DA再上寶馬山

原帖由 HW8373 於 2012-11-1 05:40 發表
十年八年前寶馬山早繁車海年代兩間公司 d 車拖到成抽火車咁，唔停正落客都合理
(亦正因為出車多、基數大，於是巴士死火比例亦唔低，一場豪雨令係寶馬山
一朝早有多於一架巴士係斜路擺街要過客都唔係難事，相信近年應該難少少 ...

早幾日兩架90XX @ 529 拖住卡上雲景道
後車都停黃格落客

另外你指個架校車係幾時到? 因為其中一架校車朝早會做兩單...
同埋9月頭琴行街著澡都會有稽查(<---其實係唔係叫稽查)係度協助上客
某一日(9月5日)架八點先到既校車停正529個位上客
之後嘈起上黎
結果黃色公司投訴,架校車就踢左入七姊妹道上...

OT一講 呢幾日多左E500行529特車
仲要連529P都有.
不過加上香港人唔行入車尾既習慣,有幾好既車都係白板...

另外前日寶馬山發生乜交通意外? 搞到0805開既27之後所有車既人都遲到鳥

原帖由 lmf3927 於 2012-11-1 11:31 發表


早幾日兩架90XX @ 529 拖住卡上雲景道
後車都停黃格落客

另外你指個架校車係幾時到? 因為其中一架校車朝早會做兩單...
同埋9月頭琴行街著澡都會有稽查( ...

07 年離校後，寶馬山派車反而好似重精彩左


岩岩用 google map 睇多次學校個站
http://goo.gl/maps/sZAs8
對正站牌既行人路欄杆城巴站牌隔離會有一個缺口俾巴士上落客，之後前少少新巴站牌個截欄杆前面有第二個缺口
(印象中走個陣巴士站對上少少好似未有安全島同埋第三個缺口，通常 d 人都係第二個缺口就咁過馬路)
有個別 529 司機早繁會駛前到第二個缺口位先落客，等後車唔好遮著黃格 (其實遮著黃格影響唔算太大)
最重要係後車可以擺靚少少，令對面線大車唔會唔夠位轉彎落山，當年久唔久總會有一朝因為阻到對面偷位於是儲左成條龍出黎成村人響o安
走又唔係 (反正都要等第一架巴士走)，司機通常唯有暗自希望自己盡快落完客，等前車走時自己都即刻走得


唔係太記得當年校巴安排係點，記得有一藍一紅，好似唔覺有車一朝要做兩單
唔知係咪近年轉左公司或者太多人轉搭校巴 (當年自己只搭左一個學期就發覺 529 實在密得濟等多幾架總會上到所以之後轉搭巴士)


唔記得以前北角有無稽查，反而炮台山腳有 (唔記得新城未合併前係咪各出一人)
北角英皇教育門口個站從古到今等車人數都唔係太大問題
另最怕見到炮台山腳既稽查，明明飛站插水上山都俾佢夾硬塞多少少人上黎


北碼出黎國都酒樓個站至今仍然每朝一堆人"圍攻" 27/529/41A 車頭部分，但情況同往日有少少唔同
以前朝朝車海嘯亦有大量人係此站等車，近年巴士公司出少左車，於是心淡晒轉用其他方法返學既人亦唔少，抵銷後情況唔算太差
不過視覺效果唔同，當年巴士體積比而家略細

27 平日主力 16xx，14xx 以當年黎講已經夠大架，只會加班/拉車先用 (不過放學都會用 14xx 打仗)
12 米更係早上最高峰期先會有既特車，同埋一架大約八點半後北碼開既 82 order 會用，所以成日聽到 12xx 聲 (其實幾乎吉車上山，用咁大架車都幾浪費，所以近年應該取消左)

41A 都係出 15xx (除左 03 定 04 年有大約半年時間全線變晒 13xx 外) 當年早繁只見過兩三次雙層，好似都係 05 年打後
(混帳既係，其中一次早繁見雙層 41A 時自己正正企著架頂閘 1522 @ 529
經過國都出面睇著架 9027 @ 41A  上緊客，06 年九月頭既事)

81A 唔知第一二定二三班車一定係前者 12 米、後者細車 (16xx 或 33xx)，
當年成日諗係咪後者打大，印象中後者日日都可以係炮台山道望到前車 (81A 三班車應該各自隔十分鐘由柴灣開 ) 見過一兩次甚至上山前已爬左呢班 12米車

529 同而家無大分別，都係大約一半機會有空位停北角幾個站

當年等車人極多、但 27/529/41A/81A 車駁車，感覺上上客雖耐但唔算太阻時間，上客最耐都只係 27 / 81A
每次有 41A 出現，大約只會有一半人轉軑
個陣間中可以見 529 係北角幾個插 27 插水埋站落客，然後視乎司機好唔好人開門上翻幾個後走人
就黎停閘既 529 見有 27/81A 上緊客而抽頭飛站一般唔會引起站內太大騷動，大家會凝著上唔到車最多咪等下班


