[多圖] 去年七夕 各大巴迷重要大事 送別新巴招牌車 1001

舊年的8月20日, 係七夕, 亦係新巴的招牌車, 第一架新車 1001的尾日

當時成批頭50多架首批 10xx 都預定行走17年, 行車證到期後就退...

保留有波浪色的新巴1001貴為新巴開張招牌車, 到港出牌後, 在開學日前四圍巡遊
新巴首日服務當晚做左N8 首航車, 初期亦長行 8P.....

轉眼過左17年, 最後數日亦當然成為各大巴迷的焦點
同時都好多人去猜測架車尾日會否首尾呼應, 行番佢新出行的皇牌線....

到當日, 在面書上有人報佢做82x, 穿梭小西灣同埋太古坊筲箕灣一帶,
剛好途經我返工地方, 就在午飯同埋放工後
坐佢去享受架車跑東廊的快感.....(*架車波箱係5前速ZF)

最後循環: 82X
飯後果程坐佢,  上東廊的表現 還是段段有力, 好快就出東廊
不過因為要返工, 就中段落車......

放工後再去坐1001, 係架車在82X的尾程, 架車由其他車長接,
也一氣柯成的跑東廊去藍灣.....

呢單有班坐車頭的小學生為紀念此重要時刻, 特登寫張卡字攝車頭
"1001 @ 82X
~終極尾車~
THE FINAL DEPARTURE"

返到總站有再有另一位後生的車長接更 當時大量巴迷都聚集,
年紀輕果班見到架車被按下私牌後亦隨即起晎, 好似打鑼咁....

最後過海之旅 - 116
後尾聽見有人話佢會過慈雲山做一單116, 我亦同數位行家一齊趕去慈雲山 (中)
亦即時用WHATAPPS 通報俾剛下班的友好去.....
(事實上, 1001 在尾二日的早上亦曾到訪 慈中做302, 經東隧返上環
估不到尾兩日都有服務東九龍)

到慈中, 1001真的如消息般泊在後面, 見到車長亦都影埋一份, 等到近八時就入站.
我與友伴同埋一批由藍灣趕來的大小行家都上埋車, 同時車頭果班就再寫有尾日字樣的手寫卡放車頭 (見下圖)......

開車了, 架車沿途都無太多的上落, 亦因為交通暢順, 佢轉眼就到紅隧口.......
到港島區, 開始有客落車, 我就因為要醫肚, 就在七海落車影相......
下段再佢會做什麼線????

醫完肚後, 我的手機無哂電, 要靠附近的朋友去做針....

之後聽聞架車在總站後, 有班小學生擾攘一輪....
當晚在現埸果班友係咁吹風話架車最終做 8P.....

由於無哂消息, 亦見不到1001, 就決定同班同伴一齊去灣仔北
後尾大量巴迷去到, 但久久都唔見目標車, 站長都好奇,
好在最後站長也沒有因大量巴迷出現而不快....

我就最終同數位朋友坐2A - 即係(傳說) 架車做完116後做8P前的尾二線去維園,
其他的巴迷就留守灣北.....

終極路線: 42???
有同伴上 FB , 終於有人POST 左1001相: 原來佢去左南區華富做42一單返北角,
不久架車都好快的駛過, 我地就再坐 23 去北角碼頭....

剛好1001停在我地架車前面, 就即時影車尾相.....

車尾的口號 "服務優質, 乘客第一" 被保留下來, 架車到北碼後面近街市位置停泊,
泊車之後有5分鐘時間做最後留影.....

與同伴在北碼落車無耐, 在灣北食白果的巴迷就殺到, 令本來人氣不太旺的北碼
熱鬧起來, 趕緊拍照
架車尾軸不是原裝的DENNIS 輪蓋, 係有點不完美的感覺.......

離別的時侯到來, 車長就上車, 按下新巴 logo 電牌就開車返回創富廠
終結1001特別的一生.......

後記: 雖然坐不到1001最後一線是一個, 但42 出香港仔隧道後的路線
也在上一單感受了, 亦沒有太大感傷...

Salute to NWFB LEADER 1001!~~~
歡迎大家跟相或者分享當日的點滴吧!