胡定欣29歲生日會@9月5日

今日9月9日係胡定欣29歲生日大日子，上星期日(9月5日)有幸參加她的生日會，我今天就將當天的一些小點滴同大家一齊分享

日期:5/9/2010
名稱:定欣生日會2010
時間:2:30 pm - 5:10 pm
地點:銅鑼灣富明街1-5號寶富大廈2樓L室【CAFE ME DEAR】

生日會正式開始，首先就進行許願和切蛋糕，定欣為配合各fans的需要，不停轉身等大家影到佢



之後就到答問題，由一眾fans互選最想知道的8題由定欣即場回答，每一條問題佢都仔細想過才回答。



之後到傾計簽名環節，定欣很努力記憶每一個fans的名字，並係相片上寫上有關fans的名字，基本上大部份fans的名字佢都記得，如果唔記得，通常俾貼士佢都會記得，另外佢諗野的時候，仲搞笑叫我地唔好影佢諗野的"衰樣"，不過我地fans就照影，最多唔公開啦


最後環節當然唔少得合照和送禮物時間，每位fans可得即影即有相片一張，定欣並即時寫上fans的名字和簽名。而各位fans亦費盡心思準備禮物，有fans送左一隻有佢半個身咁高的公仔俾佢呢，佢仲搞笑叫佢"醒啦"。




後記:今年生日會原本因為檔期問題是流產了，但是定欣也知道大家的期待，幾經爭取，終於成功搞成本年度生日會，而定欣亦為左令大家唔好浪費金錢，所以在生日會前一星期留言俾有份出席的fans，希望大家準備生日卡就夠啦，不過因為時間緊迫，有些fans早已準備好禮物，也在今次生日會送予定欣，定欣也欣然接受，另外今年fans內地佔左接近一半，有來自湖南、上海、廣州等等，而佢亦預告即將有兩線新劇推出，另外準備左佢去年有份演出兩部劇海報並即場簽名派俾大家留為紀念，最後祝願定欣生日快"上"，身體健康，事業更上一層樓，天天活得精彩開心