老餅九巴車票

又搵到一抽咁樣既九巴車票, 記得最後一次用係Rt. 53既 "牛仔F" 車既分段機上, 程序係你上車入錢, 然後同司機講話係邊度落車, 咁個司機就打張咁既車票畀你, 車票上有一排數字, 代表你邊度上車同入左幾錢, 第幾級分段等, 通常架車去到大欖涌就有稽查上車查票, 但係當時好多生客同去游水既泳客都唔會攞, 亦唔熟悉呢種收費模式, 就係咁坐一程車畀兩次錢, 後期效果唔理想同投訴多, 最終取消, 而車廂分段機地下亦留下大批垃圾, 即無人要既車票, 如果家下有就當寶啦. 時為約1983-84年左右(有待更正).

原帖由 bulgy 於 2008-6-23 22:52 發表

又搵到一抽咁樣既九巴車票, 記得最後一次用係Rt. 53既 "牛仔F" 車既分段機上, 程序係你上車入錢, 然後同司機講話係邊度落車, 咁個司機就打張 ...

「好旺角購物中心」有雷同的車票售賣。

呢隻飛已經係好後期既事, 小弟都搭過呢隻有票機既丹拿F好多次, D飛根本冇人會攞, 亦未見過有稽查查飛, 可能到左準備廢除既關係掛?

記得部票機係紅色, 體積同一個錢箱差不多, 多數掛係梯底既扶手欄, 車長按一下錢箱掣, 就會彈一張出黎, 不過要用力"搣", 唔搣出黎的話D飛會好似冒X樂園咁, 一大抽......

仲有, 當年用既路線係50同52, 唔係53, 因為當年53仲係青山灣總站, 行緊亞比安.

[ 本帖最後由 牛奶仔 於 2008-6-24 07:52 編輯 ]

那時,我有次坐有此票機的59丹拿F掛牌。車長都有出呢種飛。

另外數部丹拿C，亞比安41, 55型都有此種票機