本帖最後由 ctb7k-pc6795 於 2017-1-30 17:09 編輯
往來上水至尖沙咀的 270A 貴為長途線王, 一向較少會用尾日車埋尾.
不過兩年前今日, 卻因著車務安排,
而安排了水塘富豪 AV209 - HA7874 做下段至尾.......
講番果日, 麼地道總站當晚都有另一架尾日車 HA7501 (AV203) 做12,
但因為 HA7874 梯位無添加, 加上做長途線, 所以就成為當晚焦點.....
(OT 兩架尾日車其實出牌都係九龍灣廠, 不過最後去廠唔同廠,
想不到尾日居然會在麼地道總站最後一次重聚)....
講番 HA7874, 佢長時間都跑山, 有大埔道 (掛 81 同埋72),
中段去過屯門, 掛 59M 行屯門公路, 之後返回大埔道掛72,
直到 2014年72 用歐四歐五車就轉去邊境線 78K 養老....
本身 HA7874 做 78K 都出車穩定, 還以為到期當日就退,
沒想到架車居然在當日 (到期日) 被安排做隧道線遠征,
更因柯打而在下午出尖沙咀, 收到消息就放工去麼地道總站等.......
果陣都唔少行家都走來影相, 不過坐的就少一點, 而我就影完兩邊,
同埋新舊對照後, 就上車享受這終極一單....
之前有朋友話架車做 72 果陣 重軑無力, 冷氣好似係唔夠,
不過當日架車表現不過不失, 車長都渣得定.....
最終上獅隧果陣頂哂閘, 好在都準時返到......
到上水總站我影埋後面, 後面車牌的圍邊係九廠新出牌車獨有,
加埋車頭 Roadshow 舊 logo, 好有懷舊味道......
落哂客後, 車長渣架車去近公廁位停泊, 方便拆牌交還站長室, 聽到話架車返廠會交俾工程部照顧 ,
之後車長渣架車返廠泊在車廠中間位, 結束十八年載客生涯, 亦都代表架車完成任務, 光榮引退......
謝點閱, 歡迎相貼架車尾日一刻或載客時的相~~
|
