多倫多の都市傳說 Line 5 Eglinton

本地新聞長期笑柄Eglinton Crosstown啱啱呢個星期日正式通車2011年動工，造價700億港紙，全程大約20公里
上年秋天直頭有博彩公司開盤賭佢幾時通車

雖然揸車之後搭TTC嘅機會少之又少（明顯都真係北上消費多好多
但總算都有機會試一試
之前搭過Line 6 (Aka Streetcar 536)個速度實在慘不忍睹
有限時間之下向西試搭地底段就算

今次旅程由Line 1月台開始
係多倫多跨月台轉車係唔存在嘅（當然一條打直一條打橫又好難嘅），出發落一層


再落一層。。。通車兩日條電梯已經停係咩事


到月台啦
同6號綫一樣，省政府Metrolinx負責起
所以signage 報站之類都係有齊英法雙語


個月台就。。。有無以前地鐵架空段未加閘門嘅感覺？



Line 5用車Bombardia Flexity Freedom
基本上就係downtown streetcar差不多嘅型號


內籠基本上同street car好接近
唯一唔同就係個車尾位嘅坐位layout
當然啦。。。都是毛毛凳



如前所述，條鐵省政府Metrolinx負責起
車內路線圖，報站都會有加上佢哋營運嘅Go Train / 機鐵UP Express


受惠於地底段唔使等燈
亦唔需要面對龜速過intersection嘅問題
Eglinton上車大約18分鐘已經到西面Mount Dennis總站
以前搭巴士嘅呢個時間Eglinton West都未必去到



巴士總站部份。。。大約個硬件就係入咗Go bus巴士站咁



呢樣特別少少嘅基本上地底段個個站都有
始終多倫多呢啲十字型佈局，大家慣哂口講intersection
就好似近期香港上畫嘅 Finch & Midland咁嘅叫法
以前得一條Line 2打橫，嗰條當然可以拎哂直街名嚟做站名
但新起嘅Line 5都要另改站名，所以站名都加返locate係邊條街以作參考


呢樣又延伸一樣嘢
啱啱嚟嘅時候總會慣港式講法話自己住Finch
嚟耐啲嘅朋友就會講笑話成條Finch你住哂呀

見微知著嘅係
而家慣咗呢邊嘅方式，或者都未必100% fallback到返去香港嗰套了