[West Midland, GB] 似曾相識、早期後置引擎巴士車身靈感所在

前者可算半部中巴 DD1 既始祖，後者就係城巴 D7-D9 既圓渾版姊妹車



本黎只係四月幾時打橫遊幾個英國城市時周圍行行企企攝時間，突然見到部珍寶
拍攝時唔覺得特別，睇相先覺得好似 DD1，原來就係配同一設計既 East Lance 尖頂車身，只係車頭燈同指揮燈擺位有少少分別
Dennis Dominator 雖然源自 Daimler CVG6 底盤，不過機械佈局可以某程度上算係改良版 Fleetline，有著珍寶優點並有更先進全自動波同更高可靠性

樣板 Dominator、DD1 同埋呢部都係配一款 East Lancs 尖頂車身，但線條又無 ALX 個隻尖頂咁靚
之前覺得 East Lancs 似乎係抄 ALX 個設計，但呢部車身設計相若既珍寶 1973 年出廠似乎比 ALX 尖頂版更早出爐，似乎巴士車身設計呢家野好難講得清咩叫"抄"



細個無乜概念會係中巴九巴見到水牌的


車轆、車鈴，油上白色同油銀色效果差唔多，勾起無窮思念


還好車身隻粉藍同中巴隻淺藍唔多似


車尾引擎室部分似乎係配咩車身都大同小異，另外實在唔太慣引擎網咁完整無缺


角度同埋人流問題，影唔到全相，而家回想都有少少奇怪到底部巴士點樣開入展覽館 (雖然係同馬路平排既底層)


錶板熟口熟面，上方攪牌器更覺親切，只係軑盤顏色同物料比較陌生


遮一遮反光部分，此車 1973 年出牌，都係用較原始式手掣


軑盤紅色好似係用皮包著再用針線聯埋；錶板上個水滴形指揮燈相信都好熟面口，不過唔記得左上面紅色部分係死火燈、裝飾定係燈泡黎
太耐無見已忘記操作方法，重以為各要擰 90度，但係另一部車玩過得知係只需擰到 10點同 2點鐘方向，設計頗為合理，只係無現代指揮桿咁就手


左邊電器總掣上方有個儀錶，睇真少少似乎係個向度向著司機既咪錶，一時間諗唔到點解錶板整一個側邊重整多個


睇真少少好似唔係整多左個，而係儀錶擺得疏，或者因為角度、電源接駁之類原因而特地將咪錶另放別處


只記得 3-4 歲某週日係筲箕灣巴總見 DD1 攪 102 打橫泊係 19、389 站頭個位，窗與窗之間距離窄得睇唔慣，呢部都係


熟悉既內籠、凳皮，只差顏色唔同，同埋 DD1 窗口膠邊擺法比呢部大佢 6 年既車先進少少


物料睇落去似似地玻璃纖維或者膠板之類，同往後 ALX 差唔多，唔似圓頂寶成部車不斷用油漆填補咁


一時間諗唔到右下角個一級係咪上車梯級，又會裝係呢個位咁搞笑既...

4 月中攝於 Coventry Transport Museum，免費入場；2011 年 3 月中去過同一地方唔知望唔到指示牌定係點，
當時見到得地下一層擺左幾架老爺跑車，今年去時見到其實有兩層有巴士有私家車重有各式擺設

----------------------------------------------------------------------------------------------

第二部係此車，(轉貼行車片段)
http://www.youtube.com/watch?v=SlTdJQfo_Ho



前文架單層珍寶錶板望向遠處有部米色頂雙層巴士，後面泊左部紅色單層，就係呢兩部
城巴 Park Royal 車身 D7-D9 服務過 WMPTE，此車本身由 Birmingham 購入，而兩個部門後期好似合併埋一齊，唔知四部車有無一齊服役過同一地區呢



部車底盤編號比 D7-D9 早大約 280 架，1968 年出牌，比 D7-D9 早十個月左右，個 Park Royal 車身較圓
所以其實係 D7-D9 將呢部車整直少少咁，再後少少同款車身 DMS 就再推向極端，將佢推到變成火柴盒



屎忽係咁，果然配唔同車身珍寶引擎室部分都差唔多樣，只有上方車窗或因車身唔同而有分別；散熱網部分欄珊有少少歪向一邊，即刻順眼晒




車鈴個裝飾圈同 D7-D9 差唔多，遠睇總之似白水箱或者短蘭咁優雅



車門當然都係同 D7-D9 差唔多，而若唔計摺埋個鉸位，似似地之後中巴 ALX R 型車身 AL1-AL2；
反而同配 Park Royal 車身既 DMS 車門望落去就似似地都係 ALX R 型車身 DL2，或者雅高既二手 Dominator