一般情況下除非夏令時間、考試、測驗或有要事要早返學校，北角以東既人都會死等 529/81A 好少特登搭車落黎北角轉
東區人會揀車搭，一黎揀好唔好力 (要認著 3xx / 22xx 呢兩個 "信心既標誌" 唔難)
二黎揀司機 (遇上替更、攝車司機 "唔識規矩" 認認真真同你係北角跟 27 隊慢慢上到完全頂閘時應該已被後面唔知幾多架 529 過頭，
亦有而家仍然渣緊 77/529/102 司機嚴格遵守黃線外不准企立既警告，懶理車站幾十對充滿怨恨既眼望著
衰過之後就要"汲取教訓"，第二朝要睇情況選擇唔上該司機車)
間中亦要睇客量，唔係太疲倦時有架半吉車 529 上緊客，後面無幾遠有架就黎頂閘又車型無咁好力既 529 停緊燈
試過夏令時間見到 22xx 吉車埋站，心諗今鋪實無死，不作他選就上左車，
點知最後正正因為吉車，站站停上客搞到遲到
途中眼白白睇著同班同學企係架頂閘 986 度爬自己頭最後準時抵校，事後佢講翻其實個朝佢好遲出門口，跑到車站已經送 22xx 車尾......
每次兩架車前後腳都係一次人生交叉點，萬一後面架 529 以為前車夠做而飛站，後悔得黎原本架車都走埋就慘
(某朝又試過眼力夠好，及時睇到後面架 529 由個位一見企出黃格就飛站既司機操刀，
於是即刻跳上前面 85 落北角轉車，一開車轉個右灣就係車窗中見到後面架 529 真係飛站，
據事後了解同站幾位同校同學當日遲到 )


06 年開始，新城 27/529 愈玩愈過份，最初只係收到 8點後無乜車上山 (反正 8點後打鐘既張祝珊或者金文泰就算行上山都唔係太辛苦，未必個個會咁有心投訴)
由則魚涌上車朝朝已經企十個八個，以前好進取一見前面有 27/529/81A 就即刻飛站個班司機都收晒火
同一個 529 司機由以前 "閂門喇，上唔到下一架啦，後面成大架 27" 變成上得就上，
"行入 d 啦，8 點後 20 分鐘 (比豬紙所寫更疏) 一班呀，上唔到呢班車唔使上架喇，有排等"


27 號常用車開始變成 12米蠆，但班次似乎愈減愈疏，加班車都少左，間中會見歐三 33xx，但似係替原本班次多過加班
國都個站情況開始惡劣 (係 07 年初直頭要擴大上客區範圍，開多架車位俾 27/41A/529上，變成而家既車站排位)
由以前每朝一大堆人圍著巴士車頭，企到出馬路包著車頭燈位，同時有一班人企係後面非常淡定咁眼望後面等緊 41A/81A/529 出現
變成只要有上山車黎都必上，話之佢出架 41A 大家都二話不說 $6.9 豪俾佢，15xx 吉車轉出黎一口氣上到企廿幾人甚至頂閘走都係閒事


以前只要靜心等佢上夠五六十人就開車走得，變成近年無論有幾多人等車
大家都會圍晒係車頭賴死唔走 (唔怪得佢地，唔搭呢班車都唔知幾耐先再有車)
擾攘一輪車內外既人先會妥協，地上學生盡量逼上去，上山線變成人見人怕既線，同站其他線都怕左佢
本黎以為獨立隔開上山線同埋 07 年後轉左校可以脫苦海，
點知久唔久都會因為 81 替更司機 (或者前面 A 線、38/42 之類司機) "唔識規矩"，無預留足夠空間一上完客即刻抽頭擒過站頭最前面既上山線
好多時一搞就搞幾分鐘塞死晒唔走得，偶爾搭 81 字軌司機見到無人截 81 就直接抽出快線時
回望站頭前少少架 27 仍有近百人圍著架巴士等上車，都抹一額汗


直至走之前 23B/27 都只會出低地台車 529/529P 自從 22xx 調廠後幾乎無再出雙層低地台 (只係 05 年搭過一次歐三 230x 行 529)
點知 06 年就就搭過 2201 下繁行 529，後尾離校後間中聽聞/目睹 529P 拉左架 2200 / 2201
19 / 27 會有 3A 黨出現，間中連 25 都癲埋一份
最初親眼見到豬行 81A 回程都牛咁眼，而家好似豬早繁行 81A/81S/27 都唔係太罕見
(其實成個東區係 07 年尾開始都調轉晒，有 d 線例如 19、23、27、25、106、65、2、82、694 常用車自全冷/新記開線以黎雙層車都係一手低地台，07 年尾之後就多左 3A
亦有相反例子，例如 42 )

在校幾年間印象中校方只有不多於兩次因交通情況而唔計大家遲到，睇黎而家應該都無到

原帖由 DA15 於 1-11-2012 17:13 發表
但我以前見06:50行完81S行25  宜家改咗?

81S > 23B > 23B > 25 ..