終於聽完電台講足十日有關離島渡輪的罵陣...

原帖由 manlok 於 2008-4-23 23:16 發表
無錯...
成個都係供應,需求問題
無需求的話就算開到十分鐘一班二千人大船都係浪費地球資源..
根本個走勢就要梅坪迴航,再加全快船,先有得做

其實得罪講句......
如果當初梅坪兩地居民及議員面對現實,同意非繁忙時間迴航,結局就可能不一樣了.

原帖由 Seiko 於 2008-4-25 23:00 發表
除左"商營渡輪"同"國營渡輪"之外, 仲有一個方向--"民營渡輪",
成立一間公眾非上市公司, 由離島居民及地方組織(e.g. 鄉委會)融資同參與,
選出持份者擔任決策工作, 咁樣 持份既居民就會面對雙重"利益"(服務及股息).

...

大嶼山曾經出現過類似3家民營形式巴士公司,
因蝕錢最終同大嶼山巴士合併成新大嶼山巴士

以今時今日情形邊會有人願意做白武士,走去搞
甚麼民營渡輪,當政府不斷開口埋口要收回成本
既政策下,除非有其他項目補貼,否則做生意根本
無人願意成日倒貼

現在最佳辦法都是投資碼頭上蓋權給小輪公司,以及在油價方面再找辦法,
已是最有可能的幫忙...

今時今日都不能夠和10年前油麻地小輪與政府談上蓋起爭論的年代相比,
以前政府可以飛起船公司,叫白武士來搞,今日換來"黑武士"就有可能...
(殺...殺...殺)

原帖由 orange 於 2008-4-26 00:55 發表
大嶼山曾經出現過類似3家民營形式巴士公司,
因蝕錢最終同大嶼山巴士合併成新大嶼山巴士

以今時今日情形邊會有人願意做白武士,走去搞
甚麼民營渡輪,當政府不斷開口埋口要收回成本
既政策下,除非有其他項目補貼,否則做生意根本
無人願意成日倒貼

等我離題補充返少少: 新大嶼山巴士未出現前係有四間巴士公司,
"大嶼山汽車"係由鄉議局同大嶼山四區鄉委會合組營辦, 離島居民入股,
當中政府, 以至九巴同油麻地小輪都有提供各樣協助;
其餘三間巴士公司係由私人商辦, 最後亦係呢三間公司合併, K.O.左大嶼山汽車.

我所提及既"民營渡輪"唔係要做蝕本生意, 而係只求微利, 提供到適切既服務.
公共服務始終有一定需求同收入保證, 加上離島線冇港內線競爭咁大,
細心經營總可以keep head above water, 唔一定要倒貼.

私營渡輪最大問題係賬目唔夠透明, 大家無法了解真正既經營問題,
好似新渡輪咁, 賬面上好似蝕好多, 但心水清既人都知佢早年做埋勁多揮霍又無益既行為,
果筆錢雖然唔夠令賬面上有賺, 但都夠拖延油價急升帶來既營運壓力;
另外兩間公司成日話要開拓碼頭物業來補貼票務收入, 但現時佢地於碼頭範圍內已經進行唔少商業活動,
而且租金都唔平, 一但將碼頭物業發展權完全下放畀船公司, 到時政府同乘客都唔會係真正既贏家.

小弟上週末入左長洲行下 , 發覺新渡輪真係幾慘 , 服務真係唔差 , 不過客就得甘多 ..... 希望政府既旅發局可以幫下手 , 宣傳下長洲 , 大嶼山呢 d 外國人喜歡的本土風情 ...

話入正題 , 小弟係非繁時入去 , 佢 d 快船係俾 1 個鐘佢跑 , 但其實佢多數都只係行 35 分鐘左右 , 其實新渡輪買一 d 再快 d 既船 , 中環至各離島既行程係 25 分以內 , 5 分鐘上客 , 非繁時用 2 架快船行哂 1 個鐘 2 班既 service , 非繁時慢船 cancel 左佢 ... 慢船只在繁忙時候行駛 ( 不過慢船早上 10-12 , 有時要幫 d 島民車貨同車「人」) .....

甘會唔會幫新渡輪止到血 , 因為眼見佢 d staff 同硬性都已經唔差 ..... 如果因為小眾而蝕 $$ , 仲要俾人轟 , 我係 nwff 真係幾灰 ..

[ 本帖最後由 Jak 於 2008-4-28 12:12 編輯 ]

cancel 慢船豈不是 = 加價？
其實長洲線已經唔算最差，相比坪梅

我認為除加強宣傳外，可以嘗試推出快慢船即日來回優惠 / 5送1 / 10送2 (現在好似只有慢船月票)之類優惠吸引遊人
當然長洲需要改善設施配套、增加旅遊點等

北上消費成風後,
離島旅遊業冇以前咁旺.
搭船既假日收費,
分分鐘貴過返大陸玩,
而且市民慣左返大陸幾百蚊住靓酒店,
去離島玩一晚過夜得渡假屋同幾間好舊既酒店,
就顯得吸引力較低,
但要起新建設,
係顧及環保既情況下,
又唔係咁易......

即係一班朋友,
寧願比多少少$住得舒服d去大梅沙玩,
定係去長洲住但分分鐘有小強一齊...

原帖由 106116_1023 於 2008-4-28 18:11 發表
cancel 慢船豈不是 = 加價？
其實長洲線已經唔算最差，相比坪梅

我認為除加強宣傳外，可以嘗試推出快慢船即日來回優惠 / 5送1 / 10送2 (現在好似只有慢船月票)之類優惠吸引遊人
當然長洲需要改善設施配套、增加旅遊點等 ...

當然如果非繁時行全快船梗係要減價 , 最少較容易 "手奄" 住區議員果一關 ...

其實我早 2 日坐長洲-中環線 , 服務真係覺得好好 ..... 唯一覺得唔開心係冇左富人情味既餐旦麵 ..... 所以 nwff 加油呀 ~

另外 , 如果長洲改善設施配套、增加旅遊點 , 我倒唔太希望 , 因為政府一插手 , 又好似山頂、赤柱整 d 偽景點 , 既不吸引對本土文化有興趣既外國、日本遊客 , 又唔夠澳門大派頭、浮誇甘吸引大陸客 .. 都係維持長洲小島既傳統好似仲好 d ..