"歡迎你，聖誕快樂！"

睇完張相可能大家會覺得我想歡迎99R晌聖誕開辦，
如果你有呢個想法係正常的，
不過我想表達既係另一樣野……

話說今日影+搭99R，
晌我影KC6695埋站時個司機已經好好人，
充滿笑容地伸出V字手勢俾我地影，
當時我覺得無咩特別丫，
好多特別係巴士迷司機都對巴士迷特別友善。
但上車就堅料啦！
個司機竟然向每個上車乘客都報以微笑同大家講：
「歡迎你，聖誕快樂！」
唔少乘客都同番司機講番「聖誕快樂」，
頓時冰冷既車廂有一溫暖既氣氛，
即使晌西沙路遇著大塞車乘客都毫無怨言。
最後落車後我同朋友晌總站影多幾張，
個司機駛前少少去到我地身旁時突然打開窗同我地微笑地講野，
開頭我以為佢同一般巴士迷車長咁問下影唔影到呀、慢慢影呀之類，
點知個司機再同我地講多聲「聖誕快樂」！

其實搭巴士有時會覺得司機只要有禮貌安全送到乘客去目的地已經好足夠，
但好似今日咁遇著一位咁主動友善既司機，

真係覺得好窩心！

所以臨走前我地都同個司機講聲「聖誕快樂」道別！

有時現代人快樂其實可以好簡單，

每人行多步，主動同人簡單問候一下，

人與人既氣氛真係會唔同D~

最後都晌度同大家講聲：
聖誕快樂！願大家都得著真正的快樂和平安！

KC6619個司機都好NICE!

好難得有D甘既司機

的確好難得九巴有好司機（你係咪系FB香港人Secrect　POST過？）

原帖由 PZ8490 於 2013-12-29 12:46 AM 發表
其實九巴亦都有好多好司機，會主動同乘客傾計

其實友善既司機的確有好多，
但通常只會同熟客有傾有講，
呢個司機最好既地方唔係傾唔傾到計，
而係佢好樂意主動同每位乘客打招呼，
呢個真係難得一見！

其實好應該寫信表揚呢啲好車長

以前 59A 有一位車長，都會向每位登車的乘客講早晨，
唔知呢位咁有禮貌既車長，仲係唔係 59A 度？