本帖最後由 ctb7k-pc6795 於 2025-10-29 13:18 編輯
本文主角 50010 (舊號8214) 係半年前轉色, 成為第四架新色非專鐵甲,
亦係第二架轉色非專原版同類, 亦係今年七一翌日黃昏復出做88R....
一直都好想去幫50010 補影番佢首航, 但因為第一城專線大減班, 要追要影真係靠彩數,
反而 50002 (前8235) 初復出都易影, 就算大減班都仲係不時有出....
在前日, 係特見版得知架車朝早中環私, 估佢下段應該會做返去第一城,
係黃昏企歷山大廈出面, 終於係六點半, 見到新色鐵甲慢慢行前,
隨即舉機留影, 再行去站上車.....一上車, 望下車頭,
舊車號同新版載客限額貼紙, 並存形成有趣對比,
座椅亦係原裝. 除左個別幹道有微塞, 轉眼返到第一城.....
返到去見到另一新色鐵甲 50002 都係度, 50010 就泊後面,
但清客後卻倒後出站, 原來佢係私返西九廠收.
我就趁架車離站前影埋門位加尾, 就完成是次集郵.....
|
