(長文, 兩年前) 掀起最後神鷹終極謝幕之完美開端 - DA91 @ 91

DA91 貴為最後出牌的神鷹, 中巴時代與DA92 一起服務東隧皇牌線 601,
亦都在中巴尾期換上大小楷目的地牌, 表現在十架歐二鷹中一向中上;

到新巴後, 因著到期年驗, 而披上新巴色彩, 更在上 BANNER 廣告不久,由東區改為長駐南區,
首先 成為了 301 的掛牌, 取代了舊一點的 DA (DA49),
每朝先做 93海怡特班,再過紅隧做301 打仗.....

到了1999年, 架車入黃廠同 DA89一起裝修內籠,  新巴色被重髹,
跟著就在不同的南區線遊走, 2001年 更全車重新噴油 -
門位留有本來廣告 (無記錯梯位都係),
同時目的地數字牌都換做新巴螢光黃......之後再換電牌.....

換電牌後, DA91 不時都會行走同佢車號一樣的路線 - 91,
更完美地成為佢最後一條服務的路線, 掀起最後神鷹終極謝幕之完美開端......

三年前的年尾, 我去年份網 CHECK 果十架 歐二鷹到期日, 以夠18年去計,
DA91 係最早到期的一架, 在 2015年2月1日到期, 不過當日星期日,
紅日黃廠不出到期車, 故最後服務日就在 1月尾, 即 1月31日 (星期六)
我也預留了時間去送別佢......

在2015年1月31日, 新巴11.3米富豪低地台運到香港, 並隨即駛到黃竹坑廠停泊......
(之後被編為 45XX, 四個月後正式投入服務).....

同時有網友在 面書 發佈 DA91朝早 做 301, 不但總結了 DA91
在新巴16年多在南區的服務生涯, 亦為南區11米車的第二波新舊交替
開始序幕.......

早上的中段時間, 我要去九龍辦事, 因此要到中午才可返回南區
尋找 DA91的去向....

現在, 先送上第一張, 在四五年前影的 DA91 在瑪麗,
第二張就在到期前數日的晚上的留影,
其他都在兩年前今日, 最後服務天影.....

下段分享當日送別的見聞.....

我到香港仔會合戰友, 起初都未見到, 到後來我先回家午飯,
坐95C 上到華富果陣, 見到DA91 行走91 落斜去緊鴨島,
即刻通報戰友同埋其他朋友去補.......

我食完飯之後都追蹤 DA91 的行蹤, 之後坐車去港大等,
原來我另一友人都在中環上左車, 再不久DA91 到港大,
就開始上車送別..........

返到總站, 下車影車頭相, 有另一位車長接車, 未上車前,
車長都好奇我地一班巴迷何以在中環一帶 把相機對準部 DA91,
我朋友就話架車聽日退, 所以就趁機做最後留影.....

之後, 接更車長上車, 一上車就明言自己會在晚上十點前收工渣架車返廠....
開車果陣都趁機影下入面車頭 (車長之後插左名牌的)
同埋上下層內籠, 見到內部都很新淨, 不像要退的車,
上層有張椅坐墊居然換左最新淺紫 E500 款式,成為一大特別亮點 ......

轉眼返到中環, 就再影梯位. 之後再坐回程, 上利東果時, 車長電話開始震機,
不過車長渣緊車, 臨離開利東停燈位, 佢回撥電話, 係車廠打來,
叫佢當晚返廠唔使入油, 做完尾單返廠直接泊上天台,
代表架車當晚收車就退役.....

來到晚上 DA91 與當時相同廣告的 DA84 相遇, 亦係我對 DA91 最後留影....
而當日 DA84 做 95, 亦係佢最後一條做的 區內線 ,
做完最後一轉, 架車正式回廠榮休.....

這次的送別, 亦因著富豪 45XX 到港開始了新巴11米車的新舊交替時刻,
為這送別增添多一重意義........

長文分享完, 多謝收睇~~~

DA91呢款 "滑面" 椅皮真係好柔軟舒適, 如果全部新巴舊車裝修嘅時候都用哂呢款椅皮, 肯定好正! 不過呢款椅皮只得好少DA/VA採用, 唔通呢款椅皮成本貴D?