[多圖] 電牌鷹 DA68/72 在華富利東的最後穿梭 (2014/15)

本文兩架歐一神鷹 DA68/72, 長期行走南區, 在新巴最後服務日不停行94A,
穿梭華富, 田灣, 香港仔至利東, 當中DA68更是全日車......

Part 1 - DA68 (HA551) (13 Jan 2015)
先說去年年頭埋單的 DA68, 架車由970開線起一路都服務南區,
佢在前一日都在鴨島渡過, 尾日就同 一齊到期的 DA67 都行鴨島....

當晚放工坐完 DA67, 就坐 DA68, 在華富同埋香港仔為佢做最後留影,
車長純熟地操架車, 令車子可以準時完成每一程, 上斜也還可以....

到近10點返到華富, 架車就被短 Dart 代, 後來在坐其他 DA 時,
聽到有放假的車長吹水,
佢話自己當日渣完 30X Dart 就去華富套走 DA68,
更把 DA68 吉車拉去東區, 但後尾又被指示拉回黃廠退.......
DA68 退後泊在天台一段時間, 兩個月後被拉落橋底等被拖走....
(另加DA68 上層內籠相, 佢在 DA62 入黃廠裝修時被換瑞昌科技的椅....)

DA72 入新巴不久, 因著116轉新車而帶著全廣長駐南區,
常行970, 直到臨退先淡出西隧.....
(我同友人曾在九月中坐佢做海怡線590A)

DA72在載客生涯的最後兩個周六, 都被安排行走94A,
係第一架埋單的HA牌 DA.....
九月尾 (27日) 亦係 另一架鷹 DA77 尾日 (做95, 另文再述)
坐坐下 DA77, 都順便坐下 DA72....

架車雖然在10月頭無人報行特見板,
但在星期六(10月4日), 行車證到期前一日, 見到佢做番94A....

兩日坐94A 的車程都好愉快, 當日有不同車長渣,
都努力去上斜加速, 為架車最後服務天留下最後轆跡,
我也為它的內外做最後留影....
隨後有兩位送別二人組都走去送別佢......

架車內部還很光猛, 表現也還可, 比上不足不下有餘,當日我下午遊左兩轉後,
因要考政府試, 就要早走. 考完之後還有機會坐嗎???? 留待下篇分解