(轉載)九巴龍運母企「載通」2025中期息之以股代息計算參考

首先要多謝梁主席以及「載通國際」董事局願意派股息！

（以下內容以港元列示）

載通國際早前宣佈，將派發2025年度中期股息，每股港幣3毫。

參考過往的以股代息計算安排，即為除凈日及其後四個交易日（共五日）之平均收市價計算，本年度即為2025年9月8日至12日，其收市價及算式為：

(10.30+10.66+10.62+10.62+10.50)÷5=$10.54

當小股東喺截止過戶之前，每持有一手400股嘅「載通國際」股票，就可以得到$120股息，再除以「以股代息」基準價$10.54，即為……

可申請之最高以股代息股數：

(400×0.3)÷((10.3+10.66+10.62+10.62+10.50)÷5)=11.385 股 ……

以每手400股計算，而換取最高「紅股」股數之所需之原有股份數目（《以股代息表格》「C欄」之填寫數字）：

10.54 × 11股 ÷ $0.3 = 387 股

即係話，每手400股嘅「載通國際」股東，最多可以用387股原有股份嘅$0.3中期股息，去申請攞返11股「以股代息」的「紅股」，再將股息總金額減返「以股代息」之金額：

$ 120 股息總額 - （ 0.3 × 387 ）= $3.9 （最後所得之現金港元股息）

利申：於本文上載之日，本人已成為「載通國際」之登記股東，並持有該公司之股份權益

（以上數式，只作示例計算，謹供參考之用，不同股東之情況或有差異，若有需要，請尋求專業意見。）

參考資料：https://www1.hkexnews.hk/listedco/listconews/sehk/2025/0912/2025091200801_c.pdf

紅股不是專指直接向所有股東派發的股票嗎？

s3n370 發表於 2025-9-12 18:04
紅股不是專指直接向所有股東派發的股票嗎？

正式嘅名稱應該係「以股代息股份」

不過為咗方便表述，等大家比較容易理解，即係公司賺錢，以新股形式與股東分享利潤嘅股票，咁我咪叫呢啲做「紅股」囉！

我以前亦都見過，有一間喺加拿大註冊而喺香港上市嘅保險公司，試過用自己公司股票作為保單分紅都有，所以我咪將上市公司以發行新股俾股東分享利潤嘅舉動都叫做「發紅股」囉！

但係由以股代息所取得嘅新股票，一般係需要申請嘅！但我喺「載通國際」嘅股東大會上面，聽到好多上咗年紀嘅「哥哥姐姐」都唔明以股代息嘅操作，咁我咪試下Post出嚟教下大家囉！

今年計會唔會全年加埋得0.5息
2023年一年派0.8
2024年派得0.5

補返「載通國際」—2025年度中期股息嘅以股代息「紅股」換算表（只作參考之用）