[個人建議] 80X轉繁時線，非繁拉長89B，83X轉循環

講真，呢幾條線嘅重組計劃，喺F版都變月經，今次我純粹係想透過炒冷飯，拋翻啲命題出嚟討論。

好多時大家話80X要留非繁，原因在於要保留秦石，沙乙博一帶同埋大老山隧道嘅連接。更加曾經有講法話，凱婷要求紅巴整條大圍老隧/老隧觀塘特快線 (即後來載空嘅T80)，令之後嘅老隧招標評分比較公平咁話。但大家相信都已經聽過，其實紅黃兩巴以至凱婷自己都已經招標招到厭，寧願比兩巴自己傾掂佢算，而今年嘅古洞/粉北招標線就可能會係短期內最後嘅老隧招標線。

咁，秦石沙乙博格硬保留老隧線嘅意義喺邊？落九龍城有85A，要過海有182，要去東區...真係有人非繁上老隧轉682架？

咁既然89B本身揹住班黃大仙流水客，冇可能斬到 (除非用條更疏嘅74A食，但真係太疏)，咁倒不如比多少少車佢，非繁拉翻佢去觀塘？

建議一:
- 80X觀塘方向，平日頭班車至1010不變，乙明邨街及新田圍特班不變。1010後及週末班次停辦。
- 80X秦石方向，只維持平日1645-2055服務，其餘時段停辦。可以酌情考慮拉兩班上新田圍氹區議員落搭。
- 89B牛頭角方向，平日頭班車至0945不變，由1015起，停淘大花園後，沿牛頭角道加停牛頭角上邨，喜鵲樓，玉蓮臺後，以觀塘裕民坊為總站。
- 89B沙田圍方向，大約喺80X服務時間內維持牛頭角做總站，其餘時間擺裕民坊，沿牛頭角道翻沿線。
- 89B兩個方向都可以酌情加密班次，但價錢不變。

如是者拉長89B，就可以喺唔增強觀塘道車流嘅情況下，維持沙乙博車公廟去觀塘非繁嘅服務。擺裕民坊一嚟有位，二嚟冇必要去翠屏 (跟89)或者碼頭(跟80X)燒油。80X 89B兩者價錢已經相近，以後者取代前者都唔會點收少錢。當然，如果嫌牛頭角裕民坊私牌麻煩嘅(反正都係行同一條路)，其實大可以將89B全日拉長(還原)，但似乎要加多架車，暫時就不了。至於沙乙博非繁週末斷左啲咩老隧轉乘，有人嘈先算 (碼頭可以加80，觀塘藍田山冇 check但相信已經有區內線轉乘)。

建議二:
- 83X所有班次，出老隧後改為直奔觀塘繞道，沿偉業街落橋後轉入觀塘碼頭，再沿回程北上。平日朝早83A服務前段維持水泉澳開車，不過循環後以黃泥頭為尾站。
- 83A服務不變。

唔清楚紅巴自己對觀塘特快有咩睇法，但如果要做嘅，搵條成本低回車快嘅細線做循環咪算 (仲可以同凱婷講，我做左觀塘特快啦，我可以斬兩班T80未)，班次掂嘅仲可以試下斬走架車。以朝早南行而言，冇錯黃泥頭九龍灣客係慢左，但其實觀塘道冇咁塞車嘅關係，其實都唔會慢太多(觀繞落橋就望六幹通車可以自己通渠)。唯一係水泉澳會煩少少，一日要記兩個走線，但其實都只係對面馬路咁解。

用呢種方法搞80X 83X，唔一定比紅巴二合一計劃慳車，但至少簡單易明唔少。先謝!

1. 80X / 89B 呢個 loop 我個人無特別意見，但 89B 返沙田圍要兜啟翔苑其實好趕客，想殺 80X 之前都起碼理順返 89B 先

2. 83X 玩大循環真係等於無野搵野做，未必慳到車之餘仲影響彩虹轉車個班客

既然 T80 都失敗做乜要搵替代品

老實直接按數據將 89B 斬左去，可能仲易過搞咁大壇野

至於觀塘特快，真係要做，我會搵呢邊唔少人講左好耐既 88X 拆線去做試點，一條全日來回繞道、唔上穗禾苑，做觀塘果條就咁樣做逆時針，出隧道後成業街頭站，畀火炭同觀塘之間全日有車，而藍田油塘又有全日特快。問題係車從何來，睇怕都真係要斬左條 89B，及/或 89 自己都縮短埋

邏輯上非常難將 89B 拉返入去，點睇都係 80X 頹做或者只加經水泉澳比較有機會。

大老山除咗東區，仲有 798 88 88X 85X 等等（留意返秦石乙明博康係冇前三條線）
斷腳對轉乘網絡始終扣分，都好容易俾人插。

80X 89B 分時段入觀塘，先真係捨易取難嘅做法

左一個大老山加一個黃大仙

如果大老山唔需要考慮呢個位
83X都唔需要老遠拉去取代80X

人多人少唔係重點

89B問題係行多幾步就同80重疊

不過九巴留89B目的都係想陰乾80多D水位

我反而prefer殺89B
將T80嗰兩班車改做早繁短棍（新翠》觀碼，經獅隧）
過一排就收埋呢兩架車
新翠上獅隧，用轉乘取代（89/ 74A）或者行去隆亨直接坐80

其實留80X嘅意義何在？要轉乘，岀到黃大仙、東九龍一樣做得到，要博康去觀塘特快，可以留乙明邨街特車，非繁88繞經博康搞掂(我用應用程式比較過80X同89B分別在秦石及博康/沙角往彩虹邨嘅時間，結果博康搭80X快10分鐘，而秦石則打和)

老實講，80X/89B的建議在2014年提出
80X轉兩味，89B繼續每日服務

其實80X搞唔成既話
89B搞死佢就變左另一選項

幾個月前我寫過一個建議，我認為喺比較可行既方法...

https://www.hkitalk.net/HKiTalk2/thread-2219477-1-1.html

你個方案就肯定倒客，我個方案或許會有d新客...