屯門南站應叫咩名好?

原帖由 mak5052 於 2014-10-25 19:01 發表
將軍澳線寶琳、康城兩站，皆是總站，但命名都無將軍澳三字，都冇問題，所以新站不帶屯門兩字也可

可以當然係可以，但係有辦法做好啲，點解唔做好啲？

君不見北角站、鰂魚涌站指向 3 號月台的指示牌係寫上「將軍澳線」，唔係寫「寶琳/康城」？就係因為區外客唔易明白寶琳、康城實際係指咩位置。日後湖景站、兆禧站又可以點處理？唔通要為呢個緣故將成條東西走廊命名為「屯門線」？

寶琳站、康城站要加上將軍澳字樣都唔容易，首先「將軍澳北」「將軍澳南」並唔係好的名字（原因前文已寫），然後「將軍澳寶琳」、「將軍澳康城」五字站名又比較冗長，要把「將軍澳寶琳/將軍澳康城」十隻大字塞入一個指示牌更係難以想像。

但係屯門南站係有得選擇，手到拿來有「屯門碼頭」一名可用，唔鍾意的話都可以用「屯門南」、「屯門湖景」、「屯門兆禧」，三至四字而已，指示牌完全放得落。

閣下建議不是沒有道理
但係「屯門湖景」「屯門兆禧」就真係有啲奇怪，學九巴咩而家
「屯門碼頭」就唔錯，但前提係要接駁同名輕鐵站
如果「屯門碼頭」重鐵站近兆禧站多過輕鐵總站就唔係幾好啦

其實冇「屯門」兩隻字都唔係好大問題姐，用耐咗就知道係邊嫁啦
唔通烏溪沙都要改做「馬鞍山北」咩

原帖由 devilreborn 於 2014-10-26 14:10 發表
閣下建議不是沒有道理
但係「屯門湖景」「屯門兆禧」就真係有啲奇怪，學九巴咩而家
「屯門碼頭」就唔錯，但前提係要接駁同名輕鐵站
如果「屯門碼頭」重鐵站近兆禧站多過輕鐵總站就唔係幾好啦

其實冇「屯門」 ...

如果屯門南站、輕鐵兆禧/屯門碼頭站（視乎屯門南站位置）統合稱蝴蝶灣站，蝴蝶站更名紅樓或中山公園（紅樓所在公園）站，大家認為點？

基本上主要係連接屯門碼頭站為主要接駁車站，兆禧站係其中一個次要接駁車站，等於現時輕鐵屯門站及河田站。

但公共設施為重鐵站名就較為罕見，等於現有荃灣西站無命名為荃灣碼頭站。屯門南站較容易令區外乘客一個清晰指示。

至於輕鐵站是否改名可以好彈性，街道圖做得好的話已經唔係一個問題。
重點係輕鐵車站取名係附近設施或建築物為主(小區域)，重鐵係以大區域為主。

[ 本帖最後由 JR800 於 2014-10-26 18:33 編輯 ]

原帖由 JR800 於 2014-10-26 18:30 發表
基本上主要係連接屯門碼頭站為主要接駁車站，兆禧站係其中一個次要接駁車站，等於現時輕鐵屯門站及河田站。

但公共設施為重鐵站名就較為罕見，等於現有荃灣西站無命名為荃灣碼頭站。屯門南站較容易令區外乘客一個清晰指示 ...

馬場、將來既海洋公園算唔算?
屯門碼頭哩個夠都已經夠清晰
有無重鐵站用黎命名罕唔罕見跟本唔係問題

原帖由 SSBT 於 2014-10-26 19:02 發表
馬場、將來既海洋公園算唔算?
屯門碼頭哩個夠都已經夠清晰
有無重鐵站用黎命名罕唔罕見跟本唔係問題

荃灣西

可能因為驚第日碼頭荒廢？

荃灣碼頭已經幾乎冇船

不過當然，屯門南站附近好多人叫碼頭區，所以叫

屯門

碼頭都可，或者用番填海之前海灣個名

我諗到喇！！！
以地標及分區改名最好。

該站隔離有個青山警署，又屬於青山分區，不如就叫「青山」
往青山列車即將到達

我地不如入屯門，變成我地不如入青山。

認真地說，當「青山」咁多人入既時候，就自然沒有歧視的了！！
(再講，成個屯門未填海部分，以前都係叫青山……)

原帖由 jonathanngan 於 2014-10-26 19:20 發表
荃灣西可能因為驚第日碼頭荒廢？荃灣碼頭已經幾乎冇船 不過當然，屯門南站附近好多人叫碼頭區，所以叫屯門碼頭都可，或者用番填海之前海灣個名 ...

因為當年荃灣的填海計劃係由碼頭填到去麗城, 我估叫荃灣西就係呢個原因。

原帖由 lsc04d11 於 2014-10-29 06:05 發表
我諗到喇！！！
以地標及分區改名最好。

該站隔離有個青山警署，又屬於青山分區，不如就叫「青山」
往青山列車即將到達

我地不如入屯門，變成我地不如入青山。

認真地說，當「青山」咁多人入既時候，就自然沒有歧視的了！！
(再講，成個 ...

反對以青山命名新站，一來青山在日常用語存有貶義，二來，容易構成誤會（誤導往青山醫院、青山村、青山禪院的乘客在屯門南站下車，三者皆應在兆康站轉輕鐵），仍然建議命名蝴蝶灣站