減班通告及香港出行易時間表更新問題

1.
最近有唔少減班
都係冇出通告
究竟唔出通告有冇問題？


2.
見到有啲路線時間表喺香港出行易未更新
講緊都過咗一段時間

本來只係覺得純粹未更新
直到我見到一個幾特別嘅例子
81去勵德邨方向  時間表

當時因為加經峰華邨
每班車提早5分鐘開出
呢一個改動
香港出行易已經喺時間表更改
但同時做嘅減班
至今仍然未更改
班次仍然顯示15-20分鐘一班

城巴 81 減班、往勵德方向加停峰華邨並新增轉乘優惠
搵返當時嘅post
根據post入面所講
呢次減班都係冇出通告


究竟有咩可能性會導致呢個情況？？?
理論上政府提供嘅時間表應該係最準確

唔出通告肯定有問題, 只係有冇人出聲

記得多年前, 九巴有一段時間都係每次更改班次, 只係更新站頭豬紙, 但係冇出通告
當時我有打1823去投訴, 也有向區議員反映
過一段時間後, 九巴就恢復在更改班次時出通告

雖然無細閱專營權條款，
但我留意到情況，城巴近幾年喜歡借世界石油危機或戰爭開始，將一堆所有線路狠狠開刀。
之前試過開得過狼，如26, 680及930生效時間表１日及１星期內退回，
幾乎一斬過半路線及班次，全部都無出通告。但只有不是大批減班的情況下出通告。

不過再對應城巴及新巴的資料生效日期及服務詳情表生效日期，兩間公司在接管中巴專營權後，很多有偷步改班次，無出通告，過數星期運輸署批下來，
甚或最有趣的一個情況：N118，寫15-16分鐘一班，但班次表是無法除得盡16，服務詳情表未見過16分鐘一班的事情（即係無批過的減班），城巴又繼續使用其改了的乳豬紙。

無人入紙減班咁主任咪唔知開少咗車囉

結論就係呢D私下減班建議一律TCU見

GR614 發表於 2026-9-19 20:24
無人入紙減班咁主任咪唔知開少咗車囉

結論就係呢D私下減班建議一律TCU見 ...

是已入紙減班，運輸署已批，服務詳情表改了，但沒有通告。

不是私下減班。

KC3555 發表於 2026-9-19 22:04
是已入紙減班，運輸署已批，服務詳情表改了，但沒有通告。

不是私下減班。

十幾年前都係自己定期檢查

1. 理論上營運商係要出通告告知最新情況，但營運商宜家多數直接偷懶改時間表，或者係app到講班次調整就算。因爲問題唔大，所以好少比人捉，除非你1823 TD。

2. 服務詳情表係運輸主任改/批准，但出行易資料係TD總部 IT個邊改，要運輸主任同IT 講/拿approval先會update個出行易。所以你見小巴個出行易同服務詳情表好多時都唔同。

同埋改時間開出/減班 2樣野唔係同步做。TO 會直接係服務詳情表改 所以你見資料應該唔會有錯；改時間開出直接改就得唔洗做其他野，但減班要計埋載客量等等度完先比改。依個情況好大機會係 TD update左出行易開出時間，但減班個到delay左做/無通知所以無改

另外一個情況就係運營商自己偷減班連TD都無通知，除非有人1823 投訴 or request開車時間，如果唔係都係無人捉

KC3555 發表於 2026-9-18 11:13
雖然無細閱專營權條款，
但我留意到情況，城巴近幾年喜歡借世界石油危機或戰爭開始，將一堆所有線路狠狠開 ...

始終人家是私人公司，自然向錢看。


估計巴士公司以往覺得重組難，畢竟要面對區議會，所以就透過減班減輕營運成本，結果這麽多年來就經常減班。

不過營運成本不斷增加，估計巴士公司覺得減班也不足夠，加上城巴作風是想重組的仍然會重組，在RPP不斷提很多重組方案，直至做到為止。除了師兄觀察到的因素，我亦發覺自從48事件後，城巴做重組是快了，避免夜長夢多。

最新情況
81時間表已更新