悲情歐四~~

原帖由 薯頭 於 2008-12-18 21:56 發表


只係幾十單既家庭悲劇…
就話係悲情城市…

有冇真正入過天水圍？

扣我份果位
依個係傳媒俾天水圍既名銜
關我一概而論乜事......

雖則我大把分，不過呢個係原則問題
咁都扣真係有點兒

[ 本帖最後由 Keo 於 2008-12-18 22:38 編輯 ]

原帖由 葵盛東居民AMN36 於 2008-12-18 22:10 發表
我認為有時事觸覺都唔會從未聽過 "悲情城市" 呢個名的
呢個名點都唔會係樓主創啦, 連電視新聞專輯講述天水圍家庭悲劇
都多次用到 "悲情城市" 呢個名

即使你認為實質數字未足以叫 "悲情城市" , 但傳媒都講到佢係lu ...

新一代悲情城市係葵青呀而家

早個排, 傳媒比較過天水圍同葵青區的家暴個案及綜緩戶比率

得出的結果是, 天水圍在政府資源不斷投放下, 情況得以改善

反而葵青區正步緊天水圍後塵, 有關家暴個案數字已超越了天水圍

葵青區被傳媒命名為 "新悲情城市"

原帖由 AVW56 於 2008-12-18 22:52 發表


新一代悲情城市係葵青呀而家

早個排, 傳媒比較過天水圍同葵青區的家暴個案及綜緩戶比率

得出的結果是, 天水圍在政府資源不斷投放下, 情況得以改善

反而葵青區正步緊天水圍後塵, 有關家暴個案數字已超越了天 ...

呢樣又真呀, 單單一個葵涌村, 悲情程度都可迫近或超越天水圍了
早前葵涌村跳樓事件密到嚇親人

冇錯，「悲情」呢個負面標籤並唔係樓主所創，
但有冇必要用「悲情」呢個負面標籤來借代天水圍呢？
人講你又講，人話係你又話係......

如果你住0係天水圍，人地label你做「悲情青年」又妥當嗎？
如果你媽媽住0係天水圍，人地label你媽媽做「悲情母親」、「悲情婦女」又係尊重嗎？
天水圍都有個濕地公園0架喎，咁呢個公園0既遊人係咪遊覽緊個「悲情公園」呢？
天水圍都有間酒店，大家不如話d住客住0係「悲情旅館」丫，好冇？
好多人下星期都可能會去天水圍呢間酒店食聖誕自助餐，咁佢地咪要0係聖誕節食「悲情晚餐」？

關注天水圍居民權益0既人士，將天水圍描述為「悲情城市」，
係希望社會上多d人士關注天水圍居民0既苦況同處境，佢地用「悲情」，係基於關懷；
但係，好似樓主咁，用「悲情」來借代天水圍、形容天水圍0既一事一物，
用「悲情」來開玩笑，不但唔係一種關懷，更係一種踐踏！

原來0係唔少朋友眼中，用「悲情」來開玩笑，係一種有時事觸覺0既體現，
覺得唔應該用「悲情」來借代天水圍0既，就係唔留意時事、唔關心社會。
係咁0既話，對唔住，我寧願鼓勵身邊0既人，唔好成為呢d朋友眼中有時事觸覺、關心社會0既人。

[ 本帖最後由 Jeffrey 於 2008-12-19 17:41 編輯 ]

原帖由 petcity 於 2008-12-19 18:33 發表


或者咁講，有留意時事會知道天水圍叫悲情城巿
所以話有時事觸覺知道悲情城巿指天水圍，冇錯喎

但因為咁而話人家將天水圍標籤左做悲情，我又覺得
夾硬黎左少少，要知道人地講悲情呢篇文點解，但冇話
係呀，天水圍好悲情(或者有 ...

樓主個標題政治正確與否我冇意見
不過佢個標題令大部份板友都明白既話
都冇乜大問題姐

其實我覺得天水圍都唔係好悲情姐,幾大呀,環境都唔差呀
只不過係過幾單野就比人起個名做悲情城市,咁樣對天水圍既人好唔好