建議港鐵西鐵綫增設頭等服務

原帖由 groom1002 於 2013-4-1 22:04 發表
本來就是,如果唔係歷史元素,九鐵早在電氣化時取消頭等!

其實又係咪呢，我唔知當年九鐵有甚麼考慮，但如以現今港鐵來說，設立頭等是生財之法。

若由營運者角度睇，唔好以為「頭等所載的人數太少，
即使收雙倍價都收唔返一卡迫爆的普通等咁多車費」。
因為回溯返去入閘機，有幾多人決定走去搭e.g.東鐵，
不會因為將頭等變成普通等而令決定搭東鐵的人增加。

以香港情況，由於鐵路有時間優勢，班次又極為頻密，
乘客決定乘搭鐵路的首要考慮是時間和車費的取捨，
而不會因為有一卡頭等而被嚇怕唔搭，
亦不會因為多一卡普通等而本來唔需要搭都走去搭。

有幾多人落去搭車係「整定」，而其中有一部分人可以收佢頭等價，
營運者做「莊」，懶理下面打生打死，最終贏家都係營運者。
中途不斷有乘客上落車，一班車行完全程後，要畀頭等價的人不止72，
若基本車費已可填補開支兼有賺，這些附加費就全部都係bonus。

以上是嘗試分析為何鐵路營運者會堅持多年不取消頭等，希望可以給予大家另一角度思考。

我就不理樓主提過幾多牽涉其家境或見識的觀點，
但純粹就「西鐵加頭等是否合適」這點，我相信是有討論價值的。

[ 本帖最後由 DIH 於 2013-4-1 23:12 編輯 ]

原帖由 lrt505 於 2013-4-1 21:52 發表


其實頭等是否必須EXACTLY等於普通等雙倍價錢？

題外話：其實不少學生都會支付三倍車費乘搭東鐵頭等，我在理工大學有不少居住大埔的同學都是搭頭等火車上學的。而住屯門的可能是因為沒有頭等，所以先搭普通等。 ...

港鐵唔收你3倍都偷笑啦..d 車改做唔使$ ? 保養唔使$?
你都識講係 poly啦 一黎隔離係總站 (紅磡) 一定有位坐 冇咪最多下一架..
二黎佢地都只係比十幾蚊..點都貴唔過去屯門啦下話..仲有比得咁嘅價我坐260x好過啦..:L

哎呀，差啲唔記得咗有豪華空調巴士競爭添

其實呢，我認為

東鐵唯一好處，有頭等

西鐵唯一壞處，冇頭等

如果西鐵有頭等，就PERFECT啦！

送返首歌先（未作好）

同學去西邊，西鐵大過天
想不想比巴士快先
二十幾分西九連
當然，現在迫到無倫但最慳錢
只知西鐵大過天
忘記搭巴士格言
屯門落去尖咀前
搭西鐵，唔駛粒鐘會遇見

（TWINS 戀愛大過天）

[ 本帖最後由 lrt505 於 2013-4-1 23:53 編輯 ]

原帖由 ate_58x 於 2013-4-1 20:40 發表

而家都已經有批人揸車去西鐵站轉車啦，仲有呢啲人如果買咗頭等月票係咪保証一定有位坐先？
而呢啲人大多數都係元朗錦田一帶嘅居民，就算由元朗錦上路呢啲站轉西鐵出市區都係大約30分鐘，仲有你所謂嘅頭等月票個價錢點計先？跟 ...

多數人一個月唔係返22日就係26日，就拉個勻來計，
我認為頭等月票定價應該相等於「一個月24日都搭西鐵往返九龍」既原價車費水平。
以屯門-紅磡全月通為例，定價即18.6*24*2=$892.8，齊頭$900咁上下，
就畀多個choice去reward忠實搭客，一係就$515平啲搭成個月，一係畀原價但有得每程免費upgrade服務，咁我會覺得有人受。

如果太多人搭，咁好簡單，減少優惠就得。

[ 本帖最後由 4437 於 2013-4-2 01:53 編輯 ]

咁一定有人受嘅...睇下多定少嗟...同埋如果好似你話一多人搭就減少優惠..咁一定趕客架喎..咁到時有掛都收唔返改做嘅成本啦..好似如果而家話 cut月票咁