好細個係灣仔見過一部白色廣告類似 DMS 既雙門巴士，車門係圖中咁樣傳統擺法，但觀乎中巴似乎無 DMS 有此改裝
D7-D9、SF1 亦早係本身出世前退役，而家諗落最有可能係特別改裝過前門既非專利 DMS 之類吧




樓梯放成架車中間，令成架車望落去有幾好既空間感，不過樓梯底個空間似乎闊到有 d 寒酸，想象中以前應該好易被人丟垃圾過去


英國從古到今都需要既箱，實在浪費得不得了，尤其而家個個上車摵完飛下一步順手丟入回收箱


細個坐 XF 大部分時間都係坐導航位，一時唔係太記得六七十年代既 Park Royal 內籠窗框係咪咁




內籠對比現代都唔失禮，最古老既設計已經係地板、樓梯底同埋個扶手



上層車窗似乎扁左少少，可能因此到城巴 D7-D9 個陣車身拉直少少、車窗整深少少，到 DMS 時將呢兩樣野再去盡 d





車頭似似地 DMS 咁有 d 銀色金屬圍板，只係車窗唔係咁直既，呢隻錶板亦古老得多
攪牌棍上有類似九記個種溫馨提示字眼，不過架車係用牌布既，唔知係咪將大部分路線市中心/遠離市中心總站分別擺晒係牌布兩邊呢
錶板見到有個牌伸出黎，可能係無風時會自動伸出黎既安全牌，個水滴形指揮燈掣好似一大滴血咁，應該唔係幾就手




4 波保護片大家都睇過，鏽漬似乎暗示部車日曬雨臨又或者久唔久其實都會出動一次
而算盤子個坑入面似乎無乜機械，得碌棍，前文貼 Manchester 個部直頭通窿望到錶板下面既




清晰版，個 R 波保險桿用法一樣，不過橫拉好似更加唔就手較難單手操作

今鋪個算盤子同港版珍寶似乎有少少唔同 (另外 Volvo Ailsa 個隻半自動 SCG350 算盤子又似 TC1、BR 個隻版本，唔知 SF2-31 新車個種全自動 SCG350 係點呢)
亦唔係 5 波車 (影完呢張相翌日就搭左部 AEC 5波半自動，左上角係 R 波)
之前以為左上角個 D 係自動波，但又有人話 D 係 Doors open 既意思，唔知係咪類似現代版 Door brake 呢回事呢

6 月尾攝於 Wythall，本黎係想影 Volvo Ailsa 但無出現，應該係去完大集會未返黎



英國交通博物館主要有兩種，一種係以文物為主、對象係普通人既博物館，似香港歷史博物館或者文化博物館
例如 London Transport Museum、Glasgow Transport Museum (近年好似改叫 Riverside Museum)、Coventry Transport Museum 之類


實物為主或者車房式都有，似香港鐵路博物館
例如 London Transport Museum (Action Town Depot)、London Bus Museum、Wythall Transport Museum、Manchester Transport Museum、Dewsbury Bus Museum 之類
部分就只限特定日子開放，部分間中會搞大集會或者舊車試坐，甚至歡迎登上狀態較好既車休息同影相


[ 本帖最後由 HW8373 於 2012-11-24 17:06 編輯 ]

原帖由 HW8373 於 2012-11-25 00:44 發表
軑盤紅色好似係用皮包著再用針線聯埋；錶板上個水滴形指揮燈相信都好熟面口，不過唔記得左上面紅色部分係死火燈、裝飾定係燈泡黎

指揮燈制上面紅色的是燈罩，內藏燈泡，會跟隨指揮燈閃的。

原帖由 HW8373 於 2012-11-25 00:44 發表
軑盤紅色好似係用皮包著再用針線聯埋；錶板上個水滴形指揮燈相信都好熟面口，不過唔記得左上面紅色部分係死火燈、裝飾定係燈泡黎

SF2-31 新車時不設1、2檔閘，即好像小楷h；行車時是拍在4波檔閘，3波位則變做限波。她們後來改做半自動時當然是改用常見的R1234算盤子檔閘。香港幾乎全部Fleetline如配自動波的都用R1234款檔閘，行自動時亦是拍在4波，但師傅又可彈性使用1234當半自動來駕駛。那個D好像真的是門制。

[ 本帖最後由 WLT900 於 2012-11-25 02:26 編輯 ]

下面架車嘅指揮燈制操作原理係用回力彈弓自動回位, 拎少少就閃5秒, 拎到盡就閃大約25秒

原帖由 WLT900 於 25/11/2012 01:18 AM 發表


指揮燈制上面紅色的是燈罩，內藏燈泡，會跟隨指揮燈閃的。

如果著死火燈嘅話，指揮燈掣盞燈會唔會閃？