[個人建議] 5 14 203E食11

喺隔離版同版友討論11同14嘅關係嗰陣，發現11可以喺上路有鐵之後仲健在，其實都幾命硬。佢當然都同一眾土瓜灣線一樣有獨市位，但係咪真係咁無可取替呢？

適逢九龍灣車廠贏多左個山頭，嚟緊幾年都要係咁谷車上山。另一方面，其中一個吊命位伊院嚟緊只會越嚟越少客，但九龍其他位置都有人口增長，咁似乎難免將11放棄。

利申地圖黨，只係冧住將11嘅獨市位分比其他有其他獨市位嘅線咁解。

- 11取消。
- 5 雙向繞經黃大仙總站，北行另跟11加停大成街/龍慧樓。
- 203E 雙向繞經龍蟠街，並加停龍蟠街/龍蟠苑，適量加班。
- 視乎九龍站來往上路需求，將14改以九龍站為總站。如果改唔成都可以透過增設佐敦道 14 <> 8/95/203E BBI解決。

鑽鐵 <> 佐敦/九龍站可以改搭203E。
黃大仙 <> 上路可以改搭5。
上路 <> 九龍站可以改搭 14。

其餘養住11嘅位，例如鑽鐵 <>上路，上路 <> 中港碼頭，黃大仙 <> 佐敦，其實都有其他選擇，不限於 3C 9 28甚至鐵路，可能冇咁直接或者要行多少少，但資源運用上都比起留住11補位有效。

當然，黃大仙 <>富山，龍蟠街 <>慈南都可以執到唔少小巴雞，相信比起 11黃大仙至鑽鐵段更有作用。