[四年前, 多圖] 用38 分鐘 送別 新巴富豪: VA5 @ 38

前言
兩年前同埋四年前的今日, 我到去左送別前中巴二手車.....

舊年分享左兩年前神鷹 DA78 的尾日 (按下面 LINK)
http://www.hkitalk.net/HKiTalk2/ ... 1&extra=#pid3258596

今次再分享四年前布牌富豪VA5 的尾日.....

VA5: 黃竹坑 - 置富 - 北角
四年前今日, 係新巴布牌富豪 VA5 (GE1766) 的到期日,
前一晚行694聽聞好多人影, 不過架車尾日做的線對我來說更有特別意義......

其實VA5 新出果陣係南區車, 長駐海怡, 到新巴上新巴色後先換走,
去做948常用車, 之後都有一段時間駐守西區, 更曾租俾九鐵遊走大西北.....
講番38, 95年初中巴派出兩架 布牌富豪 VA24, 25代利蘭行38
後者更在新巴時代都成日有機會行, 最後果架 VA30 在尾二日都有做38.....
所以富豪同38一路都好似不分離咁, 直到VA30 退, 就到電牌水塘豪退到得番4架,
二手車做38 就更罕有......

我有時都會坐 VA5 行38去北角, 更有次影到佢門位無添加
也估不到佢最尾一日會重返南區, 亦係 38 最後一次用尾日車做全日,
不過電視已拆......拆得好整齊.......
<同年聖誕後 VA27 尾日做38 只限早上一單/一轉(?), 之後做82>...

當日下午在網上知道前南區車VA5 行走自己地頭的38號線, 就決定放工去黃竹坑坐,
有朋友話佢返緊置富, 就在黃廠附近等, 六點十左右上車, 先返置富, 再坐去炮台山,,,,

坐去北角方向果單 係不停隧道口, 我都在七海落車影門位, 再去北碼影梯位門位,
之後再上車影內籠, 架車內外到最後一刻都仲算新淨, 不像要埋單的車 .....

同埋, 大家睇到相內面的數字攪牌, 車頭由中間起顯示, 側面由左面顯示嗎?
真係不約而同......

下段就分享架車回置富的一程

VA5 回程分享
開車了, 去北角同埋返置富係不同車長渣,
返置富果單都好暢快 (註 - 全程正常車速)

出隧道後, 上斜都還有些力氣, 返到置富,
望望錶, 呢轉用左 38 分鐘! (=架車路線)
實在好開心, 亦有不捨......

落左車, 我再為 VA5 做最後留影, 同埋影行車證,臨走前 37A / B 都有同款後輩 停泊,
亦都影埋, 三架攪牌車泊在一起到現在已成絕響.....

布牌VA尾日收創富廠, 但有少數係可以尾日行南區線....

後記
在其他巴迷心中, VA5 尾二日做694 係特別好多, 亦多D 人影,
但在我心中, 布牌富豪尾日做38比尾二日的遠征更值得留念 更值得坐,
話哂38頭批 VA 係陪我長大; 由中學開始到我成人都成日有幸坐中.....

康明斯引擎加ZF 4前波箱令車子行香隧同埋落斜有暢快表現,
內部又靜一點, 冷氣也足夠, 車又開揚一點,  (雖然我愛鷹多一點),
每次出街坐中 佢地都係一大樂事......

分享完畢, 各位晚安.....