未來深圳仲會出現幾多個留仙洞

留仙洞站自從通咗13號線做轉乘站之後,因為人流劇增搞到深鐵要玩無預警式飛站,搞到班客朝早俾人玩死. 但係問題嘅徵結本身係個站已喺早期起好, 無預留之下做成嘅惡果. 但其實呢個先係計時炸彈嘅開端. 未來仲有五期地鐵過多兩三年之後都會陸續通車, 15 17 22以至城際等呢堆線都同5號線堆老站做轉乘. 唔知道民治 百鴿籠 五和呢堆本身使用率都高嘅車站, 以至其他站, 有冇機會成為下一個留仙洞. 而更重要嘅問題, 似乎5號線喺地鐵網絡擴張之下, 佢係俾人加壓而非減壓. 20 穗深南延起碼都分到11號線壓力.

本身13係預西麗轉，留仙洞本身無預做轉車站，點知改咗規劃搞到留仙洞站容納唔到咁多人

另外1嘅高新園站都好細，未來會成為20/27轉乘站，唔知會唔會賴嘢

jpoon 發表於 2026-1-8 23:30
本身13係預西麗轉，留仙洞本身無預做轉車站，點知改咗規劃搞到留仙洞站容納唔到咁多人

另外1嘅高新園站都 ...

高新園接20
我睇初期反而可能似以前觀塘線太子旺角油麻地嗰隻？
反正貪位坐嘅人可以坐回頭車去白石洲嘅機會
(當然20遠期再延去福田或者白石洲係清客趕人落車就冇乜呢個可能)

I20091157 發表於 2026-1-9 09:33
高新園接20
我睇初期反而可能似以前觀塘線太子旺角油麻地嗰隻？
反正貪位坐嘅人可以坐回頭車去白石洲嘅機 ...

27而家只係去到松坪山，但規劃係經高新園，落到深圳灣（唔係深圳灣口岸）再轉彎去前海果邊

講開又講，今日搭過一次13，去到后海已經塞滿人，如果27唔拉落去，睇怕后海至留仙洞一段會係13嘅樽頸位