(長文) 960 開荒龍在公路的最後光輝 (1) : AD335 - HC1409 @ 72X

一路以來 , 來往大埔至九龍的獅隧線72X 不時都會用夕陽巴士去做替車,
我也樂於去捕足那些夕陽白板的最後一刻......

然而11米冷馬巨龍 (大多係2+2座位) 雖然在退前不時做替車, 但可以在72X 做最後一日服務的,
卻只有兩架, 就係尾期的 HC1409 (本文主角) 同埋 HC2219, 反而12米大白龍卻常見做最後一程,
相信是因為該線客量不少, 11米龍 (2+2 位) 載客量較低, 要左度右度先安排到更份.........

先略述 AD335 - HC1409 的故事吧! 佢新出同一眾HC牌兵團都預留俾西隧長途線 960,
並被貼上路線宣傳廣告, 到千禧年轉戰沙田馬鞍山耀安一帶,
先掛 85K, 再長駐城隧 九年 (掛 49X -> 43X), 同時架車軑盤被換成輕量版.....
有D 同僚入到沙廠後都離開公路, 只有少數係可以被安掛行走對外跨區線....
HC1409 係其中之一, 仲要架車公路都好跑得, 難怪在沙田總廠果陣都長行城隧.....

2010年7月 佢同 HC1558 被送往北區, 1409 就掛左兩條 K 線,
70k (2010 - 11) 同埋 76k (2013-15)....

可能架車同960 的一些同僚一樣, 因長期高載而積聚不少內傷....
同時在尾期成日有漏風問題, 就安排1409同部份高維修率的車
早一星期封車退....

架車掛76K 果陣, 有掛牌師姐可以維持全程無壞車無 PORT 車.....
佢做兩條北區K線的故事未來再寫, 現在分享 1409 尾期跑公路的遊歷.......

自從1409 入北區以來, 我都會諗架車好少行吐露港公路
都會想佢特見出市區線, 沒想到這想法會成真....
(事實佢入北區有紀錄的第一條線 係 271, 來回獅隧;
隨後佢有時都會做城隧線, 亦偶而會做東九龍特快 - 見過佢做 277E 的相).....

由 2014年尾開始, 做緊76k 掛牌的 HC1409 開始出走, 常見於大埔,
亦不時做 72X 出九龍, (佢首次做 72X 係 在2012年9月20日),
做72X 多數以 R 軌形式行, 不過到下段不時會套俾新人做全日更下段,
而我就要在2月尾同三月先有機會一嘗 HC1409 跑吐露港公路的快感........


2月尾日特別之旅
由2014年尾起, 不時有11米龍做 72X 替車,
當中以本文主角 1409 同 2083 最常用....
當我坐 HC2083 跑完公路, 就見到HC1409 在對面出緊九龍,
就決定坐 2083 過九龍塘等....(2083 的遊河未來分享吧!)

等果陣都見到有多一架大富豪特 HG4404, 前後都等左四五架,
終於見到目標車, 埋站前影番張; 上車後, 架車都坐滿,  幸好還可以企....
上車不久就要爬上映月台這大斜, 然後過獅隧....

出左獅隧落埋斜, 本應直接入吐公, 但因為有事故, 架車要上大涌橋路,
好似經大老山隧道的 74X 咁行, 再經馬料水果邊先至入吐公.....
雖然路程長左少少, 但都令我送別佢果陣多了一個特別的回憶,
到吐露港公路架車都好跑得, 轉眼就入到大埔.......

返到大埔中心, 就影左數張, 但架車好快開走左, 幸好過五日之後可以再坐.....
不久我走上前, 有張 寫住 "馬料水爆水渠", 解開了架車去大埔改路之綠由........
五日後 (3月6日) 架車再做72X, 就在晚上再遊, 亦係我最後一次坐佢出旺角....
下段再講....

3月頭 之 夜遊
我在五日後趁有半日假, 先送別 新巴鷹 DA80,
之後因為架車有事早退而回家晚飯, 再收到料話 HC1409 做  72X,
就再問埋時間, 食飯飯坐車去旺角柏景灣等佢.....
原來架車抖緊, 我就可以影門位....

等到晚上九點一, 就開始上車, 九點二開,
今次係真正的夜闖獅隧 跑吐公....
在車長全力操刀下, 架車上大斜無難度,
一波中高轉, 出到獅隧就係佢 show time,
落斜果一刻的快感比12米版, 低地台車同埋 富豪更勝一籌; 進入公路
引擎發出高頻音色在公路也好悅耳, 也令我的遊河加多個難忘回憶.......

到大埔中心, 我就過對面影梯位, 之後架車入72x 的右面坑泊,
由於之後有八九個字抖, 我就坐 74k 的另一架相近車牌, 不同款的11米車歐一車
AV231 - HC2409, 再回到埔中落車......

回到埔中, 見到 HC1409 開始上客, 就跳上車, 坐出旺角再轉車回家
車長一眼就認得我, 佢好奇我點解坐番同一架車.....
佢本身愛渣新車多一些, 不過佢都渣過 1409 同埋 2083, 覺得 1409 好一些,
因為佢輕軑, 然而起步果陣要有些技巧, 因為一俾油就標住去, 要就一就, 停車都係.....

在公路, 架車亦都可以爽快地完成全個路段, 坐在車頭的我, 都百感交集,
開心, 係因為坐佢在公路跑, 亦感受架車的最後一刻.....
哀傷, 係因為開心時光不能長久, 架車最終早退, 未能在尾日再次感受......
3月19日當日, 我在 柏景灣見到架車出站做最後一程載客的 72X!!!~~~~

最後, 想用CHILAM 主唱的一首清朝的電視劇主題曲
完結這送別分享!~~~~

飛龍在天 - 張智霖 (無線電視劇「天子屠龍」主題曲)
問句在那天這巨龍能鬆綁   讓你飛舞在這氣燄雲雨上
仰首天問問太陽　龍舞動是甚模樣
龍飛天與地　不應屈半晌

飛天空海闊　大地你是皇     飛呼風趕雨　浩雲上巨濤上
萬世樂與福永共存同分享
笑傲俗世遂眾生　應何樣便何樣

多謝大家點閱這長文!!!~~~