新巴最後神鷹在開學日謝幕前夕的加班服務 - 104 / 970x

十八年前, 係中巴轉新巴的大日子, 當時 新巴最後神鷹 DA90正等待換上新衣
去年今日, 係DA90 尾二日服務...
架車在最後兩日的傍晚由創富廠出中環交廣,  再去入境處做104加班車;
分別係開學日做兩單 (頭單紅隧口, 尾單旺角);
尾日只做一單紅隧口就泊金鐘再做特別任務.....

我就同朋友在尾二日坐104的旺角尾單....
當日放工後, 得知DA90 做左一單紅隧口, 就去入入境處等

估唔到架車再做一單, 仲要長少少, 去旺角, 梗係開心....

開車前影相, 見到架車有970x 綠牌, 覺得有古怪,
上車果陣, 司機都不停話架車只到旺角.....

到彌敦道後, 在燈位, 謎團解開,
從車頭聽到的對話中, 得知架車到弼街後會過對面做 970系短途加班車回到南區......

落車後再影, 架車就掉頭, 在銀行中心再上客
下面會分享架車重回南區的情況

架車轉去旺角中心開始, 先做970X 一單返香港仔,
再做一轉970特別加班班次, 在華富拍卡後私瑪麗中載旺角, 再由旺角番數碼港

我就坐完104再坐 970X後就回家, 亦係最後一次坐佢跑西隧, 車長都出盡力渣
不過內部都直接反映架車係時侯上歸途......

在家中不時有數位朋友報料交流, 亦提供消息俾捕佢的朋友們....

誰會想到DA90 做完970, 返黃廠補油後返柴灣,
再被拉到新界東並且循環於油尖旺九龍城做N796.....

車上有位行家因為出九龍, 就意外地見證架車返 TKO....
果更通宵更應該從來無派尾日車, 更估不到做完通宵更, 到清晨就私去做一單去火炭的798
之後過馬鞍山做680一單出返金鐘再返創富廠休息, 直到下繁.....

現趁機貼下相懷念架車, 同埋中巴 (第一張970X 相係再早一點影)

謝收看, 一齊跟下相懷念這位在中巴新巴立下汗馬功勞的冷馬吧 !