"你的克勤演奏廳"演唱會+簡評

2008年首次睇演唱會，就係前晚0既"你的克勤演奏廳"
演唱會。

全晚演出都配合番"演奏廳"呢個主題，同時亦利用克勤
0既流行曲與及佢一貫佻皮幽默0既手法，讓觀眾更認識
各種平時甚少接觸0既弦樂、管樂等樂器之餘，亦令現
場氣氛一直持續高漲。

至於克勤0既高水準演出，同音樂總監趙增熙0既極高音
樂造詣簡直令我嘆為觀止！

臨完場前克勤當眾分享"湊仔"樂，更不時叫觀眾之一－－
剛新婚0既蔡少芬"整番件" ！不過當睇住屏幕上D溫馨
家庭相時，硬係覺得......個仔唔太似佢。

欣賞過呢一場高質素演唱會後，不禁概嘆......如果坐0既
位置可以低十幾行，相信會更正。


附上演唱會相片多幅，多謝觀賞

e~小剛有帶眼鏡既?我睇第1、2、7場都冇
今日克勤唱《三千零一夜》送俾佢老婆,正~

自己睇第一場,坐$100區,音響效果唔太好,但見場show花唔少資源係musical上

成場show其實無乜地方要挑剔,因為唱既合格,娛樂部分都做足,credit又俾足晒,
起碼唔似其他演唱會個歌手連band leader叫乜名都唔識,入場送既搖鼓其實係
好好玩兼好好用,好過送吹氣棒,環保兼可以再用,雖然身旁朋友話好吵耳,但我又
覺得呢次送咁岩數(所以唔太明上次容祖兒演唱會同時派螢光棒同吹氣棒,你叫
班歌迷fing螢光棒定吹氣棒先)

不過呢幾日有事要做,否則應該會再睇多次

原帖由 orange 於 2008-2-15 03:04 發表
自己睇第一場,坐$100區,音響效果唔太好,但見場show花唔少資源係musical上

成場show其實無乜地方要挑剔,因為唱既合格,娛樂部分都做足,credit又俾足晒,
起碼唔似其他演唱會個歌手連band leader叫乜名都唔識,入場送既 ...

我睇既係年初四，無嘉賓。自己睇慣EASON，明哥呢類CONCERT，所以好難
鍾意克勤呢隻。簡單數數讚與彈：

讚：
1.肯唱小量新歌與SIDE TRACK，如"世界末日的早上"
2.娛樂部份。麻煩那些句句講出來都唔好笑的歌手檢討下。
3.部份歌都改過少少篇曲，無咁似聽碟。
4.睇班演奏家騷哥利係幾好睇。

彈：
1.我係屬於頂唔順個搖鼓既人，同吹氣棒一樣咁煩。玩既時候就搖啫，慢歌大家靜下啦
2.都係唱得太多經典。"紅日"、"夏日之神話"、"一生不變"，救命。大佬呀，你上一隻碟
有隻SECOND PLUG叫"紙婚"架，去左邊呀？
3.唱功始終太穩陣，明明支DI-DA都吹到變JAZZ，點解克勤個唱法一D都唔JAZZ既？
4.身為舞林浩劫，但跳舞唔夠勁，無上幾次HIP HOP或城城FEEL咁正。

但身旁各相近年齡親友兼克勤粉絲都讚好，我諗我係異數。

原帖由 171606930 於 2008-2-14 22:38 發表
2008-2-14 22:38
特別嘉賓：陳慧嫻
...

印象中克勤同慧嫻 好似無合唱歌
那麼當晚唱什麼歌

原帖由 pochi 於 2008-2-16 03:01 發表
2.都係唱得太多經典。"紅日"、"夏日之神話"、"一生不變"，救命。大佬呀，你上一隻碟
有隻SECOND PLUG叫"紙婚"架，去左邊呀？
4.身為舞林浩劫，但跳舞唔夠勁，無上幾次HIP HOP或城城FEEL咁正。

2.克勤話過…佢話大部份歌迷入場都係想聽呢d經典歌，我呢d「勤迷」已經聽呢d經典聽到想嘔，第一場克勤問人唱《回首》好唔好，我已經見到對面班人擰哂頭。基本上rundown裏面 有1/3上次得心應手演唱會已經唱過，而且差唔多唱哂11月出既no.1 hits既歌，真係為現場氣氛先黎，我地「勤迷」都想佢唱多d滄海遺珍，有《世界沒日的早上》同《一個人飛》已經執到，不過估唔到佢會唱《Mr.Children》同《天天都是情人節》。其實《紙婚》o係點歌環節有人叫過，但係佢唔知係咪冇譜所以扮聽唔到。
4.舞林浩劫…克勤同城城當然有超多既距離啦~克勤跳到咁都算好lu，臨老先黎搞d咁既野 XDDD克勤自彈自唱《花落誰家》，都算有努力過丫~