大埔馬

今日比較幸運。一直只係知架車行 271, 但唔知時間, 去大埔踫下運氣, 因為諗住市區人多車多比較難影。下午來到大埔, 好耐冇來影相, 唔係好記得邊 D 位邊 D 季節適合, tun 來 tun 去, 最後都係去返廣福邨外保險 D o既位, 無耐架車就由市區來了, 影了門位 (14:05)。之後再去安祥路文娛中心外, 想等架車由大埔開出然後影梯位, 但果度好多車, 比較難影, 但都影到唔少巴士, 最後唔係因為多車難影, 而係冬天太陽太低, 開始有陰影, 最後來到廣福道麥記外, 架車又剛剛返出來了 (15:14)。多年來影賀年車或者捕特定某一架車, 都少有咁好彩, 一 take 過影晒兩邊和兩個方向。