

佢入站果陣, 剛岩有門位可以影, 之後泊車就影哂兩邊......

下段再 share 出荔景謝幕之旅.....

影左兩邊之後，同戰友們一齊等架車上客做最後載客出荔景，沿路人流疏落....
車子轉眼行完青山公路，过埋轉車站就進入屯公跑，那又深又闊的車窗, 令人豁然開朗....

出到荃灣， 有兩位戰友首先落車， 而我就因為回家路近東涌線， 就在荔景北總站落車.
返到總站， 尾兩班返屯門的 61m 未開， 亦見到JR JV 牌的同伴都在站內，
就影下三架金磚男並立的情景， 亦快將不再。。

之後 Jm2042 車長就按下私牌， 再到站長室拍卡，
然後上車吉車出站，我就影下佢出站一刻，
看著金磚阿四遠去 ，迎來退前的最後屯公之旅， 返車廠封車榮休。。
Goodbye and thank you, The 4th Golden MAN....